Teḛ-Raga 5:4 - Maktub gə́ To gə Kəmee

⁴ Nɛ mbai gə́ Ejiptə lé ula dee pana: Moyis, seḭ gə Aaro̰ lé, see ban ɓa arje dəwje d’un kəm dee rəw dɔ kula’g lə dee wa. Tel awje loo-kula’g lə sí.

Teḛ-Raga 5:4 ပူးပေါင်းရင်းမြစ်များ

Teḛ-Raga 1:11

Yen ŋga Ejiptəje d’ɔr njékaa dɔ Israɛlje gə mba kar dee d’unda kulaje gə́ kədərə gə́ wɔi dɔ dee’g. Bèe ɓa d’ar dee ra ne ɓee-booje gə́ Pitɔm ləm gə Ramsɛs ləm mba kar dee to loo-ŋgəm-nékiŋgaje lə Parao̰.

Teḛ-Raga 2:11

Loo gə́ Moyis tɔg mba̰ ndá ndɔ kára bèe yeḛ teḛ aw rɔ ŋgakea̰je’g unda kəmee oo ne kulaje gə́ wɔi gə́ to dɔ dee’g lé. Yeḛ oo dəw gə́ Ejiptə gə́ aar kunda Ǝbrə kára mbuna ŋgakea̰je’g .

Teḛ-Raga 6:5

Ma m’oo ndu tuma̰ rɔ lə Israɛlje gə́ njé gə́ Ejiptə d’wa dee ɓər ndá m’ar məəm olé dɔ ndu manrɔ’g ləm tɔ.

Jeremi 38:4

Bèe ɓa ŋgan-mbaije d’ula mbai pana: Dəw neelé kəm karee wəi mbata yeḛ ila mber togə́bè ar meḛ dəwje gə́ njérɔje gə́ nai mee ɓee-boo’g neelé ləm, gə koso-dəwje lai ləm tɔ ila kas bilim. Dəw neelé saŋg maji lə koso-dəwje el nɛ meeko̰ lə dee ɓa.

Amɔs 7:10

Yen ŋga Amasia, njekinjanéməs gə́ Betel lé ar dee d’ula Jeroboam, mbai gə́ Israɛl lé pana: Amɔs lé ula njuma̰ meḛ gel-bɔje’g lə Israɛl gə goo ŋgəḭ gə mba kɔsi ne rəw. Ɓee neelé askəm taa taje lai neelé el.

Lugu 23:2

Deḛ d’un ta səgee ne pana: Jeḛ j’iŋga dəw neelé loo sula gə́ yeḛ si sula njé’g lə sí gə mba kar dee d’ḭ gə njeko̰ɓee, ɔg dee dɔ kuga lar-gədɓee gə Sesar ləm, yeḛ pana: Neḛ nja n’to Kristi gə́ n’to mbai gə́ boi lé ləm tɔ.

Néra Njékaḭkulaje 24:5

Jeḛ j’iŋga dəw neelé gə́ to asəna gə yoo-ndag gə́ oso ɓee’g ləm, yeḛ pələ meḛ Jibje ar dee tḭ ne na̰ gə loo lai-lai ləma, yeḛ to mbai dɔ kudu dəwje gə́ to Najareḛje ləm tɔ.