Teḛ-Raga 4:21 - Maktub gə́ To gə Kəmee

²¹ Njesigənea̰ ula Moyis pana: Tel gə́ i a gə tel kaw Ejiptə gogo lé aa oo, némɔrije lai gə́ m’ɔm jii’g lé i a ra dee no̰ Parao̰’g ya. Nɛ ma lé m’a kar mée ndər ndá yeḛ a kya̰ loo kar koso-dəwje lé d’aw el.

Teḛ-Raga 4:21 ပူးပေါင်းရင်းမြစ်များ

Gḭ-Néje 6:3

Yen ŋga Njesigənea̰ pa pana: Ndiləm a si mee dəw’g saar-saar gə no̰ el mbata dəw lé to gə́ dakasrɔ ba ndá ndɔje gə́ ka̰ si kəmba ləa d’a kas ləb tɔl dəa rɔ-joo ba ŋga.

1 Mbaije 22:22

Yeḛ ilá keneŋ pana, M’a teḛ raga ndá m’a tel to ndil gə́ njetaŋgɔm ta njéteggintaje’g ləa lai. Njesigənea̰ ulá pana: I a su kəmee ndá i a dumee ya, aw ra togə́bè ya!

Pakɔsje 105:25

Yeḛ tel meḛ njé gə́ Ejiptə ɓəd Ar dee d’ə̰ji koso-dəwje ləa bəḭ-bəḭ Deḛ ra némeeyèr gə kuraje ləa.

Pakɔsje 78:43

D’ar meḛ dee wəi dɔ némɔrije Gə́ yeḛ ra mee ɓee gə́ Ejiptə’g ləm, Gə dɔ néje gə́ dumkoo Gə́ yeḛ ra mee ɓee-boo gə́ Soa̰’g lé ləm tɔ.

Teḛ-Raga 10:1

Njesigənea̰ ula Moyis pana: Maji kari aw rɔ Parao̰’g mbata m’ar mée-yeḛ gə meḛ kuraje ləa kara ndər mba kar nétɔjije ləm nduba ne rɔ dee mbuna dee’g gə́ raga.

Teḛ-Raga 10:20

Njesigənea̰ ar mee Parao̰ ndər ndá Parao̰ ya̰ Israɛlje ar dee d’aw el ya ɓəi.

Teḛ-Raga 10:27

Njesigənea̰ ar mee Parao̰ ndər ndá Parao̰ ndigi kya̰ dee kar dee d’aw el.

Teḛ-Raga 11:10

Moyis gə Aaro̰ ra némɔrije lai neelé no̰ Parao̰’g, nɛ Njesigənea̰ ar mee Parao̰ ndər ya ɓəi ndá yeḛ ya̰ Israɛlje ar dee d’ḭ ɓee ləa d’aw el saar.

Teḛ-Raga 11:9

Njesigənea̰ ula Moyis pana: Parao̰ a koo ta lə sí pai godo, gə mba kar némɔrije ləm d’ore ne goo na̰ goo na̰ mee ɓee gə́ Ejiptə ya.

Teḛ-Raga 14:17

Nɛ ma lé m’a gə kar meḛ njé gə́ Ejiptə ndər gə mba kar dee d’andə goo dee’g, togə́bè Parao̰ gə njérɔje ləa lai, gə pusu-rɔje ləa ləm, gə njérɔ gə kundaje ləa ləm tɔ lé d’a kar rɔnduba ləm kila ne rəa kɔd ya.

Teḛ-Raga 14:4

Ndá m’a kar mee Parao̰ ndər gə mba karee tuba goo dee, nɛ Parao̰ gə bao-rɔje ləa d’a tel to ne né gə́ a kar rɔnduba ləm kila ne rəa kɔd, bèe ɓa njé gə́ Ejiptə d’a gər ne gao to gə́ ma m’to Njesigənea̰ ya. Ndá Israɛlje ra togə́bè ya.

Teḛ-Raga 14:8

Njesigənea̰ ar mee Parao̰ mbai gə́ Ejiptə ndər ya tɔ ndá yeḛ tuba goo Israɛlje. Njé gə́ Israɛl lé d’unda loo teḛ gə ji dee gə́ ɓar tar mèr-mèr.

Teḛ-Raga 3:19

Ma m’gər gao to gə́ mbai gə́ njeko̰ɓee gə́ Ejiptə lé a kya̰ sí kar sí awje el, nɛ gə goo ji siŋgamoŋ gə́ ɓar mèr-mèr lé ɓa.

Teḛ-Raga 3:20

M’a kila tuji dɔ ɓee gə́ Ejiptə ndá m’a kar nédumkooje gə́ gə ria-ria teḛ dan dee’g. Gée gə́ gogo ndá yeḛ a kya̰ loo kar sí awje ya.

Teḛ-Raga 7:13

Mee Parao̰ ndər aree oo ta lə Moyis gə Aaro̰ el, gə goo ta gə́ Njesigənea̰ pa kédé lé tɔ.

Teḛ-Raga 7:3

Ma lé m’a kar mee Parao̰ ndər, tɔɓəi m’a kar nétɔjije ləm, gə némɔrije ləm d’ḭ dɔ maree’g gə́ kédé-kédé mee ɓee gə́ Ejiptə.

Teḛ-Raga 8:11

Parao̰ lé oo to gə́ né gə́ kədərə nee ɔr dəa’g wuduru ŋga ndá yeḛ ar mée ndər ya ɓəi, tɔɓəi yeḛ udu mbia dɔ ta’g lə Moyis gə Aaro̰, gə goo ta gə́ Njesigənea̰ pa kédé lé.

Teḛ-Raga 8:15

Ndá njéra némɔrije lé d’ula Parao̰ pana: Yee neelé to ŋgaw ji Ala ya. Mee Parao̰ ndər aree udu mbia dɔ ta’g lə Moyis gə Aaro̰, gə goo ta gə́ Njesigənea̰ pa kédé lé tɔ.

Teḛ-Raga 9:12

Njesigənea̰ ar mee Parao̰ ndər gə́ kédé-kédé, ndá Parao̰ udu mbia dɔ ta’g lə Moyis gə Aaro̰, gə goo ta gə́ Njesigənea̰ pa ar Moyis kédé lé.

Teḛ-Raga 9:35

Mee Parao̰ ndər ya ɓəi ndá yeḛ ya̰ loo ar Israɛlje d’aw el, gə goo ta gə́ Njesigənea̰ pa kédé gə rəw gə́ rɔ Moyis’g lé ya.

Esai 6:10

Ar meḛ koso-dəwje neelé ndər ləm, Ar mbi dee udu ləma, Ar kəm dee libi ləm tɔ, Ɓa nà d’a koo gə kəm dee gə mbi dee ləm, D’a kḛji meḛ dee’g gər ginee ləma, D’a kɔs badm tel kar neḛ n’aji dee ləm tɔ.

Esai 63:17

Ǝi Njesigənea̰, see gelee ban ɓa i ya̰ sí Ar sí ndəm rəwje’g ləi ləm, Ar meḛ sí ndər Ar sí j’ɔsje ne ta ɓəli lé rəw ləm tɔ wa. Maji kari tel ree mbata kuraje ləi Gə́ i unda dee dan kəmi’g, Deḛ gə́ to ginkojije Gə́ to gə nédɔjije ləi lé!

Tagə́maji gə́ Ja̰ ndang 12:40

Yeḛ ar kəm dee tɔ sum-sum ləm, Yeḛ ɔm meendər dɔ dee’g ləm tɔ, Ɓa nà d’a koo gə kəm dee ləm, D’a kḛji meḛ dee’g gər ginee ləma, D’a kɔs badm tel kam m’aji dee ləm tɔ.

Njé gə́ Rɔmə 1:28

To gə́ deḛ d’un ne kəm dee rəw dɔ gər Ala’g lé ndá yeḛ nja sula dee ne sɔgɔ dan néraje’g lə dee gə́ kərm-kərm’g gə mba kar dee ra néra gə́ ram lé ya.

Njé gə́ Rɔmə 9:18

Togə́bè ɓa, yeḛ wa noji gə yeḛ gə́ yeḛ ndigi kwa səa noji ləm, dəw gə́ yeḛ ndigi kar mée ndər ɓa yeḛ ar mée ndər to gə́ mée-yeḛ nja ndigi ləm tɔ.

2 Njé gə́ Kɔrḭtə 2:16

Njé gə́ na̰je lé baḭ neelé to baḭ ka̰ yoo gə́ wɔji dɔ yoo dee ya nɛ njé gə́ raŋg lé to baḭ ka̰ kəmə gə́ a kar dee d’isi ne kəmba tɔ. See na̰ ɓa askəm ra kula gə́ togə́bè wa.

Tel tura Godndu 2:36

Un kudee Aroer dɔ koŋgo baa’d gə́ Arno̰ ləm, gə ɓee-boo gə́ to wəl-loo’g saar teḛ Galaad ləm tɔ lé ɓee-boo gə́ kára gə́ siŋgá ur dɔ sí’g lé godo: Ala lə sí gə́ Njesigənea̰ ya̰ néje lai meḛ ji sí’g.

Jujé 11:20

Mbata Njesigənea̰ ar meḛ koso-dəwje gə́ neelé ndər siŋ-siŋ mba kar dee rɔ ne gə Israɛlje mba kar Israɛlje tuji dee pugudu-pugudu ɓó d’a koo kəmtondoo lə dee el, to gə́ Njesigənea̰ un ne ndia ar Moyis lé tɔ.

1 Piɛrə 2:8

Deḛ daree, d’oso ne mbata d’ila koji dɔ kankəmta’g el, yee gə́ bèe ɓa né gə́ ɔs dee ra dee ne.