Teḛ-Raga 6:4 - Maktub gə́ To gə Kəmee

⁴ Ma lé ma man rɔm m’ar dee gə mba kar dee ɓee gə́ Kana̰ gə́ to ɓee mbá lə dee gə́ deḛ d’isi keneŋ kédé lé gə́ né ka̰ dee-deḛ ya.

Teḛ-Raga 6:4 ပူးပေါင်းရင်းမြစ်များ

Gḭ-Néje 12:7

Njesigənea̰ teḛ dɔ Abram’g ulá pana: Ɓee neelé m’a kar ŋgakaije gə́ ka̰ dee-deḛ. Togə́bè Abram ra loo-nékinjaməs ar Njesigənea̰ gə́ teḛ dəa’g lé.

Gḭ-Néje 15:13

Njesigənea̰ ula Abram pana: Maji kari gər gao, ŋgakaije lé d’a to mbáje mee ɓee gə́ a to ka̰ dee-deḛ el. D’a kwa dee gə́ ɓər ləm, d’a kula kəm dee ndòo as ləb dee tɔl-sɔ (400) ləm tɔ.

Gḭ-Néje 15:18

Mee ndəa’g neelé Njesigənea̰ man rəa ar Abram pana: Dɔ naŋg neelé ma m’ar ŋgakaije, un kudee baa gə́ Ejiptə saar teḛ ne dɔ baa-boo gə́ to baa gə́ Epratə ləm,

Gḭ-Néje 17:13

Lé riri kara d’a kinja tamɔd yeḛ gə́ d’ojee mee kəi’g ləi ləm, gə yeḛ gə́ ndogee gə lar ləm tɔ. Togə́bè manrɔ ləm gə́ a to darɔ sí’g lé a to manrɔ gə́ to saar-saar gə no̰.

Gḭ-Néje 17:4

Aa oo, manrɔ ləm gə́ ma man rɔm m’ari ɓa to nee: I a tel to bɔ ginkoji dəwje gə raŋg bula.

Gḭ-Néje 23:4

Ma m’to dəw-dɔ-ɓee gə́ m’isi mbuna sí’g. Amje loo kára gə́ rɔ sí’g nee gə́ dɔɓar mba karm m’dubu yoo-dené ləm keneŋ kam m’oo yée nɔm’g bèe el.

Gḭ-Néje 26:3

I a si mee ɓee’g neelé waga ndá m’a nai səi ləm, m’a tɔr ndum dɔi’g ləm tɔ. Mbata dɔ naŋg ɓeeje neelé lai lé m’a kari-i gə ŋgakaije ya. M’a ra né gə́ ma man ne rɔm m’ar bɔbije gə́ Abrakam lé karee ɔr rɔd ya.

Gḭ-Néje 26:4

M’a kar ŋgakaije d’ɔs goo na̰ gə́ kédé-kédé bula d’asəna gə kéréméje gə́ dara. Dɔ naŋg ɓeeje lai neelé m’a kar ŋgakaije ya. Ginkoji dəwje gə raŋg lai dɔ naŋg nee d’a kiŋga ne dɔkaisəgərə rɔ ŋgakaije’g ya tɔ.

Gḭ-Néje 28:13

Aa oo, Njesigənea̰ aar dəa gə́ tar ndá yeḛ pana: Ma m’to Njesigənea̰, Ala lə bɔbije gə́ Abrakam ləm, gə Ala lə Isaak ləm tɔ. Dɔ naŋg gə́ i to keneŋ neelé m’a kari-i gə ŋgakaije tɔ.

Gḭ-Néje 28:4

Maji karee ari dɔkaisəgərə lə Abrakam, i ləm gə ŋgakaije səi na̰’d kari iŋga ɓee gə́ i si keneŋ gə́ mbá lé gə́ kaḭ ya, ɓee gə́ yeḛ ar Abrakam lé.

Gḭ-Néje 6:18

Nɛ ma man rɔm m’ari ya. I seḭ gə ŋganije gə́ diŋgam gə dené ləi gə denéje lə ŋganije gə́ diŋgam lé a ka̰dje mee kəi-kag’d neelé na̰’d ya.

2 Samel 23:5

See to togə́bè gə njémeekəije ləm no̰ Ala’g lé ləm el wa. Mbata yeḛ man rəa Gə manrɔ gə́ to gə no̰ am ləm, Yeḛ ar taje lai gə́ to keneŋ lé To njaŋg ləma, Am m’isi ne gə meekulɔm ləm tɔ.

Pakɔsje 105:11

Pana: M’a kar sí ɓee gə́ Kana̰ lé Gə́ nékwanduba gə́ wɔji dɔ sí ya.

Pakɔsje 105:12

Ndəa neelé deḛ bula yaa̰ el, Deḛ to gə́ jebəre ba ləm, to gə́ mbáje mee ɓee’g neelé ləm tɔ.

Teḛ-Raga 13:4

Seḭ undaje loo keneŋ teḛje mee naḭ kinja kó’g.

Teḛ-Raga 13:5

Loo gə́ seḭ a ka̰dje mee ɓee’g lə Kana̰je, gə́ to ɓee lə njé gə́ Het, gə Amɔrje, gə Hebje, gə njé gə́ Yebus lé, ɓee gə́ yeḛ Man rəa ar bɔ síje gə mba kar sí lé, to ɓee gə́ mbà gə ubu tə̰ji to keneŋ yaa̰ lé ndá seḭ a raje naḭ neelé mee naḭ’g neelé ya.

Teḛ-Raga 6:8

M’a kaw sə sí mee ɓee gə́ ma man ne rɔm gə mba kar Abrakam, gə Isaak, gə Jakob lé, ma Njesigənea̰ lé m’a kar sí gə́ né ka̰ sí-seḭ ya.

Esai 55:3

Urje mbi sí gèŋ, Ndá gə́ reeje rɔm’g, Ooje ta ndá A síje ne kəmba. M’a kun ndum kar sí Gə ndu manrɔ gə́ to gə no̰ Gə mba kar némeemaji gə́ m’ra gə Dabid lé To ne njaŋg.

Bula lə Israɛlje 10:29

Moyis ula Hobab, ŋgolə Ruel, dəw gə́ Madian gə́ to məmeeje lé pana: Jeḛ j’isi j’aw gə́ loo gə́ Njesigənea̰ ula sí pana: Lée neelé ɓa n’a kar sí. Gə́ ree, aw sə sí na̰’d ndá j’a ra səi né gə́ maji mbata Njesigənea̰ lé un ndia mba ra gə Israɛl né gə́ maji.

Néra Njékaḭkulaje 7:5

Yeḛ aree loo mee ɓee’g neelé gə́ nékea̰ el ləm, loo gə́ kəm kila gɔlee keneŋ nja kara aree el ləm tɔ. Nɛ yeḛ un ndia aree pana: N’a karee loo gə́ neelé gə́ nékea̰ gə ka̰ ŋgakeaje gə́ d’a gə korè gée nɛ yeḛ oji ŋgon el ɓəi.