Teḛ-Raga 7:19 - Maktub gə́ To gə Kəmee

¹⁹ Njesigənea̰ ula Moyis pana: Ula Aaro̰ pana: Un kag-tɔs ləi ndá ula jii ndiŋ dɔ manje’g lə njé gə́ Ejiptə lé dɔ baaje’g lə dee ləm, dɔ kəm-rəw-manje’g lə dee ləm, dɔ duu-manje’g lə dee ləma, gə dɔ kəm-mán-ɓarje’g lə dee ləm tɔ. Manje neelé d’a tel to gə́ məs, tɔɓəi məs lé a to gə looje lai mee ɓee gə́ Ejiptə ya, mee nékaimanje gə́ ra gə kag əsé gə mbal ləm tɔ.

Teḛ-Raga 7:19 ပူးပေါင်းရင်းမြစ်များ

Gḭ-Néje 1:10

Loo gə́ tudu lé Ala ɓaree naŋg, nɛ manje gə́ mbo̰ na̰ lé yeḛ ɓar dee baa-booje tɔ. Ala oo to gə́ néje neelé to maji bèe ya.

2 Mbaije 4:29

Bèe ɓa Elije ula Gehaji pana: Tɔ ndar ɓəri’g, un kag-tɔs ləm jii’g ndá ɔd aw. Ɓó lé i iŋga dəw rəbə ndá rəa lapia el ləm, ɓó lé dəw rai lapia kara ilá keneŋ el ləm tɔ. I a kila kag tɔs ləm kəm ŋgon’g lé.

Teḛ-Raga 10:12

Njesigənea̰ ula Moyis pana: Maji kari ula jii ndiŋ gə́ dɔ ɓee gə́ Ejiptə’g ndá maji kar beedéje ree dɔ ɓee gə́ Ejiptə’g, maji kar dee d’usɔ muje lai gə́ dɔ naŋg’d nee, gə́ ndi kwɔji tuji el lé.

Teḛ-Raga 10:21

Njesigənea̰ ula Moyis pana: Ula jii par gə́ dara, tɔɓəi maji kar loondul gə́ ndul njudu-njudu dəb dɔ ɓee gə́ Ejiptə’g, loondul neelé dəw a kaskəm kɔrɔ gə jia ya.

Teḛ-Raga 14:16

I lé un kag-tɔs ləi gə́ tar, ula jii ndiŋ dɔ mán baa-boo’g lé kaiyee ne dana, bèe ɓa Israɛlje d’a dəs mee baa-boo’g lé loo gə́ tudu kurum-kurum’g ya.

Teḛ-Raga 14:21

Moyis ula jia ndiŋ dɔ mán baa-boo’g. Ndá Njesigənea̰ ar lel-boo ḭ bər ula gigigi-gigigi loondul’g ya saar ar loo àr ndá ɔs ne mán baa-boo gə́ gogo, yeḛ ar rəw-kaw dee gə́ dan baa-boo’g neelé tudu kurum-kurum mbata mán lé kai rəa dana.

Teḛ-Raga 14:26

Njesigənea̰ ula Moyis pana: Ula jii ndiŋ gə dɔ mán baa-boo’g, bèe ɓa mán lé a tel tula dɔ njé gə́ Ejiptə gogo ləm, gə dɔ pusu-rɔje lə dee ləma, gə dɔ njérɔ gə kundaje lə dee ləm tɔ.

Teḛ-Raga 4:9

Ɓó lé deḛ d’ɔm meḛ dee dɔ nétɔjije’d gə́ joo neelé el ləm, dɔ ta’g ləi el ləm tɔ ndá i a kɔr mán baa, tɔɓəi a kɔm mán lé naŋg ndá mán gə́ i ɔr báa lé a tel to məs dɔ naŋg’d.

Teḛ-Raga 8:16

Njesigənea̰ ula Moyis pana: Ḭta gə ndɔ rad, aw aar no̰ Parao̰’g, loo gə́ yeḛ a teḛ mba kaw ta baa’g lé ndá i a kulá pana: Njesigənea̰ pa bèe pana: Ya̰ dəwje lə neḛ ar dee d’aw d’aw pole neḛ.

Teḛ-Raga 9:33

Moyis unda loo mee kəi’g lə Parao̰ teḛ mba kaw raga gir ɓee-boo’g ndá yeḛ odo jia par gə́ rɔ Njesigənea̰’g, bèe ɓa ndi əw ne rəa ndaŋg ləm, ndi kwɔji kara gaŋg ne ŋgəji ləma, ndi oso ne naŋg teŋ el ŋga ləm tɔ.

Esai 19:10

Deḛ gə́ njégəd ɓeeje lé Rɔ dee a kwəi njururu ləm, Deḛ lai gə́ to njéra kula larje lé D’a si dan kəmndoo’g ləm tɔ.

Esai 5:25

Gelee gə́ nee ɓa oŋg lə Njesigənea̰ ḭ ne səa pu dɔ dəwje’g ləa Ndá yeḛ ula jia ndiŋ gə́ dɔ dee’g unda dee ne, Mbalje yə ləm, Nin dee to naŋg rib-rib dan rəwje’g ləm tɔ. Lé bèe kara oŋg ləa wəi bèm el Ndá jia wɔi dɔ dee’g ndiŋ-ndiŋ ɓəi.

Habakuk 3:8

See Njesigənea̰ ar mée ḭ səa pu dɔ baa-booje’g wa See to baa-booje ɓa oŋg ləi ḭ səi dɔ dee’g to gə́ pər bèe ləm, Meekḭ pu ləi lé i ɔm ne boo-oŋg dɔ baa-boo-kad’g Ɓa gə mba kari uba ne kundaje ləi Gə pusu-rɔ ləi gə́ ka̰ kun baŋga ləm tɔ lé wa.