Teḛ-Raga 40:16 - Maktub gə́ To gə Kəmee

¹⁶ Moyis ra néje lai gə́ Njesigənea̰ un ne ndia aree lé, yeḛ ra togə́bè ya.

Teḛ-Raga 40:16 ပူးပေါင်းရင်းမြစ်များ

Gḭ-Néje 6:22

Yee ɓa gə́ né gə́ Noe ra. Yeḛ ra néje lai gə́ Ala un ndia aree lé aree ɔr rɔd ya.

Teḛ-Raga 40:15

I a tər ubu neelé dɔ dee’g to gə́ i tər ne dɔ bɔ deeje’g bèe mba kar dee ra ne kula gə́ wɔji dɔ nékinjaməs kam tɔ. Ubu gə́ i tər dɔ dee’g lé a kar dee d’askəm ra kula gə́ wɔji dɔ nékinjaməs lé kam saar gə no̰ mbuna ŋgaka deeje’g.

Teḛ-Raga 7:6

Moyis deḛ gə Aaro̰ ra né gə́ Njesigənea̰ un ne ndia ar dee gə mba kar dee ra lé ndá deḛ ra togə́bè ya.

Esai 8:20

Gə́ telje gə́ dɔ godndu gə dɔ kɔrgoota’g lé! Ɓó lé dəw pa togə́bè el ndá kàr gə́ a gə kuba mbata lə koso-dəwje lé a godo.

Jeremi 13:5

M’aw m’iya ndar lé ta baa gə́ Epratə to gə́ Njesigənea̰ un ne ndia am lé ya tɔ.

Ləbije 8:13

Moyis ar ŋgalə Aaro̰ rəm pər gə́ rəa’g ndá yeḛ ula kubuje gə́ ŋgal yududu-yududu rɔ dee’g ləm, wa dɔ kubuje lé gə ndar ləma, ula jɔg dɔ dee’g ləm tɔ, to gə́ Njesigənea̰ un ne ndia aree mba karee ra lé ya.

Ləbije 8:21

Yeḛ togo ŋgan siḭyeje gə gɔleeje gə mán ndá yeḛ roo dee gə ges bàl badə gə́ nai loo-nékinjaməs’g lé: to nékinjaməs gə́ roo ləm, to nékinjaməs gə́ ka̰ roo gə́ baḭyee ə̰də lel Njesigənea̰ ləm tɔ, to gə́ Njesigənea̰ un ne ndia aree lé ya.

Ləbije 8:9

Yeḛ ula dɔgugu dəa’g ndá tɔ mbɔr gə́ ra gə larlɔr no̰ dɔgugu’d gə́ to dɔgugu gə́ to gə kəmee lé, to gə́ Njesigənea̰ un ne ndia aree mba karee ra lé tɔ.

Bula lə Israɛlje 1:19

Moyis tura bula lə dee togə́bè dɔdilaloo gə́ Sinai to gə́ Njesigənea̰ un ne ndia aree lé tɔ.

Bula lə Israɛlje 9:22

Ɓó lé mum lé aar naŋg dɔ kəi-kubu gə́ to gə kəmee’g lé as ndɔ joo əsé naḭ kára əsé ləb kára kara Israɛlje d’isi d’wa rɔ dee ɓó d’ḭ d’aw el, loo gə́ mum ḭ ɓa deḛ d’ḭ d’aw ɓəi tɔ.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

1 Njé gə́ Kɔrḭtə 4:2

Kar njekaa dɔ néje lé to majikoji, yee ɓa gə́ kuma̰ karee taa kəm njekəi.

Tel tura Godndu 4:1

Israɛlje, maji kar sí ooje godnduje gə ndukunje gə́ ma m’ndoo sí lé. Maji kar sí raje née gə mba kar sí síje ne kəmba ləm, gə mba kar sí a̰dje ne mee ɓee gə́ Njesigənea̰ Ala lə bɔ síje ar sí gə́ né ka̰ sí lé ləm tɔ.

Ǝbrəje 3:2

Jeju lé ila ŋgonkoji dɔ yeḛ gə́ ɔree undá lé to gə́ Moyis kara njaa gə ŋgonkoji mee kəi’g lə Ala, wa loo wɔr-wɔr.

Ǝbrəje 3:5

Moyis lé njaa gə ŋgonkoji mee kəi’g lə Ala wa loo wɔr-wɔr asəna gə kura ba gə mba kɔr gin né gə́ d’a gə pa ɓəi.