Teḛ-Raga 8:11 - Maktub gə́ To gə Kəmee

¹¹ Parao̰ lé oo to gə́ né gə́ kədərə nee ɔr dəa’g wuduru ŋga ndá yeḛ ar mée ndər ya ɓəi, tɔɓəi yeḛ udu mbia dɔ ta’g lə Moyis gə Aaro̰, gə goo ta gə́ Njesigənea̰ pa kédé lé.

Teḛ-Raga 8:11 ပူးပေါင်းရင်းမြစ်များ

Teḛ-Raga 4:21

Njesigənea̰ ula Moyis pana: Tel gə́ i a gə tel kaw Ejiptə gogo lé aa oo, némɔrije lai gə́ m’ɔm jii’g lé i a ra dee no̰ Parao̰’g ya. Nɛ ma lé m’a kar mée ndər ndá yeḛ a kya̰ loo kar koso-dəwje lé d’aw el.

Teḛ-Raga 7:13

Mee Parao̰ ndər aree oo ta lə Moyis gə Aaro̰ el, gə goo ta gə́ Njesigənea̰ pa kédé lé tɔ.

Teḛ-Raga 7:14

Njesigənea̰ ula Moyis pana: Mee Parao̰ ndər yaa̰, yeḛ mbad kya̰ loo kar dəwje neelé d’aw.

Teḛ-Raga 8:12

Njesigənea̰ ula Moyis pana: Ula Aaro̰ pana: Maji kari ula kag-tɔs ləi unda ne nduji naŋg. Nduji naŋg neelé a tel to ŋgisaje dɔ naŋg ɓeeje gə́ Ejiptə lai-lai. Deḛ ra togə́bè ya.

Teḛ-Raga 8:13

Aaro̰ ula kag-tɔs gə́ jia’g lé unda ne nduji naŋg, tɔɓəi nduji naŋg lé tel to ŋgisaje dɔ dəwje’g ləm, gə dɔ daje’g ləm tɔ. Nduji naŋg lai tel to ŋgisaje mee ɓee gə́ Ejiptə lai-lai ya.

Teḛ-Raga 8:3

Nɛ njéra némɔrije lé kara deḛ ra togə́bè tɔ, gə goo némɔrije lə dee lé. Deḛ d’ar kurkuduje tal mee ɓeeko̰ gə́ Ejiptə ya tɔ.

Teḛ-Raga 8:9

Njesigənea̰ ra né gə́ Moyis dəjee lé ya tɔ, kurkuduje lé d’wəi mee kəije’g ləm, gə gadlooje’g ləma, gə mee ndɔje’g ləm tɔ.