Teḛ-Raga 8:14 - Maktub gə́ To gə Kəmee

¹⁴ Njéra némɔrije kara ra némɔrije lə dee ɓəd-ɓəd mba kar nduji naŋg tel ŋgisaje, nɛ dum dee ŋga. Tɔɓəi ŋgisaje lé to dɔ dəwje’g ləm, gə rɔ daje’g ləm tɔ.

Teḛ-Raga 8:14 ပူးပေါင်းရင်းမြစ်များ

1 Mbaije 18:26

Deḛ d’wa bɔ maŋg gə́ d’ar dee lé ndá deḛ gɔlee, tɔɓəi deḛ ɓar ne ri Baal, un kudee gə ndɔ ya saar kàr aar daŋdɔ pa ne pana: Baal, ila sí keneŋ! Nɛ ndia ɓar el ləm, yeḛ ila dee keneŋ el ləm tɔ. Bèe ɓa deḛ tal jagəra-jagəra no̰ loo-nékinjaməs’g deḛ ra lé.

1 Mbaije 18:29

Loo gə́ kàr gə́ aar daŋdɔ lé dəs mba̰ ndá deḛ tegginta lé saar d’ar kàr kun nékar gə́ kàrkemetag teḛ tɔ. Nɛ ndia ɓar el ləm, yee ila dee’g el ləma, əsé né gə́ tɔji dee kar meḛ dee to yel kara d’oo el ləm tɔ.

Teḛ-Raga 7:21

Ka̰jije gə́ mee baa’g neelé d’wəi ləm, mán baa kara ndum ləm, njé gə́ Ejiptə d’askəm kai mán baa neelé el ŋga ləma, məs neelé kara to gə looje lai mee ɓee gə́ Ejiptə ləm tɔ.

Teḛ-Raga 8:13

Aaro̰ ula kag-tɔs gə́ jia’g lé unda ne nduji naŋg, tɔɓəi nduji naŋg lé tel to ŋgisaje dɔ dəwje’g ləm, gə dɔ daje’g ləm tɔ. Nduji naŋg lai tel to ŋgisaje mee ɓee gə́ Ejiptə lai-lai ya.

Teḛ-Raga 8:15

Ndá njéra némɔrije lé d’ula Parao̰ pana: Yee neelé to ŋgaw ji Ala ya. Mee Parao̰ ndər aree udu mbia dɔ ta’g lə Moyis gə Aaro̰, gə goo ta gə́ Njesigənea̰ pa kédé lé tɔ.

Teḛ-Raga 8:24

Parao̰ pana: M’a kya̰ loo kar sí awje dɔdilaloo’g mba kinja nékinjanéməsje kar Ala lə sí gə́ Njesigənea̰ ya, nɛ loo gə́ a gə kawje ndá kaw ɓa seḭ a kawje loo gə́ əw el. Maji kar sí raje tamaji mbata ləm ya.

Teḛ-Raga 9:11

Njéra némɔrije d’as teḛ kaar no̰ Moyis’g el mbata lə bairaŋ lé, mbata bairaŋ neelé sɔ njéra némɔrije to gə́ sɔ ne njé gə́ Ejiptə lai bèe ya tɔ.

Esai 19:11

Dəwje gə́ boo gə́ Soa̰ to gə́ mbəje ba ləm, Njékɔjita-kəmkàrje lə Parao̰ d’ulá ta mbə ləm tɔ. See ban ɓa seḭ ulaje Parao̰ pajena: Ma m’to ŋgolə njékəmkàrje ləm, N’toje ŋgalə mbaije gə́ ləw ləm tɔ lé wa.

Esai 34:2

Mbata oŋg lə Njesigənea̰ a gə kɔm dɔ ginkoji dəwje gə raŋg’g lai Ndá oŋg-boo ləa a kɔm dɔ njérɔje’g lə deḛ lai tɔ. Yeḛ wɔji mba kar dee d’udu guduru ləm, Yeḛ ɔm dee ta yoo’g rib-rib ləm tɔ.

Ejekel 39:11

Mee ndəa’g neelé n’a kar Gɔg loo gə́ a to dɔɓaree mee ɓee gə́ Israɛl, mee wəl-loo lə njékaw mbáje gə́ to par gə́ bər lə baa-boo-kad lé, dɔɓar neelé a kudu rəw dɔ njékaw mbáje’g. Lée neelé ɓa d’a dubu Gɔg gə dəw-bulaje ləa lai keneŋ ndá wəl-loo neelé d’a ɓaree wəl-loo lə koso-dəwje lə Gɔg.

Joɛl 2:20

M’a kɔs njéba̰je lə sí gə́ par gə́ dɔgel lé rəw no̰ sí’g ləm, M’a tuba dee par gə́ dɔdilaloo’d Gə́ tudu kurum-kurum ləm Kar deḛ gə́ njékɔrno̰ deeje D’oso dan baa-boo-kad’g par gə́ bər ləma, Kar njékaa goo deeje D’a koso dan baa-boo-kad’g par gə́ dɔ-gó ləm tɔ. D’a ndum kar nin dee ə̰də mbo̰ ləm, Ndum dee a kḭ kaar tar dan lel’g ləm tɔ Mbata deḛ ra sə sí némajelje gə́ boo.