Teḛ-Raga 6:11 - Maktub gə́ To gə Kəmee

¹¹ Aw ula Parao̰, mbai gə́ Ejiptə, mba karee ya̰ Israɛlje ar dee d’unda loo mee ɓee’g ləa teḛ raga.

Teḛ-Raga 6:11 ပူးပေါင်းရင်းမြစ်များ

Teḛ-Raga 3:10

Ɓasinè, aw, m’a gə kulai rɔ Parao̰’g gə mba kari ar koso-dəwje ləm gə́ to Israɛlje lé d’unda loo mee ɓee gə́ Ejiptə teḛ ya.

Teḛ-Raga 4:22

I a kula Parao̰ pana: Njesigənea̰ pa bèe pana: Israɛl lé to ŋgon neḛ gə́ to ŋgondər neḛ ya.

Teḛ-Raga 4:23

Neḛ n’ulai m’pana: Ya̰ ŋgon neḛ aree aw aw pole neḛ, ɓó lé i ndigi kyá̰ karee aw el ndá aa oo, n’a tuji ŋgoni gə́ to ŋgondəri tɔ.

Teḛ-Raga 5:1

Gée gə́ gogo Moyis deḛ gə Aaro̰ d’aw rɔ Parao̰’g d’aw d’ulá pana: Njesigənea̰ Ala lə Israɛlje lé pa bèe pana: Ya̰ dəwje lə neḛ ar dee d’aw dɔdilaloo’g mba ra naḭ gə́ wɔji dɔ neḛ.

Teḛ-Raga 5:23

Un kudee mee ndəa gə́ ma m’aw rɔ Parao̰’g mba pata gə rii lé ndá yeḛ ra gə dəwje neelé majel ya nɛ i ɔm dəwje ləi tar el ɓəi tɔ.

Teḛ-Raga 6:10

Njesigənea̰ ula Moyis pana:

Teḛ-Raga 6:29

ndá yeḛ ula Moyis pana: Ma m’to Njesigənea̰. Ula Parao̰, mbai gə́ Ejiptə, taje lai gə́ ma m’ulai lé.

Teḛ-Raga 7:1

Njesigənea̰ ula Moyis pana: Oo, ma m’ari to asəna gə Ala mbata lə Parao̰, ŋgokɔḭ Aaro̰ lé to njekun ta gə́ tai’g kula dəwje tɔ.