Teḛ-Raga 6:5 - Maktub gə́ To gə Kəmee

⁵ Ma m’oo ndu tuma̰ rɔ lə Israɛlje gə́ njé gə́ Ejiptə d’wa dee ɓər ndá m’ar məəm olé dɔ ndu manrɔ’g ləm tɔ.

Teḛ-Raga 6:5 ပူးပေါင်းရင်းမြစ်များ

Gḭ-Néje 8:1

Mee Ala olé dɔ Noe’g gə dɔ daje’g lai, gə dɔ nékulje’g lai gə́ d’aar səa mee kəi-kag’d lé. Ala ar lel ula dɔ naŋg nee ndá mán lé rəm.

Gḭ-Néje 9:15

bèe ɓa m’a kar məəm olé ne dɔ Man gə́ ma man rɔm m’ar sí ləm, m’ar nékundaje lai gə́ d’aw kəmba ləm tɔ ndá manje lé d’a tel to gə́ mán bélm gə mba tuji ne néje lai gə́ d’aw kəmba lé gogo el ŋga.

Pakɔsje 105:8

Yeḛ ar mée olé dɔ manrɔ’g ləa lé ta-ta ləm, Gə dɔ ndukunje’g ləa gə́ wɔji dɔ ginka dəwje-dəwje loo tɔl-dɔg (1.000) ya ləm,

Teḛ-Raga 2:23

Ndɔje bula dəs ndá mbai gə́ njeko̰ɓee gə́ Ejiptə lé wəi tɔɓəi Israɛlje lé tuma̰ ŋgururu-ŋgururu gin kúla ɓər’g ya ɓəi ləm, deḛ sii gə no̰ mbigi-mbigi ləm tɔ. Ndu no̰je gə́ kúla ɓər ar dee no̰ neelé aw njal oso mbi Ala’g lé pad ya.

Teḛ-Raga 2:24

Ala oo ndu tuma̰ rɔ lə dee ndá ar mée olé dɔ manrɔ gə́ yeḛ Man ne rəa ar Abrakam gə Isaak gə Jakob lé ya.

Teḛ-Raga 3:7

Njesigənea̰ pana: Ma m’oo kəmtondoo lə koso-dəwje ləm gə́ d’isi Ejiptə, m’oo ndu no̰je lə dee gə́ njékula kəm dee ndooje d’ar dee no̰ ne ləm tɔ, mbata ma m’gər némeekonje lə dee gao ya.

Teḛ-Raga 5:4

Nɛ mbai gə́ Ejiptə lé ula dee pana: Moyis, seḭ gə Aaro̰ lé, see ban ɓa arje dəwje d’un kəm dee rəw dɔ kula’g lə dee wa. Tel awje loo-kula’g lə sí.

Esai 63:9

Dan nékəmndooje’g lə deḛ lai lé D’isi lal njela sə dee el, Kura ləa gə́ dara gə́ aar nea̰’g lé To njekaji dee, Dan meenoji gə kookəmtondoo’g ləa lé Yeḛ nja uga ne dɔ dee. Ta-ta mee ndɔje gə́ ləw lé Yeḛ gəd dee ləm, Yeḛ odo dee ləm tɔ.

Lugu 1:54

Kura ləa Israɛl lé yeḛ ree təa puduru ilá tar. Mbata yeḛ ar mée olé dɔ meekɔrjol’g ləa To gə́ yeḛ pa taree ar ka síje-je lé

Lugu 1:72

Togə́bè ɓa yeḛ teggin némeekɔrjol ləa gə́ yeḛ ra ar ka síjeḛ lé ləm, Yeḛ ar mée olé dɔ manrɔ’g ləa gə́ to gə kəmee ləm tɔ.