Teḛ-Raga 8:17 - Maktub gə́ To gə Kəmee

¹⁷ Ɓó lé i ya̰ dəwje lə neḛ ar dee d’aw el ndá n’a kula gə kəm mbàje kɔm dee dɔi’g ləm, gə dɔ kuraje’g ləi ləm, gə dɔ dəwje’g ləi ləma, gə dɔ kəije’g ləi ləm tɔ, kəm mbàje neelé d’a rusu mee kəije lə njé gə́ Ejiptə tub-tub ləm, d’a taa dɔ naŋg pəl-pəl ləm tɔ.

Teḛ-Raga 8:17 ပူးပေါင်းရင်းမြစ်များ

Pakɔsje 105:31

Yeḛ pata ndá kəm mbàje teḛ ne dèm-dèm ləm, Ndisaje kara taa loo d’aw dèm-dèm dɔ naŋg ɓeeje’g lə dee lai-lai ya ləm tɔ.

Pakɔsje 78:45

Yeḛ ula gə kəm mbàje dɔ dee’g ar dee to̰ dee ləma, Yeḛ ula gə́ kurkuduje dɔ dee’g ar dee tuji néje lə dee ləm tɔ.

Teḛ-Raga 4:23

Neḛ n’ulai m’pana: Ya̰ ŋgon neḛ aree aw aw pole neḛ, ɓó lé i ndigi kyá̰ karee aw el ndá aa oo, n’a tuji ŋgoni gə́ to ŋgondəri tɔ.

Teḛ-Raga 5:1

Gée gə́ gogo Moyis deḛ gə Aaro̰ d’aw rɔ Parao̰’g d’aw d’ulá pana: Njesigənea̰ Ala lə Israɛlje lé pa bèe pana: Ya̰ dəwje lə neḛ ar dee d’aw dɔdilaloo’g mba ra naḭ gə́ wɔji dɔ neḛ.

Teḛ-Raga 8:16

Njesigənea̰ ula Moyis pana: Ḭta gə ndɔ rad, aw aar no̰ Parao̰’g, loo gə́ yeḛ a teḛ mba kaw ta baa’g lé ndá i a kulá pana: Njesigənea̰ pa bèe pana: Ya̰ dəwje lə neḛ ar dee d’aw d’aw pole neḛ.

Esai 23:9

Njesigənea̰ gə́ njeboo-néje wɔji mée’g togə́bè Mba tuji ne rɔnduba lə njékəstaje ləm, Mba kila rɔkul dɔ dəwje gə́ boo’g Deḛje lai gə́ dɔ naŋg nee ləm tɔ.

Néra Njékaḭkulaje 12:23

Léegəneeya kura lə Mbaidɔmbaije gə́ dara daree bus mbata yeḛ ula rɔnduba dɔ Ala’g el. Ndá kuruje d’o̰ ne mée aree oso ne gə̰gərə wəi.