Teḛ-Raga 38:26 - Maktub gə́ To gə Kəmee

²⁶ Yee ɓa to ŋgan larnda mi-mi gə́ wɔji dɔ dee kára kára, to ges larnda gə goo nékwɔji-né gə́ wɔji dɔ kəi-kubu-si-Ala ya mbata lə diŋgamje kára kára lai gə́ tura dee loo tura bula’g lə dee lé, un kudee dɔ deḛ gə́ ləb koji dee aḭ rɔ-joo gə́ tar lé tɔ ndá wɔji dɔ diŋgamje tɔl-tɔl-dɔg-loo-tɔl misa̰ giree munda gə dəa tɔl mi gə dəa rɔ-mi (603.550) lé ya.

Teḛ-Raga 38:26 ပူးပေါင်းရင်းမြစ်များ

Teḛ-Raga 12:37

Israɛlje d’ḭ Ramsɛs d’aw Sukot, bula lə diŋgamje gə́ to goŋ-rɔje lé aḭ tɔl-dɔg-loo-tɔl-misa̰ (600.000) lal turaje ŋganje.

Teḛ-Raga 30:12

Loo gə́ i a tura Israɛlje gə mba gər goo bula lə dee ndá nana kara a kun nékoga dɔ rəa-rəa kar Njesigənea̰ mba kar rɔko̰ yoo-koso kára kara oso ne dɔ dee’g loo gə́ i a tura ne goo bula lə dee lé el tɔ.

Teḛ-Raga 30:13

Aa oo, deḛ lai gə́ tura dee loo tura goo bula’g lə dee lé né gə́ d’a gə kar ɓa to nee: ŋgan larnda mi gə goo larnda gə́ wɔji dɔ kəi-kubu-si-Ala, ŋgan larnda lé a to né gə́ d’a kɔr mba kar Njesigənea̰.

Teḛ-Raga 38:27

Larnda gə́ deḛ léḛ ra ne bəgərə gel kəi-kubu-si-Ala gə bəgərə gel pal-kubu gaŋg mee kəi-kubu-si-Ala as nékwɔji kwɔi-lə-né tɔl-dɔg-loo munda (3.000): yee ɓa bəgərəjə gə́ tɔl lé deḛ ra dee gə larnda as nékwɔji kwɔi-lə-né tɔl-dɔg-loo munda (3.000) ya, bèe ɓa larnda as nékwɔji kwɔi-lə-né rɔ-munda ndá wɔji dɔ bəgərə kára kára ya tɔ.

Bula lə Israɛlje 1:2

Seḭ gə Aaro̰ lé ar deeje tura koso-dəwje lə Israɛlje lai gə goo njémeekəije lə dee ləm, gə goo gel-bɔje lə dee ləm tɔ, ar deeje tura diŋgamje lai gə ri dee ri dee,

Bula lə Israɛlje 1:3

un kudee dɔ deḛ gə́ ra ləb rɔ-joo gə́ tar ləm gə d’a to njé gə́ Israɛl gə́ d’askəm kaw loo rɔ’g ləm tɔ. Seḭ a tura deeje gə goo kudu njérɔje lə dee lə dee.

Bula lə Israɛlje 1:46

to dəwje tɔl-dɔg-loo-tɔl-misa̰ giree-munda gə dɔ dee tɔl-mi gə rɔ-mi (603.550).

Bula lə Israɛlje 2:32

Deḛ nja ɓa to Israɛlje gə́ deḛ tura bula lə dee, gə goo kəije lə bɔ deeje-je lé. Deḛ lai gə́ tura bula lə dee, gə́ d’isi gə kudu dee kudu dee, gə goo kudu njérɔje lə dee lé d’aḭ dəwje tɔl-dɔg-loo-tɔl-misa̰ giree-munda gə dɔ dee tɔl-mi gə rɔ-mi (603.550).

Bula lə Israɛlje 26:2

Ar dee tura bula lə koso-dəwje gə́ to Israɛlje lai, un kudee dɔ deḛ gə́ ra ləb rɔ-joo gə́ tar gə goo njénojije lə dee lə dee, gə́ to Israɛlje lai gə́ d’as kaw ta rɔ’g lé.

Bula lə Israɛlje 26:51

To deḛje nee ɓa gə́ tura bula lə dee mbuna Israɛlje’g ya: deḛ lai d’as dəwje tɔl-dɔg-loo-tɔl-misa̰ giree-kára gə dɔ dee tɔl-siri gə rɔ-munda (601.730).

Matiyo 17:24

Loo gə́ deḛ teḛ Kapernawum ndá deḛ gə́ taa lar-gədɓee gə́ kəm ŋgan larnda joo-joo lé dar Piɛrə bus dəjee pana: See ɓéije a kuga lar-gədɓee gə́ kəm ŋgan larnda joo-joo lé el wa.