Teḛ-Raga 6:7 - Maktub gə́ To gə Kəmee

⁷ M’a kar sí toje dəwje ləm doŋgɔ doi ləm, m’a to Ala lə sí ləm tɔ, ndá seḭ a gərje gao to gə́ ma m’to Ala lə sí gə́ Njesigənea̰ gə́ ɔr sí kula ɓərje gə́ njé gə́ Ejiptə d’ɔm dɔ sí’g lé.

Teḛ-Raga 6:7 ပူးပေါင်းရင်းမြစ်များ

Gḭ-Néje 26:3

I a si mee ɓee’g neelé waga ndá m’a nai səi ləm, m’a tɔr ndum dɔi’g ləm tɔ. Mbata dɔ naŋg ɓeeje neelé lai lé m’a kari-i gə ŋgakaije ya. M’a ra né gə́ ma man ne rɔm m’ar bɔbije gə́ Abrakam lé karee ɔr rɔd ya.

Gḭ-Néje 28:13

Aa oo, Njesigənea̰ aar dəa gə́ tar ndá yeḛ pana: Ma m’to Njesigənea̰, Ala lə bɔbije gə́ Abrakam ləm, gə Ala lə Isaak ləm tɔ. Dɔ naŋg gə́ i to keneŋ neelé m’a kari-i gə ŋgakaije tɔ.

1 Mbaije 20:28

Dəw lə Ala ree pər gə́ rɔ mbai’d gə́ Israɛl ndá ulá pana: Njesigənea̰ pa togə́bè pana: Mbata Aramje pa togə́bè pana: Njesigənea̰ to Ala gə́ si dɔ mbalje’g ɓó to Ala gə́ si ndag-looje’g el, gelee gə́ nee ɓa m’a gə kya̰ koso-dəwje gə́ bula digi-digi neelé meḛ ji sí’g mba kar sí gərje to gə́ ma m’to Njesigənea̰ ya.

1 Mbaije 8:60

gə mba kar koso-dəwje lai gə́ dɔ naŋg nee gər ne to gə́ Njesigənea̰ ya to Ala, ɓó yeḛ gə́ raŋg godo.

Nehemi 1:10

Jeḛ lé n’toje kuraje ləi gə koso-dəwje ləi gə́ i uga sí gə goo boo-siŋgamoŋ ləi ləm, gə jii gə́ ɓar mèr-mèr ləm tɔ.

Pakɔsje 100:3

Maji kar sí gərje gao To gə́ Njesigənea̰ lé to Ala ya. Yeḛ nja ɓa to njekunda sí ləm, Jeḛ n’toje kea̰-yeḛ nja ləm tɔ. Jeḛ n’toje koso-dəwje ləa ləm, Jeḛ n’toje koso-nékulje Gə́ d’aar loo-ko̰-mu’g ləa ləm tɔ.

Pakɔsje 81:6

Yee ɓa to ndukun gə́ yeḛ un ar gel-bɔje lə Jisəb Loo gə́ d’aw mba rɔ gə njé gə́ Ejiptə lé. M’oo ndu dəw ɓar ya nɛ m’gər debee el. Yeḛ pana:

Teḛ-Raga 13:14

Togə́bè ɓa loo gə́ ŋgan síje d’a dəji sí ta mee ndɔ gə́ raŋg’d pana: See naḭ neelé ginee to wɔji dɔ ɗi wa. Ndá seḭ a kila deeje keneŋ pajena: Mbɔl dɔ ji siŋgamoŋ lə Njesigənea̰ gə́ ɓar mèr-mèr lé yeḛ ar sí j’undaje ne loo mee ɓee gə́ Ejiptə gə́ to ɓee-ɓər lé teḛje ya.

Teḛ-Raga 13:3

Moyis ula koso-dəwje pana: Arje meḛ sí olé dɔ ndɔ’g neelé gə́ seḭ undaje ne loo mee ɓee-ɓər’g teḛje lé, mbata ji siŋgamoŋ lə Njesigənea̰ gə́ ɓar mèr-mèr lé ɓa Njesigənea̰ ar sí undaje ne loo teḛje ya. Loo gə́ seḭ raje naḭ neelé ndá dəw a ko̰ muru gə́ əm-tiné keneŋ pai godo.

Teḛ-Raga 14:18

Bèe ɓa njé gə́ Ejiptə lé loo gə́ Parao̰ gə pusu-rɔje ləa, gə njérɔ gə kundaje ləa lé d’a kar rɔnduba ləm kila rəa kɔd ndá d’a gər gao to gə́ ma lé m’to Njesigənea̰ ya.

Teḛ-Raga 14:4

Ndá m’a kar mee Parao̰ ndər gə mba karee tuba goo dee, nɛ Parao̰ gə bao-rɔje ləa d’a tel to ne né gə́ a kar rɔnduba ləm kila ne rəa kɔd, bèe ɓa njé gə́ Ejiptə d’a gər ne gao to gə́ ma m’to Njesigənea̰ ya. Ndá Israɛlje ra togə́bè ya.

Teḛ-Raga 15:16

Ɓəl gə ndəb lé a teḛ dɔ dee’g wai, Gə goo siŋgamoŋ lə jii lé ɓa D’a tel kisi ne dɔ mundu to gə́ mbal bèe, Saar njen kar dəwje ləi dəs d’aw, əi Njesigənea̰, Saar njen kar dəwje gə́ i uga dee lé dəs d’aw ya.

Teḛ-Raga 15:2

Njesigənea̰ to siŋgam ləm, Yeḛ to njegin pakɔsje ləm Gə́ m’ula ne rɔnduba dəa’g ləm tɔ, Yeḛ nja ɓa ajim. Yeḛ to Ala ləm, m’a pidee ya, Yeḛ to Ala lə bɔmje, m’a kila riɓar dəa’g tɔ.

Teḛ-Raga 16:12

Ma m’oo ndu jém taje lə Israɛlje ya. Ula dee pana: Ɓogənè lé loo gə́ kàr a gə kandə ndá seḭ a sɔje da ləm, bèlè gə ndɔ lé seḭ a ko̰je muru karje meḛ sí ndan tub ləm tɔ, yee ɓa seḭ a gərje ne gao to gə́ ma nja m’to Ala lə sí gə́ Njesigənea̰ lé.

Teḛ-Raga 16:6

Moyis gə Aaro̰ d’ula Israɛlje lai pana: Ɓogənè lé loo gə́ kàr a gə kandə ndá seḭ a gərje gao to gə́ Njesigənea̰ nja ɓa ar sí undaje loo mee ɓee gə́ Ejiptə teḛje ya.

Teḛ-Raga 2:11

Loo gə́ Moyis tɔg mba̰ ndá ndɔ kára bèe yeḛ teḛ aw rɔ ŋgakea̰je’g unda kəmee oo ne kulaje gə́ wɔi gə́ to dɔ dee’g lé. Yeḛ oo dəw gə́ Ejiptə gə́ aar kunda Ǝbrə kára mbuna ŋgakea̰je’g .

Teḛ-Raga 6:6

Gelee gə́ nee ɓa, maji kari ula Israɛlje pana: Ma m’to Njesigənea̰. Kulaje ɓəd-ɓəd gə́ njé gə́ Ejiptə d’ɔm dɔ sí’g lé m’a kɔr dɔ sí’g ləm, m’a kar sí ɔrje dɔ sí kúla ɓər’g lə dee ləm, m’a kaji sí gə goo jim gə́ kula ndiŋ ləma, gə goo rəwta-gaŋgje gə́ boo-boo ləm tɔ.

Teḛ-Raga 7:17

Togə́bè ɓa Njesigənea̰ pana: Gə né gə́ togə́bè lé i a gər ne to gə́ neḛ n’to Njesigənea̰ ya. Kag-tɔs gə́ to jim’g nee lé m’a kunda ne mán baa ndá manje lé d’a tel to məs.

Esai 41:20

Gə mba kar dee d’oo gər ləm, Kar dee la̰ji toree d’oo njai ləm, Kar dee d’oo to gə́ ji Njesigənea̰ Ɓa ra néje neelé ləma, Njerɔkunda lə Israɛlje ɓa gə́ njegin néje neelé ləm tɔ.

Esai 49:23

Mbaije d’a to njéŋgəm ŋgan síje ləm, Ŋgan deeje gə́ dené d’a to njékul dee gə nésɔje ləm tɔ, Deḛ d’a kunda barmba dəb kəm dee naŋg no̰ sí’g ləm, D’a bɔr kor gɔl sí’g ləm tɔ. Ndá seḭ a gərje gao To gə́ ma m’to Njesigənea̰, Bèe ɓa deḛ gə́ d’unda meḛ dee yel dɔm’g ndá Rɔkul a dəb dɔ dee’g el.

Esai 49:26

Njékula kəm sí ndooje lé M’a kar dee d’usɔ dakasrɔ dee-deḛ ya ləm, M’a kar dee d’ai məs dee karee oso kəm dee’g To gə́ mán-nduú gə́ sigi bèe ləm tɔ. Dəwje lai d’a koo to gə́ ma m’to Njesigənea̰ Gə́ njekaji sí ləm, M’to njekoga dɔ sí Gə́ to njesiŋgamoŋ lə Jakob ləm tɔ.

Esai 51:15

Ma m’to Njesigənea̰, Ala lə sí Gə́ m’ar baa-boo-kad ḭ ləm, M’ar paŋgəm manee tuga ləm tɔ. Njesigənea̰ gə́ njeboo-néje ɓa gə́ rim.

Esai 60:16

I a taa némajije lə ginkoji dəwje gə raŋg To gə́ ŋgon il ne mbà kea̰je bèe ləm, I a taa ka̰ mbaije kara togə́bè ləm tɔ. Bèe ɓa i a gər ne to gə́ ma m’to Njesigənea̰ Gə́ to njekajii ləm, gə njekoga dɔi Gə́ to njesiŋgamoŋ lə Jakob ləm tɔ.

Esai 63:8

Yeḛ pana: Tɔgərɔ ya, deḛ to koso-dəwje lə neḛ, Deḛ to ŋganje gə́ d’a to njékaltaje el. Yeḛ to njekaji lə dee.

Jeremi 30:22

Seḭ a toje koso-dəwje ləm ləm, Ma m’a to Ala lə sí ləm tɔ.

Jeremi 31:33

Njesigənea̰ pana: Aa ooje, man gə́ m’a man rɔm kar gel-bɔje lə Israɛl loo gə́ ndɔje nee a dəs mba̰ lé ɓa nee: M’a kula godndum meḛ dee’g ləm, m’a ndaŋg dee dɔɓəŋgərə dee’g ləm tɔ. M’a to Ala lə dee ləm, d’a to koso-dəwje ləm ləm tɔ.

Ejekel 20:19

Neḛ n’to Njesigənea̰, Ala lə sí. Maji kar sí unje goo godnduje lə neḛ lad-lad ləm, aaje dɔ ndukunje lə neḛ kər-kər ləma, raje née ləm tɔ.

Ləbije 11:44

Mbata ma m’to Njesigənea̰, Ala lə sí, seḭ a kɔrje rɔ sí kundaje gə kəmee ndá seḭ a toje ne dəwje gə́ to gə kəmee mbata ma nja m’to njerɔkunda ya. Seḭ a karje rɔ sí tel to né gə́ mina̰ mbata lə néje nee lai gə́ d’ag naŋg gə ta meḛ dee lé el.

Ləbije 11:45

Mbata ma m’to Njesigənea̰ gə́ m’ar sí undaje loo mee ɓee gə́ Ejiptə teḛje mba kam m’to ne Ala lə sí ləm, gə mba kar sí-seḭje kara toje ne dəwje gə́ to gə kəmee ləm tɔ, mbata ma nja m’to njerɔkunda ya.

Jakari 13:9

N’a kɔm debee gə́ nai neelé dan pər’d ndá n’a ndiree to gə́ deḛ ndiri ne larnda gə mba kar siḭyee teḛ ləm, n’a naa dee to gə́ deḛ naa ne larlɔr bèe ləm tɔ. Deḛ d’a ɓar ri neḛ ndá n’a koo ta lə dee. N’a pana: To koso-dəwje lə neḛ. Ndá d’a pana: Njesigənea̰ to Ala lə síjeḛ tɔ.

Bula lə Israɛlje 15:41

Ma m’to Njesigənea̰, Ala lə sí gə́ m’ar sí undaje loo mee ɓee gə́ Ejiptə teḛje mba to ne Ala lə sí. Ma m’to Njesigənea̰, Ala lə sí ya.

Matiyo 22:32

Ma m’to Ala lé lə Abrakam ləm, gə Ala lé lə Isaak ləma, gə Ala lé lə Jakob ləm tɔ. Bèe ndá Ala lé to ka̰ njé gə́ d’isi kəmba lé ɓó to ka̰ njé gə́ d’wəi lé el.

Njé gə́ Rɔmə 8:31

See j’a pa ban dɔ ta’g neelé ɓəi wa. Ɓó lé Ala nai sə sí ndá see na̰ ɓa a koma̰ sə sí gə dɔrea wa.

Tel tura Godndu 14:2

Mbata seḭ toje koso-dəwje gə́ toje gə kəmee gə mbata lə Ala lə sí gə́ Njesigənea̰. Ala lə sí gə́ Njesigənea̰ mbər sí gə mba kar sí toje gə́ kea̰je ya mbuna koso-dəwje lai gə́ dɔ naŋg nee.

Tel tura Godndu 26:18

Tɔɓəi ɓogənè Njesigənea̰ ar sí unje ndu sí gə mba toje ne koso-dəwje gə́ d’a to kea̰je ya doŋgɔ doi to gə́ yeḛ ula sí ne ləm, gə mba kar sí aaje ne dɔ torndiaje lai kər-kər ləma,

Tel tura Godndu 29:12

gə mba kunda sí ne gə́ koso-dəwje ləa-yeḛ ya ɓogənè ləm, gə mba karee-yeḛ nja to ne Ala lə sí ləm tɔ, to gə́ yeḛ ula sí ne ləm, to gə́ yeḛ man ne rəa gə rɔkubu ar bɔ síje-je Abrakam gə Isaak gə Jakob ləm tɔ.

Tel tura Godndu 29:13

Manrɔ neelé gə́ to manrɔ gə rɔkubu lé m’aree wɔji dɔ sí-seḭ nja gə kar sí ba el.

Tel tura Godndu 29:5

seḭ o̰je muru el ləm, gə seḭ aije mán-nduú gə́ mḭ əsé nékai gə́ mḭ el ləm tɔ, gə mba kar sí gərje ne to gə́ ma nja m’to Ala lə sí gə́ Njesigənea̰ ya.

Tel tura Godndu 4:20

Nɛ seḭ lé Njesigənea̰ ɔr sí ar sí undaje loo mee ɓee gə́ Ejiptə gə́ to loo gə́ nuŋga kəd-kəd asəna gə loo-kula-bṵda bèe teḛje, gə mba kar sí toje koso-dəwje gə́ toje kea̰je ya doŋgɔ doi to gə́ seḭ toje ne ɓogənè lé tɔ.

Tel tura Godndu 7:6

Mbata seḭ lé seḭ toje gə́ koso-dəwje gə́ toje gə kəmee mbata lə Ala lə sí gə́ Njesigənea̰, Ala lə sí gə́ Njesigənea̰ ɔr sí mba kar sí toje koso-dəwje gə́ toje kea̰-yeḛje mbuna koso-dəwje lai gə́ dɔ naŋg nee tɔ.

Ǝbrəje 11:16

Nɛ ɓasinè lé deḛ ndiŋga ɓee gə́ maji ur dɔ nje gə́ kédé’g, yee ɓa gə́ ɓee gə́ dara. Gelee gə́ nee ɓa rɔ Ala kul ne el, ar dee ɓaree ne Ala lə dee mbata yeḛ gɔl ɓee-boo ar dee mba̰.

1 Piɛrə 2:10

Seḭ lé kédé seḭ toje dəwje el, nɛ ɓasinè seḭ toje dəwje lə Ala lé. Kédé lé seḭ gərje meekɔrjol lə Ala el nɛ ɓasinè mée oso lemsé dɔ sí’g ya.

Loo gə́ killa rea kəm Ja̰’g 21:3

Ma m’oo ndu dəw ɓar boi wəl gə́ par gə́ loo kalimbai’g lé pana: Aa ooje, kəi-Ala lé to mbuna dəwje ləa. Yeḛ a sí sə dee ləm, deḛ kara d’a to dəwje ləa ləma, yeḛ kara a to Ala lə dee ləm tɔ.

Loo gə́ killa rea kəm Ja̰’g 21:7

Yeḛ gə́ a kun baŋga ndá a kiŋga néje neelé: n’a to gə́ Ala ləa ləm, yeḛ a to gə́ ŋgon neḛ ləm tɔ.