Teḛ-Raga 40:34 - Maktub gə́ To gə Kəmee

³⁴ Togə́bè mum ree aar dɔ kəi-kubu-kiŋga-na̰’g ləm, rɔnduba lə Njesigənea̰ taa loo mee kəi gə́ to gə kəmee’g lé pəl-pəl ləm tɔ.

Teḛ-Raga 40:34 ပူးပေါင်းရင်းမြစ်များ

2 Samel 7:6

Mbata un kudee mee ndəa gə́ n’ar Israɛlje d’unda ne loo mee ɓee gə́ Ejiptə teḛ lé neḛ n’isi mee kəi’g el ya saar teḛ ɓogənè, nɛ kəi-kubu gə́ to kəi-si-Ala ɓa neḛ n’ai keneŋ ya.

2 Sôrta Gḭka Israɛlje 5:13

Yen ŋga loo gə́ deḛ gə́ njékim to̰to̰je gə njékɔspaje lé d’ɔm na̰’d yəg d’unda ndu dee na̰’d gə mba pidi Njesigənea̰ ndá deḛ d’ar to̰to̰je ləm, gə ma̰dje gə́ sa səgə-səgə ləma, gə nékimje gə́ raŋg ləm tɔ ɓar ŋgaw d’ula ne rɔnduba dɔ Njesigənea̰’g gə taje nee pana: Mbata yeḛ lé maji dum ləm, meekɔrjol ləa to saar-saar gə no̰ ləm tɔ. Mee kàree gə́ neelé mum taa mee kəi gə́ to kəi lə Njesigənea̰ lé pəl-pəl tɔ .

2 Sôrta Gḭka Israɛlje 7:2

Njékinjanéməsje d’askəm kandə mee kəi’g lə Njesigənea̰ el mbata rɔnduba lə Njesigənea̰ gə́ taa mee kəi lə Njesigənea̰ pəl-pəl lé.

Pakɔsje 26:8

Njesigənea̰, kəi-sii gə́ i si keneŋ lé Ma m’unda dan kəm’g, To loo gə́ rɔnduba ləi to keneŋ.

Teḛ-Raga 14:24

Ta lookàr’g dəb ndá, Njesigənea̰ gə́ si dan pər’g gə dan mum’g lé aa loo oo loo-si njé gə́ Ejiptə ndá, yeḛ ra né ar njé gə́ Ejiptə lé d’aw dɔ na̰’d bèe pum-pum loo-si dee’g.

Teḛ-Raga 16:10

Loo gə́ Aaro̰ si ula koso-dəwje gə́ Israɛl lai ta bèe lé deḛ tel kəm dee par gə́ dɔdilaloo’g ndá aa oo, rɔnduba lə Njesigənea̰ teḛ dan mum’g.

Teḛ-Raga 25:8

Deḛ d’a ra kəi gə́ to gə kəmee ɓəd mbata ləm ndá m’a si mbuna dee’g ya.

Teḛ-Raga 29:43

Lée gə́ neelé ɓa m’a ree kiŋga Israɛlje keneŋ ndá rɔnduba ləm lé a kɔr loo neelé kunda gə kəmee ya.

Teḛ-Raga 33:9

Loo gə́ Moyis andə mee kəi-kubu’g lé mba̰ ndá mum gə́ mbo̰ na̰ sururu risi uru naŋg aar ta kəi-kubu’g neelé ndá Njesigənea̰ wɔji ta gə Moyis tɔ.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Esai 6:4

Gə goo ndu deḛ gə́ ɓar wəl lé gin tarəwkəije yə ləm, sa pər udu mee kəi rəd-rəd ləm tɔ.

Ejekel 10:4

Rɔnduba lə Njesigənea̰ ḭ dɔ Nékundaje gə́ dara’g aw par gə́ tarəwkəi’g par gə́ naŋg. Mum taa mee kəi lé pəl-pəl ar rɔnduba lə Njesigənea̰ ndogó ɔr loo jol-jol mee gadloo’g lé.

Ləbije 16:2

Njesigənea̰ ula Moyis pana: Maji kari ula ŋgokɔḭ Aaro̰ mba karee andə aw mee loo gə́ to gə kəmee’g dəs njal aw mee kubu gə́ gaŋg ne mee kəi gə́ to no̰ kidata sa̰duk-manrɔ gə́ ka̰ meekoso lemsé’g lé ta-ta el, nà a kwəi, mbata m’a teḛ kəmee’g dan mum’g dɔ kidata sa̰duk-manrɔ gə́ ka̰ meekoso lemsé’g lé ya.

Ajee 2:7

N’a yə ginkoji dəwje gə raŋg lai. Nébaoje lə ginkoji dəwje gə raŋg lai lé d’a ree ne ndá n’a kar rɔnduba taa mee kəi neelé pəl-pəl. Njesigənea̰ gə́ njeboo-néje ɓa pa bèe.

Ajee 2:9

Rɔnduba lə kəi gə́ gogo neelé a boi yaa̰ kur dɔ yee gə́ kédé’g lé. Njesigənea̰ gə́ njeboo-néje ɓa pa bèe. Lée neelé ɓa n’a kar dee meekulɔm keneŋ. Njesigənea̰ gə́ njeboo-néje ɓa pa bèe.

Bula lə Israɛlje 7:89

Loo gə́ Moyis andə mee kəi-kubu-kiŋga-na̰’g mba kwɔji ta gə Njesigənea̰ ndá yeḛ oo ndu dəw gə́ ɓar wɔji səa ta gə́ ḭ mbuna Nékundaje gə́ dara gə́ joo gə́ to dɔ kidata sa̰duk gə́ ka̰ meekoso lemsé gə́ to dɔ sa̰duk kɔrgoota’g lé. Yeḛ wɔji ta gə Njesigənea̰ tɔ.

Njé gə́ Rɔmə 9:4

deḛ gə́ to Israɛlje lé. Ala nja tel dee gə́ ŋganeeje ləm, ula rɔnduba dɔ dee’g ləm, man rəa ar dee ləm, ar dee godndiaje ləm, ar dee kəi-siée ləm,

Loo gə́ killa rea kəm Ja̰’g 15:8

Sa pər gə́ ka̰ rɔnduba lə Ala gə siŋgamoŋ ləa to lé taa mee kəi-Ala lé pəl-pəl. Dəw kára kara askəm kandə mee kəi-Ala’g el saar kar rudu tuji-boo gə́ siri lə kuraje gə́ dara neelé un ɗiao.

Loo gə́ killa rea kəm Ja̰’g 21:3

Ma m’oo ndu dəw ɓar boi wəl gə́ par gə́ loo kalimbai’g lé pana: Aa ooje, kəi-Ala lé to mbuna dəwje ləa. Yeḛ a sí sə dee ləm, deḛ kara d’a to dəwje ləa ləma, yeḛ kara a to Ala lə dee ləm tɔ.