Teḛ-Raga 7:16 - Maktub gə́ To gə Kəmee

¹⁶ ndá i a kula Parao̰ pana: Njesigənea̰, Ala lə Ǝbrəje ulam rɔi’g gə mba kam m’ulai m’pana: Ya̰ dəwje lə neḛ ar dee d’aw gə mba kar dee pole neḛ dɔdilaloo’g. Nɛ aa oo, saar ɓasinè i un mbii dɔ’g rəw.

Teḛ-Raga 7:16 ပူးပေါင်းရင်းမြစ်များ

Teḛ-Raga 10:3

Moyis gə Aaro̰ d’aw rɔ Parao̰’g d’ulá pana: Njesigənea̰ gə́ to Ala lə Ǝbrəje lé pa togə́bè pana: See ndɔ gə́ ra ɓa i a kəw rɔi mbad koso kul no̰ neḛ’g lé wa. Ya̰ dəwje lə neḛ ar dee d’aw gə mba kar dee d’aw pole neḛ.

Teḛ-Raga 13:15

Parao̰ lé loo gə́ yeḛ aar njaŋg mbad kya̰ loo kar sí j’aw ndá Njesigənea̰ ar ŋgandərje lai gə́ mee ɓee gə́ Ejiptə lé d’wəi, un kudee dɔ ŋgandər dəwje’g, saar teḛ ne dɔ ŋgandər daje’g ləm tɔ. Gelee gə́ nee ɓa jeḛ j’injaje ne ŋgandər daje lai gə́ to gə́ bàleje lé gə́ məs j’ar Njesigənea̰ ləm, j’ugaje ne dɔ ŋgandər ŋgan síje gə́ diŋgam ləm tɔ.

Teḛ-Raga 14:5

D’ula mbai gə́ Ejiptə d’aree oo to gə́ koso-dəwje neelé d’aḭ gə́ kaḭ. Togə́bè ɓa mee Parao̰ gə meḛ kuraje ləa tel to ɓəd dɔ koso-dəwje’g neelé ar dee pana: See ɗi ɓa neḛ n’raje bèe ɓa n’ya̰je ne Israɛlje n’ar deeje d’uba ne ta kula lə neḛje d’ya̰ d’aw bèe wa.

Teḛ-Raga 3:12

Ala pana: Ma nja m’a korè səi rəw na̰’d més, tɔɓəi né gə́ a kari gər gao to gə́ to ma nja m’ulai ɓa to nee: Loo gə́ i ar koso-dəwje d’unda loo mee ɓee gə́ Ejiptə teḛ mba̰ ndá seḭ a kwaje kila Ala dɔ mbal’g neelé ya.

Teḛ-Raga 3:13

Moyis ulá pana: M’a kaw rɔ Israɛlje’g ŋga, m’a kula dee pana: Ala lə bɔ síje-je ɓa ulam rɔ sí’g. Nɛ ɓó lé deḛ dəjim pana: See ria lə na̰ wa ndá ŋga, see ta ɗi ɓa m’a kila dee keneŋ wa.

Teḛ-Raga 3:18

D’a tuga mbi dee koo ne ndui ya, tɔɓəi i a kaw, i seḭ gə ŋgatɔgje lə Israɛlje tɔ, a kawje rɔ mbai gə́ njeko̰ɓee gə́ Ejiptə, a kuláje pajena: Njesigənea̰ Ala lə Ǝbrəje teḛ dɔ sí’g. Bèe ndá un ndui ar sí mba kar sí j’aw njaa dɔdilaloo’g as ndɔ sí munda mba kinja nékinjanéməsje kar Ala lə sí gə́ Njesigənea̰.

Teḛ-Raga 4:22

I a kula Parao̰ pana: Njesigənea̰ pa bèe pana: Israɛl lé to ŋgon neḛ gə́ to ŋgondər neḛ ya.

Teḛ-Raga 4:23

Neḛ n’ulai m’pana: Ya̰ ŋgon neḛ aree aw aw pole neḛ, ɓó lé i ndigi kyá̰ karee aw el ndá aa oo, n’a tuji ŋgoni gə́ to ŋgondəri tɔ.

Teḛ-Raga 7:4

Parao̰ a koo ta lə sí el. M’a kula jim ndiŋ dɔ Ejiptə’g ndá m’a kar koso-dəwje ləm gə́ to Israɛlje lé d’unda loo mee ɓee gə́ Ejiptə teḛ gə goo rəwta-gaŋgje gə́ boo-boo lé ya.

Teḛ-Raga 8:1

Njesigənea̰ ula Moyis pana: Ula Aaro̰ pana: Ula kag-tɔs gə́ to jii’g ndiŋ gə́ dɔ baaje’g ləm, dɔ kəm-rəw-manje’g ləma, gə dɔ duu-manje’g ləm tɔ gə mba kar kurkuduje tal gə́ mee ɓee gə́ Ejiptə.

Teḛ-Raga 8:20

Njesigənea̰ ra togə́bè ya. Kəm mbàje teḛ dèm-dèm mee kəi’g lə Parao̰ ləm, mee kəije’g lə kuraje ləa ləm tɔ ndá dɔ naŋg ɓee gə́ Ejiptə lé tuji pugudu mbata lə kəm mbàje lé ya.

Teḛ-Raga 9:1

Njesigənea̰ ula Moyis pana: Aw rɔ Parao̰’g ndá i a kula pana: Njesigənea̰, Ala lə Ǝbrəje lé pa bèe pana: Ya̰ dəwje lə neḛ ar dee d’aw mba kar dee d’aw pole neḛ.

Teḛ-Raga 9:13

Njesigənea̰ ula Moyis pana: Ḭta gə ndɔ rad ndá aw aar no̰ Parao̰’g. I a kulá pana: Njesigənea̰ gə́ to Ala lə Ǝbrəje lé pa bèe pana: Ya̰ dəwje lə neḛ ar dee d’aw mba kar dee d’aw pole neḛ.

Esai 45:13

Ma ɓa m’ar Sirus ḭ gə goo meekarabasur ləm Ndá m’a gɔl rəwje ləa lai kar dee d’asəna rai-rai, Yeḛ a tel gɔl ɓee-boo ləm gogo ləm, Yeḛ a kɔr ɓər dɔ dəwje’g Gə́ d’wa dee gə́ ɓər lé ləm tɔ Lal dəji nékoga dɔ dee ləm, Lal dəji néndogo-gel ləm tɔ, Njesigənea̰ gə́ njeboo-néje ɓa pa bèe.

Jeremi 50:33

Njesigənea̰ gə́ njeboo-néje lé pa togə́bè pana: Israɛlje gə Judaje lé D’ula kəm dee ndòo na̰’d, Dəwje lai gə́ njékwa dee kaw sə dee Ɓee-ɓər’gje lé d’wa dee gaa-gaa Ɓó ndigi kɔm dee tar el.