Teḛ-Raga 37:1 - Maktub gə́ To gə Kəmee

¹ Besalel ra sa̰duk gə kag-akasia, ŋgalee as kəmkil dəw joo gə gesee ləm, tadee as kəmkil dəw kára gə gesee ləma, dəree as kəmkil dəw kára gə gesee ləm tɔ.

Teḛ-Raga 37:1 ပူးပေါင်းရင်းမြစ်များ

1 Sôrta Gḭka-Israɛlje 2:20

Hur oji Uri ndá Uri oji Besalel,

Teḛ-Raga 26:33

D’a kila pal-kubu neelé gel nétuga-né-ta-na̰’dje gə́ ra gə larlɔr ndá loo gə́ mee ŋgon kəi gə́ gaŋg gə pal-kubu lé d’a kar dee d’andə gə sa̰duk kɔrgoota lé keneŋ. Pal-kubu neelé a to mba gaŋg ne mee kəi mba kai ne loo gə́ to gə kəmee ɓəd ləm, gə loo gə́ to gə kəmee doi ɓəd ləm tɔ.

Teḛ-Raga 31:7

kəi-kubu-kiŋga-na̰ gə́ to gə kəmee ləm, gə sa̰duk kɔrgoota ləm, gə kidata sa̰duk gə́ to təa’g lé ləma, gə nékulaje lai gə́ wɔji dɔ kəi-kubu lé ləm tɔ,

Teḛ-Raga 37:2

Yeḛ ɔr giree ləm gə mée ləm gə larlɔr gə́ àr ŋgad-ŋgad ya, tɔɓəi yeḛ ɔr ŋgəŋəree gə larlɔr gugu ne dəa sub ləm tɔ.

Teḛ-Raga 40:3

D’a kunda sa̰duk ka̰ kɔrgoota keneŋ ləm, d’a kila pal-kubu-gaŋg-mee-kəi nea̰’g ləm tɔ.

Tel tura Godndu 10:3

Ma m’ra sa̰duk gə kag-akasia ləm, m’tɔl bəgərə mbalje joo to gə́ njé gə́ kédé ləma, m’wa dee jim’g m’aw ne dɔ mbal’g ləm tɔ.

Ǝbrəje 9:4

ndá loo-tuu-né gə́ ra gə larlɔr mba tuu ne néje gə́ ə̰də sululu dɔ’g to keneŋ ləm, sa̰duk-manrɔ gə́ d’ɔr giree lai gə larlɔr to keneŋ ləm tɔ. Jo gə́ léḛ gə larlɔr gə́ d’ɔm muru gə́ ḭ dara mée’g lé to mee sa̰duk’g ləm, kag-tɔs lə Aaro̰ gə́ idi to keneŋ ləma, bəgərə mbalje gə́ ndaŋg ta manrɔ dɔ’g to keneŋ ləm tɔ.