Teḛ-Raga 39:6 - Maktub gə́ To gə Kəmee

⁶ Deḛ ra néməmə-dɔ-jərje gə larlɔr mba kwa ne jər onikisje, to jərje gə́ deḛ tḭja ri Israɛlje gə́ diŋgam keneŋ to gə́ tḭja ne nétorjije bèe.

Teḛ-Raga 39:6 ပူးပေါင်းရင်းမြစ်များ

Maktub gə́ wɔji dɔ Jɔb 28:16

Dəw askəm kwɔjee gə larlɔr gə́ Opir el ləm, Esé gə jər gə́ ɓaree Onikis gə́ gadee to yaa̰ el ləma, əsé gə jər sapir el ləm tɔ.

Teḛ-Raga 25:7

gə jər onikis, gə jərje gə́ raŋg mba tɔs dɔ épod’g gə ɓɔl kubu gə́ tɔ kaar dee’g ləm tɔ.

Teḛ-Raga 28:11

D’a kinja ri Israɛlje gə́ diŋgam dɔ jərje gə́ joo’g lé to gə́ ra ne nétorjije bèe ləm tɔ, d’a ra néməmə dɔ jərje’g lé gə larlɔr gə mba kwa dee ne na̰’d.

Teḛ-Raga 28:12

D’a tula jərje gə́ joo neelé dɔ kubu gə́ dɔ bag épod’d gə mba karee to nékolé-mee dɔ Israɛlje’g, bèe ɓa a to asəna gə nékolé-mee bèe gə́ Aaro̰ a kodo ne ri dee no̰ Njesigənea̰’g dɔ bageeje’d gə́ joo’g lé.

Teḛ-Raga 28:9

D’a kodo jər onikis joo ndá d’a kinja ri Israɛlje gə́ diŋgam keneŋ.

Teḛ-Raga 35:9

gə jər onikis ləm, gə jərje gə́ raŋg mba tula dɔ épod’g gə ɓɔl kubu gə́ tɔ kaar dee’g ləm tɔ.

Teḛ-Raga 39:5

Gagəra lé deḛ ra gə néje to gə́ ra ne épod ləm, deḛ tɔ dɔ kubu’g ləm tɔ, deḛ ra gə kúla larlɔr ləm, gə kúla gə́ ndul piro-piro, gə kas gəḭ gə kas njir-njir ləma, gə kubu gə́ ra gə kúla palégal gə́ sorè ləm tɔ, to gə́ Njesigənea̰ un ne ndia ar Moyis lé ya.

Ejekel 28:13

Kédé i to asəna gə loo-ndɔ lə Ala mee loo gə́ Edḛ, jərje gə́ gad dee ur kugu gə́ ri dee lə sarduanə, gə topajə, gə diama̰, gə krijolitə, gə onikis, gə jaspə, gə sapir, gə eskarbuklə, gə emerodə, gə larlɔr taa rɔi pəl-pəl, dalèje gə buulaje to gə́ néra kulaje ləi gə́ deḛ gɔl dee d’unda dee pèrèrè d’wɔji ne ndɔ tum gini’g.