Teḛ-Raga 6:3 - Maktub gə́ To gə Kəmee

³ Ma m’teḛ dɔ Abrakam’g gə dɔ Isaak’g gə dɔ Jakob’g tɔ, m’teḛ dɔ dee’g gə́ Ala gə́ Bao-Siŋgamoŋ lé ya, nɛ gin rim gə́ to Njesigənea̰ lé ɓa deḛ gər el.

Teḛ-Raga 6:3 ပူးပေါင်းရင်းမြစ်များ

Gḭ-Néje 13:18

Abram tɔr kəi-kubuje ləa aw si mbuna kag-sɛnəje’d gə́ Mamré gə́ to mbɔr Ebro̰’g dəb. Ndá yeḛ ra loo-nékinjaməs keneŋ ar Njesigənea̰.

Gḭ-Néje 17:1

Loo gə́ ləb Abram aḭ rɔ-jinaikara-giree-jinaikara (99) ndá Njesigənea̰ teḛ kəm Abram’g ulá pana: Ma m’to Ala gə́ Bao-siŋgamoŋ. Maji kari njaa gə gelgodo ləi nɔm’g.

Gḭ-Néje 22:14

Abrakam unda ri loo neelé lə Jehoba-Jire kɔr gelee pana: Njesigənea̰ to nje-kar sí né gə́ jeḛ j’aw ndée. Gelee gə́ nee ɓa ɓogənè kara deḛ pa ne pana: Dɔ mbal’g lə Njesigənea̰ lé d’a kar sí né gə́ j’aw ndée keneŋ.

Gḭ-Néje 28:3

Maji kar Ala gə́ Bao-siŋgamoŋ lé tɔr ndia dɔi’g ari oji ŋganje bula ləm, ar dee d’ɔs goo na̰ gə́ kédé-kédé kari tel to ne ginkoji dəwje gə raŋg bula ləm tɔ!

Gḭ-Néje 35:11

Ala ulá pana: Ma m’to Ala gə́ m’to Bao-siŋgamoŋ. Maji kari oji ŋganje bula ar dee d’ɔs goo na̰ goo na̰ ya. Ginkoji dəwje gə́ kára ləm, gə ginkoji dəwje gə́ bula ləm tɔ lé d’a kḭ rɔi’g ləm, mbaije kara d’a teḛ məəi’g ya ləm tɔ.

Gḭ-Néje 48:3

Jakob ula Jisəb pana: Ala gə́ to Bao-siŋgamoŋ lé teḛ dɔm’g Luj dɔ naŋg ɓee gə́ Kana̰ ndá yeḛ tɔr ndia dɔm’g.

Pakɔsje 68:4

Nɛ njémeekarabasurje lé d’al rɔ dee d’un ne baŋga nɔḭ-i Ala’g lé ləm, Boo-rɔkal lé kara d’al ne rɔ dee ya ləm tɔ.

Pakɔsje 83:18

Maji kar kaar dee to kərm, kar dee ndəb pəd-pəd saar gə no̰ ya ləm, Maji kar dee nai gə rɔkul ɓó gə d’udu ne guduru ya ləm tɔ.

Teḛ-Raga 15:3

Njesigənea̰ to bao-rɔ, Ria lə Njesigənea̰ ya.

Teḛ-Raga 23:21

Yen, meḛ sí dɔ rɔ sí’g loo gə́ aarje nea̰’g, ndá ooje ta ləa ɓó ɔseeje rəw el mbata yeḛ a kar mée oso lemsé dɔ kaiyaje’g lə sí el mbata rim ɓa yeḛ aw ne.

Teḛ-Raga 3:14

Ala ula Moyis pana: MA M’TO YEḚ GƎ SI GƎN. Tɔɓəi yeḛ pa pana: Yee ɓa i a kula Israɛlje pana: Yeḛ gə́ ria lə MA M’TO YEḚ GƎ SI GƎN lé ɓa ulam rɔ sí’g ya.

Esai 42:8

Ma m’to Njesigənea̰, yee ɓa to rim, Ndá m’a kya̰ rɔnduba ləm kar dəw gə́ raŋg el ləm, Riɓar ləm kara m’a kya̰ kar magəje el ləm tɔ.

Esai 44:6

Aa ooje, ta gə́ Njesigənea̰, Mbai lə Israɛlje gə njekoga dɔ dee ləm, Yeḛ gə́ to Njesigənea̰ gə́ njeboo-néje ləm tɔ Pa togə́bè pana: Ma m’to yeḛ gə́ doŋgɔr ləm, Gə yeḛ gə́ rudu ləm tɔ. Ɓó lé ma m’godo ndá Ala kara godo tɔ.

Jeremi 16:21

Gelee gə́ nee ɓa Ma m’ar dee gər ɓasinè ləm, M’ar dee gər siŋgamoŋ ləm Gə roŋgəŋ ləm ləm tɔ. Yen ɓa d’a gər to gə́ rim To Njesigənea̰.

Jeremi 33:2

Njesigənea̰ gə́ ra néje neelé ləm, Njesigənea̰ gə́ wɔji néje nee aree aw lée’g béréré ləma, yeḛ gə́ ria lə Njesigənea̰ ləm tɔ lé pa togə́bè pana:

Ejekel 20:5

M’a kula dee pana: Mbaidɔmbaije gə́ Njesigənea̰ pa togə́bè pana: Mee ndɔ gə́ neḛ mbər ne Israɛl lé neḛ manrɔ neḛ n’ula ne ji neḛ ndiŋ gə́ dɔ ginka’g lə gel-bɔje lə Jakob ndá neḛ n’ar dee gər neḛ mee ɓee gə́ Ejiptə. Neḛ manrɔ neḛ n’ula ji neḛ ndiŋ gə́ rɔ dee’g m’pana: Neḛ n’to Njesigənea̰, Ala lə dee.

Ejekel 37:13

Yen ɓa əi koso-dəwje lə neḛ, seḭ a gərje ne to gə́ neḛ n’to Njesigənea̰ loo gə́ n’a kar ta dɔɓarje lə sí teḛ kar sí undaje loo keneŋ teḛje.

Ejekel 37:6

N’a gɔl ŋgira rɔ sí ləm, n’a kar dakasrɔ sí ɔs dɔ’g ləm, n’a kar ndar sí ɔn dɔ rɔ sí ləma, n’a kula kəmə meḛ sí’g ləm tɔ ndá seḭ a síje kəmba. Bèe ɓa seḭ a gərje ne to gə́ neḛ n’to Njesigənea̰.

Tagə́maji gə́ Ja̰ ndang 8:58

Jeju tel ula dee pana: Ma m’ula sí təsərə, ma m’to gə́ kédé par-par ɓa Abrakam ɓəi.

Loo gə́ killa rea kəm Ja̰’g 1:4

Ma Ja̰ m’ula gə maktub m’ar Eglisəje gə́ siri gə́ to Asi. Maji kar meemaji gə meelɔm nai sə sí ya, ka̰ yeḛ gə́ si gən, gə si dɔtar lé, si ree ləm, ka̰ ndilje gə́ siri gə́ d’aar no̰ kalimbai’g ləa ləma,

Rudu 1:20

Nɛ yeḛ tel ula dee’g pana: Ɓarmje Naomi el, ɓarmje Mara ɓa: tel ta koji sí pana Némeekad, mbata Bao-siŋgamoŋ lé ar məəm adə mbag-mbag ya.