Teḛ-Raga 38:18 - Maktub gə́ To gə Kəmee

¹⁸ Pal-kubu gə́ tarəwkɔg’d lé to yee gə́ d’ɔs gə kúla gə́ ndul piro-piro gə kas gəḭ gə kas njir-njir ləm, gə kubu gə́ ra gə kúla palégal gə́ sorè ləm tɔ, ŋgalee as kəmkil dəw rɔ-joo ləm, dəree gə́ tar as kəmkil dəw mi ləm tɔ. Dəree neelé asəna kára ba gə tad pal-kubu lə ndògo neelé ya,

Teḛ-Raga 38:18 ပူးပေါင်းရင်းမြစ်များ

2 Sôrta Gḭka Israɛlje 3:14

Deḛ ra kubu gaŋg ne mee kəi gə́ to bədələ ləm, gə ndul piro-piro ləma, gə kas njir-njir ləm tɔ, kubu neelé d’ṵji gə kúla palégal ndá deḛ ndaji Nékundaje gə́ dara lé keneŋ tɔ.

Teḛ-Raga 26:1

Kəi-kubu-si-Ala d’a ra gə pal-kubuje dɔg gə́ d’ṵji gə kúla palégal gə́ sorè ləm, gə kubu gə́ ndiri ndul piro-piro gə kas gəḭ gə kas njir-njir ləm tɔ, d’a ndaji Nékundaje gə́ dara gə́ tɔs dee gə ŋgaŋgee béréré-béréré keneŋ tɔ.

Teḛ-Raga 26:36

D’a ra pal-kubu mba kila ta kəi-kubu-si-Ala’g ndá d’a ra gə kubu gə́ ndul piro-piro gə kas gəḭ gə kas njir-njir ləm, gə kúla palégal gə́ sorè lé ləm tɔ, a to kubu gə́ d’ɔs gə́ kɔs ya béréré-béréré.

Teḛ-Raga 38:17

Bəgərə-gel gaji kagje lé deḛ ra gə lar gə́ kas ləm, nékwa-né-ta-na̰’dje lə gaji kagje lé gə nétuga-né-tana̰’dje gə́ wɔji dɔ dee lé deḛ ra gə larnda ləma, deḛ d’ɔr dɔ gaji kagje gə́ tar lé gə larnda ləm tɔ. Gaji kagje lai gə́ wɔji dɔ gad ndògo gə́ neelé deḛ tɔ dee na̰’d gə nétuga-né-ta-na̰’dje gə́ ra gə larnda lé ya.

Teḛ-Raga 38:19

gaji kagje sɔ gə́ wɔji dəa, gə bəgərə-gel deeje sɔ gə́ wɔji dɔ dee ləm tɔ lé deḛ ra gə lar gə́ kas ləm, nékwa-né-ta-na̰’dje gə nétuga-né-tana̰’dje gə́ wɔji dɔ dee to gə́ larnda ləma, gə dɔ gaji kagje gə́ tar lé d’ɔr gə larnda ləm tɔ.