Teḛ-Raga 7:1 - Maktub gə́ To gə Kəmee

¹ Njesigənea̰ ula Moyis pana: Oo, ma m’ari to asəna gə Ala mbata lə Parao̰, ŋgokɔḭ Aaro̰ lé to njekun ta gə́ tai’g kula dəwje tɔ.

Teḛ-Raga 7:1 ပူးပေါင်းရင်းမြစ်များ

Gḭ-Néje 19:21

Ndá yeḛ ulá pana: Aa oo, ma m’ndigi səi dɔ né’g neelé ya ɓəi. Bèe ɓa ɓee gə́ i pa taree lé m’a tujee el tɔ.

1 Mbaije 17:23

Eli un ŋgon lé mee kəi gə́ dɔ maree’g tar lé ndá yeḛ risi ur səa naŋg aree kea̰je mee kəi’g ləa. Bèe ɓa Eli pana: Oo, ŋgoni lé si kəmba ya.

2 Mbaije 6:32

Nɛ Elije si mee kəi’g ləa gə njé gə́ tɔgje na̰’d. Ndá mbai ula dəw kára rəa’g. Nɛ kédé ɓa gə mba kar dəw neelé ree ɓəi ndá, Elije ula njé gə́ tɔgje neelé pana: See seḭ ooje to gə́ ŋgolə njetɔl-dəw neelé ula dəw kára mba karee ree gaŋg dɔm ya wa. Ooje, loo gə́ njekula neelé a ree ndá maji kar sí uduje rəw dəa’g, tɔɓəi ɔseeje ne gə́ raga: See dəw a koo kaa gɔl ɓéeje gə́ a ɓar gée’g el wa.

Pakɔsje 78:12

Yeḛ ra néje gə́ dumkoo Kəm bɔ deeje-je’g mee ɓee gə́ Ejiptə’g Gə mee ɓee-boo gə́ Soa̰’g ya.

Pakɔsje 82:6

Ma m’pa kédé lé m’pana: Seḭ lé toje gar Magəje ya, Seḭ lai toje ŋgalə Njekurdɔloo lé tɔ.

Teḛ-Raga 16:29

Ooje maji, Njesigənea̰ ar sí ndɔ ndɔ-kwa-rɔ lé, gelee gə́ nee ɓa ndɔ gə́ njekɔm’g misa̰ lé yeḛ ar sí muru gə́ as ndɔ joo. Maji kar nana kara si loo-siée’g ɓó ndɔ gə́ njekɔm’g siri lé dəw kára kara a kḭ kya̰ loo-siée kaw raŋg el.

Njekillamber 1:10

Ɓó lé dəw oo né ɓa pana: Aa oo, né gə́ neelé to né gə́ sigi ndá, pa kari ba: to né gə́ dəs kédé no̰ sí’g ləw ba mba̰ ya.

Jeremi 1:10

Oo maji, ɓogənè m’ɔri M’undai dɔ ginkoji dəwje gə raŋg’g ləm, Gə dɔ ɓeeko̰je ləm tɔ Gə mba kari tɔr dee təd dee rém-rém ləm, Gə mba kari tuji dee pugudu-pugudu Unda dee naŋg rə̰dəŋ-rə̰dəŋ ləma, Gə mba kari unda dee tar gə a ma̰a dee ləm tɔ.

Néra Njékaḭkulaje 7:7

Nɛ ginkoji dəwje gə́ d’a gə ra dee ɓər lé Ala pana: Neḛ nja n’a gaŋgta dɔ dee’g. Gée gə́ gogo d’a kunda loo teḛ raga ndá d’a kwa neḛ meḛ dee’g lée gə́ neelé ya.