Teḛ-Raga 7:6 - Maktub gə́ To gə Kəmee

⁶ Moyis deḛ gə Aaro̰ ra né gə́ Njesigənea̰ un ne ndia ar dee gə mba kar dee ra lé ndá deḛ ra togə́bè ya.

Teḛ-Raga 7:6 ပူးပေါင်းရင်းမြစ်များ

Gḭ-Néje 22:18

Ginkoji dəwje gə raŋg lai dɔ naŋg nee lé d’a kiŋga dɔkaisəgərə rɔ ŋgakaije’g mbata i lé njaa gə ŋgonkoji dɔ ta’g ləm ya.

Gḭ-Néje 6:22

Yee ɓa gə́ né gə́ Noe ra. Yeḛ ra néje lai gə́ Ala un ndia aree lé aree ɔr rɔd ya.

Gḭ-Néje 7:5

Noe ra néje lai gə́ Njesigənea̰ un ne ndia aree mba karee ra lé ya.

Pakɔsje 119:4

I nja un ndukunje ləi lé Mba kar dee tɔs kəm dee dɔ’g bao-bao.

Teḛ-Raga 12:28

Togə́bè Israɛlje d’aw ra to gə́ Njesigənea̰ un ne ndia ar Moyis gə Aaro̰ lé, dee ra bèe ya.

Teḛ-Raga 39:43

Moyis tən kulaje neelé lai, ndá aa oo, deḛ ra to gə́ Njesigənea̰ un ne ndia ar dee lé deḛ ra togə́bè ya. Bèe ɓa Moyis tɔr ne ndia dɔ dee’g ya.

Teḛ-Raga 40:16

Moyis ra néje lai gə́ Njesigənea̰ un ne ndia aree lé, yeḛ ra togə́bè ya.

Teḛ-Raga 7:10

Moyis gə Aaro̰ d’aw rɔ Parao̰’g tɔɓəi deḛ ra né gə́ Njesigənea̰ un ne ndia ar dee gə mba kar dee ra lé tɔ. Aaro̰ ila kag-tɔs ləa naŋg no̰ Parao̰’g gə no̰ kuraje’g ləa ndá kag lé tel to li ya tɔ.

Teḛ-Raga 7:2

I lé a pa taje lai gə́ m’a kun ne ndum kari lé, tɔɓəi ŋgokɔḭ gə́ Aaro̰ a kun taree ndaji kar Parao̰ mba karee ya̰ ne Israɛlje ar dee d’unda ne loo mee ɓee’g ləa teḛ raga.

Teḛ-Raga 7:20

Moyis deḛ gə Aaro̰ ra né gə́ Njesigənea̰ un ndia dɔ’g mba kar dee ra lé. Aaro̰ un kag-tɔs gə́ tar unda ne mán baa kəm Parao̰’g ləm, gə kəm kuraje’g ləa ləm tɔ, ndá mán baaje lai lé tel to məs.

Tagə́maji gə́ Ja̰ ndang 15:10

Ɓó lé seḭ aaje dɔ godndum kər-kər ndá seḭ a naije dan kəm’g ya to gə́ ma kara m’aa dɔ godndu Bɔm kər-kər ɓa m’nai ne dan kəmee’g bèe tɔ.

Tagə́maji gə́ Ja̰ ndang 15:14

Torndum gə́ ma m’un m’ar sí lé ɓó lé seḭ raje areeje ɔr rɔd ndá seḭ toje gə́ baokuraje ləm ya.