Teḛ-Raga 40:36 - Maktub gə́ To gə Kəmee

³⁶ Loo gə́ rara gə́ Israɛlje d’a gə kḭ keneŋ kaw ndá mum lé ḭ dɔ kəi-kubu-si-Ala’g aw kédé ɓa deḛ d’aw ɓəi.

Teḛ-Raga 40:36 ပူးပေါင်းရင်းမြစ်များ

Nehemi 9:19

Nɛ I lé, gə goo boo-meekɔrjol ləi lé I uba dee ya̰ dee dɔdilaloo’g el Ndá mum gə́ mbo̰ na̰ sururu Gə́ ɔr no̰ dee rəw-kaw dee’g dan kàrá lé sané el ləm, Pər gə́ mbo̰ na̰ sururu Gə́ ndogó no̰ dee’g loondul’g rəw-kaw dee’g Gə́ d’aw gée’g lé kara sané el ləm tɔ.

Bula lə Israɛlje 9:17

Loo gə́ mum lé ḭ dɔ kəi-kubu’g lé ndá Israɛlje d’ḭ d’aw, loo gə́ mum lé aar naŋg keneŋ ndá lé neelé ɓa Israɛlje la kəi-kubuje lə dee d’wa rɔ dee keneŋ tɔ.

1 Njé gə́ Kɔrḭtə 10:1

Ŋgakɔmje, tɔgərɔ ya, ta neelé ma m’ndigi kar sí síje keneŋ dɔ mbə’g el: ka síje lai lé d’isi gin mum gə́ wa kəm kàr’g ləm, deḛ lai d’unda baa-boo-kad dana gaŋg ləm,

Pakɔsje 105:39

Yeḛ ila mum o̰ ne dɔ dee ləm, Yeḛ ar pər ndogó dɔ dee’g loondul’g ləm tɔ.

Pakɔsje 78:14

Yeḛ ɔr no̰ dee dan kàrá gə mum ləm, Loondul’g kara pər gə́ ndogó jol-jol Ɓa yeḛ ɔr ne no̰ dee ləm tɔ.

Bula lə Israɛlje 9:22

Ɓó lé mum lé aar naŋg dɔ kəi-kubu gə́ to gə kəmee’g lé as ndɔ joo əsé naḭ kára əsé ləb kára kara Israɛlje d’isi d’wa rɔ dee ɓó d’ḭ d’aw el, loo gə́ mum ḭ ɓa deḛ d’ḭ d’aw ɓəi tɔ.