Teḛ-Raga 6:6 - Maktub gə́ To gə Kəmee

⁶ Gelee gə́ nee ɓa, maji kari ula Israɛlje pana: Ma m’to Njesigənea̰. Kulaje ɓəd-ɓəd gə́ njé gə́ Ejiptə d’ɔm dɔ sí’g lé m’a kɔr dɔ sí’g ləm, m’a kar sí ɔrje dɔ sí kúla ɓər’g lə dee ləm, m’a kaji sí gə goo jim gə́ kula ndiŋ ləma, gə goo rəwta-gaŋgje gə́ boo-boo ləm tɔ.

Teḛ-Raga 6:6 ပူးပေါင်းရင်းမြစ်များ

1 Mbaije 8:42

mbata d’a gər to gə́ rii ɓar ləm, jii ɓar mèr-mèr ləma, i ula jii ndiŋ ləm tɔ, loo gə́ dəw-dɔ-ɓee neelé a ree mba ra tamaji mee kəi’g neelé ndá,

2 Mbaije 17:36

Nɛ d’a ɓəl Njesigənea̰ gə́ ar dee d’unda loo mee ɓee gə́ Ejiptə teḛ gə goo siŋgamoŋ gə́ boo gə jia gə́ ula ndiŋ lé, to nea̰-yeḛ nja ɓa d’a kunda barmba dəb kəm dee naŋg keneŋ ləm, d’a kinja nékinjanéməsje karee ləm tɔ.

1 Sôrta Gḭka-Israɛlje 17:21

See ginkoji dəwje gə́ ra ɓa tana gə koso-dəwje ləi gə́ Israɛl wa. I Ala ree uga dɔ dee mba kar dee to koso-dəwje ləi ləm, gə mba kar rii ɓar ne ləma, mba kar boo-némɔrije gə néje gə́ to ɓəl kədm-kədm d’aw ne lée’g béréré loo gə́ i tuba ne ginkoji dəwje gə raŋg no̰ koso-dəwje’g ləi gə́ i ɔr dee mee ɓee’d gə́ Ejiptə lé ləm tɔ.

Nehemi 1:10

Jeḛ lé n’toje kuraje ləi gə koso-dəwje ləi gə́ i uga sí gə goo boo-siŋgamoŋ ləi ləm, gə jii gə́ ɓar mèr-mèr ləm tɔ.

Pakɔsje 77:16

Mbɔl dɔ jii ɓa i taa ne dɔ dəwje ləi, Deḛ gə́ to ŋgalə Jakob gə Jisəb.

Pakɔsje 81:11

Ma m’to Njesigənea̰, Ala lə sí Gə́ m’ɔr sí m’ar sí undaje loo mee ɓee gə́ Ejiptə teḛje lé ya, Teḛje ta sí ndá m’a kɔm né keneŋ kar sí ya tɔ.

Pakɔsje 81:6

Yee ɓa to ndukun gə́ yeḛ un ar gel-bɔje lə Jisəb Loo gə́ d’aw mba rɔ gə njé gə́ Ejiptə lé. M’oo ndu dəw ɓar ya nɛ m’gər debee el. Yeḛ pana:

Pakɔsje 81:7

Nékodo gə́ wɔi gə́ to dɔ tamee’g lé M’wa m’unda naŋg, M’ar jia gə́ wa ne ta karè neelé tusu yag ya̰.

Teḛ-Raga 1:11

Yen ŋga Ejiptəje d’ɔr njékaa dɔ Israɛlje gə mba kar dee d’unda kulaje gə́ kədərə gə́ wɔi dɔ dee’g. Bèe ɓa d’ar dee ra ne ɓee-booje gə́ Pitɔm ləm gə Ramsɛs ləm mba kar dee to loo-ŋgəm-nékiŋgaje lə Parao̰.

Teḛ-Raga 12:41

Mee ndəa gə́ rudu ləb dee gə́ tɔl sɔ dəa rɔ-munda (430) lé un ɗiao mba̰ ndá mee ndəa gən ya koso-dəwje lə Njesigənea̰ d’unda loo mee ɓee gə́ Ejiptə teḛ tɔ.

Teḛ-Raga 12:51

Mee ndəa’g neelé ya Njesigənea̰ ar Israɛlje d’unda loo mee ɓee gə́ Ejiptə teḛ gə goo njérɔje lə dee lə dee.

Teḛ-Raga 13:14

Togə́bè ɓa loo gə́ ŋgan síje d’a dəji sí ta mee ndɔ gə́ raŋg’d pana: See naḭ neelé ginee to wɔji dɔ ɗi wa. Ndá seḭ a kila deeje keneŋ pajena: Mbɔl dɔ ji siŋgamoŋ lə Njesigənea̰ gə́ ɓar mèr-mèr lé yeḛ ar sí j’undaje ne loo mee ɓee gə́ Ejiptə gə́ to ɓee-ɓər lé teḛje ya.

Teḛ-Raga 13:16

Néje neelé d’a to nétɔji gə́ to ji sí’g ləm, a to nékolé mee gə́ to ŋgo no̰ sí’g ləm tɔ: mbata ji siŋgamoŋ lə Njesigənea̰ gə́ ɓar mèr-mèr lé ɓa yeḛ ar sí j’undaje ne loo mee ɓee gə́ Ejiptə teḛje ya.

Teḛ-Raga 13:3

Moyis ula koso-dəwje pana: Arje meḛ sí olé dɔ ndɔ’g neelé gə́ seḭ undaje ne loo mee ɓee-ɓər’g teḛje lé, mbata ji siŋgamoŋ lə Njesigənea̰ gə́ ɓar mèr-mèr lé ɓa Njesigənea̰ ar sí undaje ne loo teḛje ya. Loo gə́ seḭ raje naḭ neelé ndá dəw a ko̰ muru gə́ əm-tiné keneŋ pai godo.

Teḛ-Raga 15:13

Mbɔl dɔ meekɔrjol ləi lé ɓa I ɔr ne no̰ dəwje neelé I ɔm dee ne tar, Mbɔl dɔ siŋgamoŋ ləi lé ɓa, I ɔr ne no̰ dee Par gə́ loo-sii gə́ to gə kəmee ɓəd’g lé.

Teḛ-Raga 16:6

Moyis gə Aaro̰ d’ula Israɛlje lai pana: Ɓogənè lé loo gə́ kàr a gə kandə ndá seḭ a gərje gao to gə́ Njesigənea̰ nja ɓa ar sí undaje loo mee ɓee gə́ Ejiptə teḛje ya.

Teḛ-Raga 18:1

Jetro gə́ njekinjanéməs gə́ Madian gə́ to məəm Moyisje lé oo ta néje lai gə́ Ala ra mbata lə Moyis ləm, gə mbata lə Israɛlje gə́ to dəwje ləa ləma, yeḛ oo to gə́ Njesigənea̰ ar Israɛlje d’unda loo mee ɓee gə́ Ejiptə teḛ ləm tɔ.

Teḛ-Raga 2:11

Loo gə́ Moyis tɔg mba̰ ndá ndɔ kára bèe yeḛ teḛ aw rɔ ŋgakea̰je’g unda kəmee oo ne kulaje gə́ wɔi gə́ to dɔ dee’g lé. Yeḛ oo dəw gə́ Ejiptə gə́ aar kunda Ǝbrə kára mbuna ŋgakea̰je’g .

Teḛ-Raga 3:17

tɔɓəi neḛ pana: N’a kɔr sí dan nékəmndoo’d gə́ mee ɓee gə́ Ejiptə mba teḛ sə sí kaw sə sí ɓee lə Kana̰je ləm, gə Hetje ləm, gə Amɔrje ləm, gə Peresje ləm, gə Hebje ləma, gə Yebusje ləm tɔ, to ɓee gə́ mbà to keneŋ yaa̰ ləm, ubu tə̰ji kara to keneŋ yaa̰ ləm tɔ.

Teḛ-Raga 3:8

Bèe ɓa ma m’ree mba kɔr dee ji Ejiptəje’g ləm, gə mba kɔr no̰ dee teḛ sə dee mee ɓee gə́ maji gə́ tad yaa̰ ləm tɔ, to ɓee gə́ mbà to keneŋ yaa̰ ləm, ubu tə̰ji kara to keneŋ yaa̰ ləm tɔ, to loo-si Kana̰je ləm, gə Hetje ləm, gə Amɔrje ləm, gə Peresje ləm, gə Hebje ləma, gə Yebusje ləm tɔ.

Teḛ-Raga 32:11

Moyis ra ndòo rɔ Njesigənea̰ Ala’g ləa pana: Ǝi Njesigənea̰, see ban ɓa oŋg ləi a kḭ səi jugugu dɔ koso-dəwje’g ləi, deḛ gə́ i ar dee d’unda loo mee ɓee gə́ Ejiptə teḛ lé gə goo siŋgamoŋ ləi ləm, gə goo ji siŋgamoŋ ləi gə́ ɓar mèr-mèr ləm tɔ lé wa.

Teḛ-Raga 6:2

Ala ula Moyis tɔɓəi pana: Ma m’to Njesigənea̰.

Teḛ-Raga 6:29

ndá yeḛ ula Moyis pana: Ma m’to Njesigənea̰. Ula Parao̰, mbai gə́ Ejiptə, taje lai gə́ ma m’ulai lé.

Teḛ-Raga 6:8

M’a kaw sə sí mee ɓee gə́ ma man ne rɔm gə mba kar Abrakam, gə Isaak, gə Jakob lé, ma Njesigənea̰ lé m’a kar sí gə́ né ka̰ sí-seḭ ya.

Teḛ-Raga 7:4

Parao̰ a koo ta lə sí el. M’a kula jim ndiŋ dɔ Ejiptə’g ndá m’a kar koso-dəwje ləm gə́ to Israɛlje lé d’unda loo mee ɓee gə́ Ejiptə teḛ gə goo rəwta-gaŋgje gə́ boo-boo lé ya.

Teḛ-Raga 7:5

Loo gə́ m’ula jim ndiŋ dɔ Ejiptə’g ləm, gə m’ar Israɛlje d’unda loo teḛ dan dee’g ləm tɔ ndá Ejiptəje lé d’a gər gao to gə́ ma lé m’to Njesigənea̰ ya.

Esai 9:12

Nɛ Koso-dəwje neelé Tel ree rɔ yeḛ gə́ unda dee’g lé el ləm, Deḛ tel ndolè goo Njesigənea̰ Gə́ to Ala gə́ njeboo-néje lé el ləm tɔ.

Esai 9:17

Mbata némeeyèrje lé o̰ loo to gə́ pər Gə́ roo kun-pɔrɔrɔje gə kunje bèe, Yee taa mee kag-kɔr gə́ ndər lé Ar sa pər uba keneŋ ŋgɔg-ŋgɔg.

Jeremi 21:5

Tɔɓəi n’a rɔ sə sí gə ji neḛ gə́ n’ula ndiŋ gə meeko̰, gə meekḭ jugugu, gə oŋg gə́ al dɔ loo sula.

Jeremi 27:5

To ma nja m’ra dɔ naŋg, gə dəwje, gə daje gə́ d’aw keneŋ gə goo siŋgamoŋ ləm gə́ ur dɔ loo ləm, gə jim gə́ m’ula ndiŋ ləm tɔ ndá dɔ naŋg lé m’ar dəw to gə́ məəm ya ndigi.

Jeremi 32:21

I ar koso-dəwje ləi gə́ Israɛl d’unda loo mee ɓee gə́ Ejiptə teḛ gə némɔrije gə nédumkooje gə jii gə́ ɓar mèr-mèr gə́ i ula ndiŋ ləm, gə boo-néɓel ləm tɔ.

Ejekel 20:33

Mbaidɔmbaije gə́ Njesigənea̰ pana: Neḛ n’to njesikəmba! Kag ji neḛ gə́ ɓar mèr-mèr gə́ n’ula ndiŋ lé ɓa n’a ko̰ ne ɓee dɔ sí’g ndá n’a ɓugu ne boo-oŋg lə neḛ dɔ sí’g tɔ.

Néra Njékaḭkulaje 13:17

Ala lə koso-dəwje gə́ Israɛl neelé ɓa mbər ka síjeḛ ya. Yeḛ ila riɓar dɔ dee’g loo gə́ deḛ nai ne Ejiptə’g ɓəi tɔɓəi yeḛ ɔr dee keneŋ gə jia gə ɓar mèr-mèr.

Tel tura Godndu 11:2

Ta neelé ŋgan síje d’askəm gər el mbata deḛ d’oo néeje gə kəm dee el, nɛ maji kar sí-seḭ gərje ɓogənè: takwɔji-kəmkàr lə Ala lə sí gə́ Njesigənea̰ lé ləm, gə boo ləa ləm, gə ji siŋgamoŋ ləa gə́ ɓar mèr-mèr ləm, gə ji kula ndiŋ ləa ləm,

Tel tura Godndu 15:15

Arje meḛ sí olé dɔ to gə́ seḭ toje ɓərje mee ɓee gə́ Ejiptə kédé ɓa Ala lə sí gə́ Njesigənea̰ ɔr sí keneŋ lé, gelee gə́ nee ɓa ɓogənè m’ar sí ne godndu neelé gə mbəa.

Tel tura Godndu 26:8

Gelee gə́ nee ɓa Njesigənea̰ ar sí j’undaje ne loo mee ɓee gə́ Ejiptə n’teḛje gə ji siŋgamoŋ ləa gə́ ɓar mèr-mèr gə́ yeḛ ula ndiŋ ləm, gə nédumkooje gə́ to ɓəl ləma, gə nétɔjije gə némɔrije ləm tɔ.

Tel tura Godndu 4:23

Undaje kəmkàr dɔ rɔ sí’g, gə mba kar meḛ sí wəi dɔ manrɔ gə́ Ala lə sí gə́ Njesigənea̰ man ne rəa sə sí na̰’d lé el ləm, gə mba kar sí tɔlje néndaji gə́ to magə el ləma, gə mba kar sí raje néndaji gə́ raŋg gə́ rara kara gə́ Ala lə sí gə́ Njesigənea̰ ɔg sí dɔ’g lé el ləm tɔ.

Tel tura Godndu 4:34

See ndɔ kára magə kára saŋg loo gə mba taa ginkoji dəwje mbuna ginkoji dəwje gə́ raŋg’d gə mbata ləa gə goo nénaaje ləm, gə nétɔjije ləm, gə némɔrije ləm, gə rɔ ləm, gə jia gə́ ɓar mèr-mèr gə́ ula ndiŋ ləma, gə néje gə́ to ɓəl kədm-kədm ləm tɔ to gə́ Ala lə sí gə́ Njesigənea̰ ra ɔr sí ne mee ɓee gə́ Ejiptə kəm sí’g nee lé ya to wa.

Tel tura Godndu 5:15

I a kar məəi olé dɔ’g to gə́ kédé lé i to gə́ ɓər mee ɓee gə́ Ejiptə ndá Ala ləi gə́ Njesigənea̰ lé ɓa ari unda loo keneŋ teḛ gə goo ji siŋgamoŋ gə́ ɓar mèr-mèr gə́ yeḛ ula ndiŋ lé, gelee gə́ nee ɓa Njesigənea̰ un ndia gə mba kari aa ne dɔ ndɔ-kwa-rɔje neelé.

Tel tura Godndu 6:12

Ar məəi dɔ rɔi’g nà loo gə́ i a sɔ karee asi nag ndá məəi a kwəi dɔ Njesigənea̰’d gə́ ari unda loo mee ɓee gə́ Ejiptə’g mee kəi kula ɓər’g teḛ lé.

Tel tura Godndu 7:19

Boo néje gə́ to ɓəl ləm, gə némɔrije gə nédumkooje ləma gə ji siŋgamoŋ lə Ala lə sí gə́ Njesigənea̰ gə́ ula ndiŋ loo gə́ yeḛ ar sí undaje ne loo mee ɓee gə́ Ejiptə teḛje lé seḭ ooje gao ya, yee ɓa Ala lə sí gə́ Njesigənea̰ a ra togə́bè ya to gə koso-dəwje lai gə́ seḭ ɓəl deeje lé.

Tel tura Godndu 7:8

To mbata Njesigənea̰ unda sí dan kəmee’g ləm, yeḛ ndigi kaar njaŋg dɔ manrɔ’g ləa gə́ yeḛ man ne rəa ar bɔ síje-je ləm tɔ, yee ɓa Njesigənea̰ ar sí undaje ne loo teḛje ne gə ji siŋgamoŋ ləa gə́ ɓar mèr-mèr ləm, yeḛ ɔr sí ne mee kəi kula ɓər’g ləm, ji Parao̰, mbai’d gə́ Ejiptə ləm tɔ.

Tel tura Godndu 9:29

Lé to togə́bè kara deḛ to koso-dəwje ləi gə́ to nédɔjije ləi gə́ i ar dee d’unda loo Ejiptə teḛ gə goo boo-siŋgamoŋ ləi gə jii gə́ ula ndiŋ lé ya.