Teḛ-Raga 4:2 - Maktub gə́ To gə Kəmee

² Njesigənea̰ dəjee pana: See ɗi ɓa to jii’g kən wa. Yeḛ ilá keneŋ pana: To kag-tɔs.

Teḛ-Raga 4:2 ပူးပေါင်းရင်းမြစ်များ

Gḭ-Néje 30:37

Jakob un barkəm kag gə́ ɓaree pəplier gə́ təb ləm, gə kag gə́ ɓaree ama̰dier ləma, gə kag gə́ ɓaree platan ləm tɔ, yeḛ ɔr kəm ŋgwɔi dee ar ndá lə barkəmeeje gə́ ndaŋg lé to raga kari ba.

2 Mbaije 4:2

Elije dəjee pana: See ɗi ɓa m’askəm ra kari wa. Maji kari ulam né gə́ to mee kəi’g ləi am m’oo. Yeḛ tel ilá keneŋ pana: Kura ləi aw gə né gə́ raŋg mee kəi’g el nɛ ku-ubu ya kára ba.

Pakɔsje 110:2

Njesigənea̰ a kar kag-mbai siŋgamoŋ ləi Ḭ ɓee gə́ Sio̰ aw əw! Maji kari dum ne dɔ njéba̰je ləi gə́ gugu dɔi sub ya.

Teḛ-Raga 4:17

Un kag-tɔs neelé jii’g, yee ɓa i a ra ne nétɔjije lé ya.

Teḛ-Raga 4:20

Moyis ar ŋganeeje gə́ diŋgam gə dené ləa d’uba mulayḛ̀je ndá deḛ lai tel d’aw Ejiptə gogo. Yeḛ wa kag-tɔs lə Ala jia’g tɔ.

Teḛ-Raga 7:15

Aw rɔ Parao̰’g gə ndɔ rad, loo gə́ yeḛ a gə teḛ mba kaw mbɔr mán’g ndá i a teḛ kaar nea̰’g ta baa’g. Tɔɓəi i a kwa kag-tɔs gə́ tel to li kédé lé jii’g kaw ne,

Teḛ-Raga 7:9

Ɓó lé Parao̰ ula sí pana: Raje némɔri arje neḛ n’oo ndá i Moyis lé a kula Aaro̰ pana: Un kag-tɔs ləi, ila naŋg no̰ Parao̰’g. Ndá kag lé a tel to li.

Esai 11:4

Nɛ yeḛ a gaŋg rəwta lə njéndooje lé gə goo rəw gə́ danasur ləm, Yeḛ a kɔr kəmta lə njénékəmndooje gə́ naŋg nee gə goo rəbee ləm, Tapea gə́ to asəna gə kag-tɔs lé Yeḛ a kunda ne naŋg nee ləma, Lel təa gə́ a tó pu lé a kar njemeeyèr wəi ne ləm tɔ.

Ləbije 27:32

Né gə́ dɔg kun təa kára-kára k’ar gə́ to nékulje gə́ boi-boi əsé gə́ lam-lam lé deḛ lai gə́ dəs gel kag-ɗugu’d lé d’a to né kára mbuna néje’g dɔg gə́ to gə kəmee mbata lə Njesigənea̰ ya.

Misee 7:14

Maji kari ul koso-dəwje ləi gə kag gə́ ɗugu ləi, Deḛ gə́ to koso-nékulje gə́ to nékaḭ lé Deḛ gə́ d’isi gə kar dee ba dan mee kag-kɔr gə́ Karmel! Maji kar dee tel d’o̰ mu gə́ Basan gə Galaad To gə́ d’o̰ ne kédé bèe ya.