Teḛ-Raga 7:5 - Maktub gə́ To gə Kəmee

⁵ Loo gə́ m’ula jim ndiŋ dɔ Ejiptə’g ləm, gə m’ar Israɛlje d’unda loo teḛ dan dee’g ləm tɔ ndá Ejiptəje lé d’a gər gao to gə́ ma lé m’to Njesigənea̰ ya.

Teḛ-Raga 7:5 ပူးပေါင်းရင်းမြစ်များ

Pakɔsje 138:7

Loo gə́ ma m’isi dan néurti’g lé I nja am m’isi kəmba ləm, I ula jii ndiŋ ɔg ne njéba̰je ləm dɔ oŋg’g lə dee ləma, Jikɔli ɓa i ajim ne ləm tɔ.

Pakɔsje 9:16

Ginkoji dəwje gə raŋg d’oso mee bwa Gə́ deḛ nja d’uru’g lé ləm, Gɔl dee kara réḛ gum gə́ deḛ nja d’iya pḛ́ lé ləm tɔ.

Teḛ-Raga 10:2

A to togə́bè mba kari ndaji taree ar ŋgoni gə́ diŋgam ləm, gə ŋgon mee ŋgoni gə́ diŋgam ləm tɔ, mba kar dee d’oo ne né gə́ ma m’ra gə njé gə́ Ejiptə ləm, gə nétɔjije gə́ ma m’ar dee nduba ne rɔ dee mbuna dee’g ləm tɔ. Bèe ɓa seḭ a gərje ne to gə́ ma m’to Njesigənea̰ ya.

Teḛ-Raga 10:7

Kuraje lə Parao̰ d’ulá pana: See dəw neelé a to gum kwa sí ya bèe-bèe saar gə́ ndɔ gə́ ra wa. Maji kari ya̰ dəwje neelé ar dee d’aw gə mba pole Njesigənea̰ Ala lə dee. Ɓee gə́ Ejiptə lé si tuji gə́ tuji nɛ see i oo el ya ɓəi wa.

Teḛ-Raga 14:18

Bèe ɓa njé gə́ Ejiptə lé loo gə́ Parao̰ gə pusu-rɔje ləa, gə njérɔ gə kundaje ləa lé d’a kar rɔnduba ləm kila rəa kɔd ndá d’a gər gao to gə́ ma lé m’to Njesigənea̰ ya.

Teḛ-Raga 14:4

Ndá m’a kar mee Parao̰ ndər gə mba karee tuba goo dee, nɛ Parao̰ gə bao-rɔje ləa d’a tel to ne né gə́ a kar rɔnduba ləm kila ne rəa kɔd, bèe ɓa njé gə́ Ejiptə d’a gər ne gao to gə́ ma m’to Njesigənea̰ ya. Ndá Israɛlje ra togə́bè ya.

Teḛ-Raga 18:8

Moyis ndaji ta néje lai gə́ Njesigənea̰ ra gə Parao̰ gə njé gə́ Ejiptə mbata lə Israɛlje ləm, gə némeekonje lai gə́ teḛ dɔ dee’g rəbə ləma, gə rəbee gə́ Njesigənea̰ ɔr dee ne keneŋ ləm tɔ, ar məmeeje oo.

Teḛ-Raga 3:20

M’a kila tuji dɔ ɓee gə́ Ejiptə ndá m’a kar nédumkooje gə́ gə ria-ria teḛ dan dee’g. Gée gə́ gogo ndá yeḛ a kya̰ loo kar sí awje ya.

Teḛ-Raga 6:1

Njesigənea̰ ula Moyis pana: Ɓasinè i a koo né gə́ m’a gə ra gə Parao̰, ji siŋgamoŋ gə́ ɓar mèr-mèr lé ɓa a kɔsee ɓɔḭ-ɓɔḭ gə mba karee ya̰ dee ar dee d’aw ləm, ji siŋgamoŋ gə́ ɓar mèr-mèr lé ɓa a kɔsee karee tuba dee ne mee ɓee’g ləa ləm tɔ.

Teḛ-Raga 6:6

Gelee gə́ nee ɓa, maji kari ula Israɛlje pana: Ma m’to Njesigənea̰. Kulaje ɓəd-ɓəd gə́ njé gə́ Ejiptə d’ɔm dɔ sí’g lé m’a kɔr dɔ sí’g ləm, m’a kar sí ɔrje dɔ sí kúla ɓər’g lə dee ləm, m’a kaji sí gə goo jim gə́ kula ndiŋ ləma, gə goo rəwta-gaŋgje gə́ boo-boo ləm tɔ.

Teḛ-Raga 7:17

Togə́bè ɓa Njesigənea̰ pana: Gə né gə́ togə́bè lé i a gər ne to gə́ neḛ n’to Njesigənea̰ ya. Kag-tɔs gə́ to jim’g nee lé m’a kunda ne mán baa ndá manje lé d’a tel to məs.

Teḛ-Raga 8:10

Deḛ daa yoo dee dɔ na̰’d ndil-ndil ar mee ɓee gə́ ə̰də mbo̰.

Teḛ-Raga 8:19

N’a kunda kəm dəwje lə neḛ ɓəd ləm, n’a kunda kəm dəwje ləi ɓəd ləm tɔ. Nétɔji neelé a teḛ bèlè ya.

Teḛ-Raga 8:22

Moyis ilá keneŋ pana: Yee ɓa to nékəmra el mbata nékinjanéməsje gə́ j’a kun kar Ala lə sí gə́ Njesigənea̰ lé to né gə́ to kḛji kəm Ejiptəje’g. Bèe ɓa ɓó lé jeḛ j’inja nékinjanéməsje gə́ to kḛji kəm dee’g j’ar Ala kəm dee-deḛ’g lé see d’a tila sí gə kɔri-ər el wa.

Ejekel 25:17

N’a dal ba̰je gə́ to ɓəl dɔ dee’g kar bo̰ néra dee ɔs ta dee’g gə goo boo-oŋg. Loo gə́ n’a dal ba̰ lə neḛ dɔ dee’g ndá d’a gər to gə́ neḛ n’to Njesigənea̰ ya.

Ejekel 28:22

A pana: Mbaidɔmbaije gə́ Njesigənea̰ pa togə́bè pana: I ɓee gə́ Sido̰ lé aa oo, neḛ n’aw səi gə ta! D’a kula rɔnduba dɔ neḛ’g mee ɓee’g ləi ndá d’a gər to gə́ neḛ n’to Njesigənea̰ loo gə́ n’a gaŋg rəw-taje lə neḛ dɔi’g ləm, loo gə́ n’a riba dɔ meenda lə neḛ mee ɓee’g neelé ləm tɔ.

Ejekel 32:15

Loo gə́ n’a kar ɓee gə́ Ejiptə tel to dɔ nduba ləm, n’a kar dee d’odo nékiŋga lə ɓee mbad-mbad ləma, n’a tuji njé gə́ d’isi keneŋ pugudu-pugudu ləm tɔ ndá d’a gər to gə́ neḛ n’to Njesigənea̰ ya.

Ejekel 36:23

Ri neḛ gə́ ur dɔ loo gə́ d’ila ndɔl dɔ’g mbuna ginkoji dəwje gə raŋg’g ləm, ri neḛ gə́ seḭ kara ilaje ndɔl dɔ’g mbuna dee’g ləm tɔ lé n’a gə kunda gə kəmee. Bèe ɓa ginkoji dəwje gə raŋg d’a gər ne to gə́ neḛ n’to Njesigənea̰ loo gə́ seḭ ɓa a kundaje neḛ gə kəmee no̰ dee’g, Mbaidɔmbaije gə́ Njesigənea̰ ɓa pa bèe.

Ejekel 39:22

Gel-bɔje lə Israɛl d’a gər to gə́ neḛ n’to Njesigənea̰, Ala lə dee un kudee mee ndəa’g neelé saar teḛ ne mee ndɔje gə́ d’a gə ree ɓəi.

Ejekel 39:7

N’a kar dee gər ri neḛ gə́ to gə kəmee mbuna koso-dəwje’g lə neḛ gə́ Israɛl ndá n’a kya̰ loo kar dee d’ila ndɔl dɔ ri neḛ gə́ to gə kəmee lé el ŋga. Bèe ɓa ginkoji dəwje gə raŋg d’a gər ne to gə́ neḛ n’to Njesigənea̰, Njerɔkunda gə́ mee ɓee gə́ Israɛl.