Teḛ-Raga 8:10 - Maktub gə́ To gə Kəmee

¹⁰ Deḛ daa yoo dee dɔ na̰’d ndil-ndil ar mee ɓee gə́ ə̰də mbo̰.

Teḛ-Raga 8:10 ပူးပေါင်းရင်းမြစ်များ

2 Samel 7:22

Gelee gə́ nee ɓa i to gə́ boo, Njesigənea̰ Ala! Mbata njetana səi godo ləm, gari-i Ala godo gə goo néje lai gə́ jeḛ j’oo gə mbi sí neelé ya ləm tɔ.

1 Sôrta Gḭka-Israɛlje 17:20

Ǝi Njesigənea̰, njetana səi kára kara godo ləm, gari-i Ala godo ləm tɔ gə goo néje lai gə́ jeḛ j’oo gə mbi sí lé.

Pakɔsje 83:18

Maji kar kaar dee to kərm, kar dee ndəb pəd-pəd saar gə no̰ ya ləm, Maji kar dee nai gə rɔkul ɓó gə d’udu ne guduru ya ləm tɔ.

Pakɔsje 86:8

Mbaidɔmbaije, mbuna magəje’g lé Yee gə́ kára kara gə́ to tana səi bèe godo ləm, Kula gə́ raŋg gə́ to asəna gə kula raije kara Godo ya ləm tɔ.

Pakɔsje 9:16

Ginkoji dəwje gə raŋg d’oso mee bwa Gə́ deḛ nja d’uru’g lé ləm, Gɔl dee kara réḛ gum gə́ deḛ nja d’iya pḛ́ lé ləm tɔ.

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.

Teḛ-Raga 8:9

Njesigənea̰ ra né gə́ Moyis dəjee lé ya tɔ, kurkuduje lé d’wəi mee kəije’g ləm, gə gadlooje’g ləma, gə mee ndɔje’g ləm tɔ.

Teḛ-Raga 9:14

Mbata ɓasinè lé n’a gə kar tuji-booje lə neḛ lai d’a koso dɔi’g ləm, gə dɔ kuraje’g ləi ləma, gə dɔ dəwje’g ləi ləm tɔ, mba kari gər ne gao, to gə́ dɔ naŋg nee lai lé dəw kára kara gə́ to tana sə neḛ bèe lé godo.

Teḛ-Raga 9:29

Moyis ulá pana: Loo gə́ m’a kunda loo mee ɓee-boo’g nee teḛ raga ndá m’a kodo jim par gə́ rɔ Njesigənea̰’g ndá ndi a kəw rəa ndaŋg ləm, ndi kwɔji kara a koso teŋ el ləm tɔ, mba kari gər ne gao to gə́ dɔ naŋg neelé to ka̰ Njesigənea̰ ya.

Gosota-Kəmkàrje 27:1

Maji kəsta dɔ ndɔ gə́ bèlè’g el Mbata i gər né gə́ a teḛ mee ndəa’g nee el.

Esai 40:18

See na̰ ɓa seḭ a kwáje kwɔjije ne Ala wa. Esé néndaji gə́ ban ɓa seḭ a raje kaareeje to tana səa wa.

Esai 40:25

Njemeenda pana: See na̰ ɓa a kwamje kwɔjeje ne wa.

Esai 46:9

Arje meḛ sí olé dɔ néje gə́ dəs’g Mee ndəaje gə́ ləw’g lé Mbata ma m’to Ala Ɓó yeḛ gə́ njekorè dɔm-ma’g godo, Ma m’to Ala Ɓó yeḛ gə́ njetana səm kára kara godo ya saar.

Tel tura Godndu 3:24

Mbaidɔmbaije gə́ Njesigənea̰, i un kudu tɔji kura ləi boo ləi gə ji siŋgamoŋ ləi gə́ ɓar mèr-mèr, mbata see magə gə́ ra ɓa dara əsé dɔ naŋg gə́ a kaskəm ndaji kula raije gə néraije gə́ dum dɔ loo lé wa.

Tel tura Godndu 32:31

Mbata yeḛ gə́ to mbal lə dee lé To asəna gə yeḛ gə́ to mbal lə síjeḛ el, Njéba̰je lə sí ya kara To gə́ njékɔr géeje ya tɔ.

Tel tura Godndu 33:26

Moyis pa ya tɔɓəi pana: Dəw kára kara gə́ njetana gə Ala lə Israɛlje lé godo, Yeḛ uba dɔ dara aw Gə mba ree la sə sí ləm, Yeḛ uba dɔ mumje Gə rɔnduba ləa ləm tɔ.

Tel tura Godndu 4:35

Seḭ nja toje njékɔrgoo néje neelé gə mba kar sí gərje gao to gə́ Njesigənea̰ ya kára ba to Ala ɓó garee gə́ raŋg godo.

Tel tura Godndu 4:39

Ɓogənè maji kar sí gərje gao ləm, maji kar sí ŋgəmje taree meḛ sí’g ləm tɔ, to gə́ Njesigənea̰ Ala ya kára ba si mee dara’g tar ləm, gə dɔ naŋg nee ləm tɔ ɓó garee gə́ raŋg godo.

Maktub gə́ Jak ula ne ar ngan-Allaje 4:14

Né gə́ a teḛ dɔ sí’g bèlè lé seḭ gərje el! Mbata see ɗi ɓa gə́ kəmə lə sí wa. Seḭ toje asəna gə kṵji mán gə́ teḛ sa gi-gi, nɛ waga ba ndá tel sané kad bèe tɔ.