Teḛ-Raga 4:11 - Maktub gə́ To gə Kəmee

¹¹ Njesigənea̰ dəjee pana: See na̰ ɓa unda ta dəw wa. See na̰ ɓa ar rəw gwɔs dəw əsé mbi dəw udu ləm, ar kəmee oo loo əsé ar kəmee tɔ ləm tɔ wa. See to ma Njesigənea̰ lé el wa.

Teḛ-Raga 4:11 ပူးပေါင်းရင်းမြစ်များ

Gḭ-Néje 11:7

Ar sí j’uruje naŋg mba tel gwɔs dee gə mba kar dee gər takɔji lə naa̰ el.

Gḭ-Néje 18:14

Njesigənea̰ lé see né gə́ njedumee to keneŋ ya wa. Mee ndəa gə́ m’wɔji, mee naḭ gə́ togə́bè lé m’a tel ree rɔi’g ndá Sara a koji ŋgon gə́ diŋgam ya.

Pakɔsje 146:8

Njesigənea̰ lé ar kəm njékəmtɔje teḛ ləm, Deḛ gə́ d’wa koŋgoŋ lé Njesigənea̰ nja ndɔji dee Ar dee d’aar dana njoroŋ ləma, Njéra né gə́ gə dɔ najee-je lé kara Njesigənea̰ lé unda dee dan kəmee’g ya ləm tɔ.

Pakɔsje 51:15

Njékalta tai’gje lé m’a ndoo dee rəw-kabije Ndá njékaiyaje d’a kɔs badm tel ree rɔi’g tɔ.

Pakɔsje 94:9

Yeḛ gə́ njera mbi dəw lé See yeḛ a koo ta el wa, Esé yeḛ gə́ njera kəm dəw lé see Yeḛ a koo loo el wa.

Gosota-Kəmkàrje 20:12

Mbi gə́ oo ta gə kəm gə́ oo loo lé Njesigənea̰ ɓa gə́ njera dee joo bɔr.

Esai 42:7

Gə mba kar kəm njékəmtɔje teḛ ləm, Gə mba kar deḛ gə́ d’wa dee ɓər lé D’unda loo teḛ ləma, Kar deḛ gə́ d’udu dee duu-loo gə́ loondul’g lé D’unda loo teḛ ləm tɔ.

Esai 6:7

ndá yeḛ ɔs ne tam tèm pana: Né neelé n’ɔs ne tam Ndá n’ɔr ne némajel ləm ləm, N’ɔr ne kaiya ləm ləm tɔ.

Jeremi 1:6

Ma m’tel m’ilá keneŋ m’pana: Wai! Mbaidɔmbaije gə́ Njesigənea̰, ma m’nai ŋgon yaa̰ ɓó m’askəm pata kəm koso-dəwje’g el.

Jeremi 1:9

Tɔɓəi Njesigənea̰ ula jia Ɔrɔ ne tam ndá yeḛ ulam pana: Aa oo, ma m’ɔm taje ləm tai’g.

Ejekel 33:22

Ɓad ɓa kar njekaḭ lé ree ɓəi ndá ji Njesigənea̰ to dɔm’g kàrkemetag, ndá Njesigənea̰ ar tam teḛ loo gə́ njekaḭ lé ree teḛ rɔm’g gə ndɔ lé. Tam teḛ am m’pata ɓó m’isi mundu el ŋga.

Amɔs 3:6

See d’a kim to̰to̰ karee ɓar mee ɓee-boo’g Lal kar dəwje d’unda bala wa. See nékəmndoo a teḛ dɔ ɓee-boo’g Lal kar Njesigənea̰ to njegelee wa.

Matiyo 11:5

njékəmtɔje d’oo loo ləm, njémədje njaa ləm, njéba̰jije rɔ dee ɔr ɓə̰dərə-ɓə̰dərə ləm, njégwɔskuduje d’oo ta ləm, njé gə́ d’wəi d’unda loo teḛ ləma, njéndooje kara d’oo tagə́maji lé ta njékilamberje ləm tɔ.

Lugu 1:20

Aa oo, ɓasinè lé gwɔsi a kudu mbərəg ɓó i a kaskəm pata el saar néje neelé d’a ra kàree a kwəi ndəg ɓa mbata i ɔm məəi dɔ ta gə́ m’ulai’g gə́ d’a gə kaw lée’g béréré lé el.

Lugu 1:64

Léegəneeya gwɔs Jakari inja bərəŋ ar ndəa̰ tudu wərərə aree pata yororo pidi ne Ala ya.

Tagə́maji gə́ Ja̰ ndang 10:21

Njé gə́ raŋg pana: Ta ləa lé to gə́ tapa njendil gə́ yèr godo. See ndil gə́ yèr lé askəm kar kəm njekəmtɔ inja loo gə́ ra’g wa.