Teḛ-Raga 36:3 - Maktub gə́ To gə Kəmee

³ Nékarnojije gə́ Israɛlje ree ne mba ra ne kula gə́ wɔji dɔ kəi-kubu-si-Ala lé deḛ taa ji Moyis’g. Teḛ gə ndɔ gə ndɔje kára-kára lai lé dəwje ree gə nékarnojije gə́ d’ḭ ne gə meḛ dee d’ar Moyis.

Teḛ-Raga 36:3 ပူးပေါင်းရင်းမြစ်များ

Pakɔsje 101:8

Teḛ gə ndɔ rad gə ndɔje kára-kára lai lé M’a kar njémeeyèrje lai gə́ mee ɓee’g neelé D’udu guduru ya Ɓó gə mba tuji ne deḛ lai gə́ to njéra né kori-korije Mee ɓee-boo’g lə Njesigənea̰ lé pugudu-pugudu ya.

Pakɔsje 5:3

Mbai ləm, Ala ləm, maji kari sí gèŋ oo ne ndu no̰ ləm! I nja ɓa m’ra tamaji tai’g ya.

Teḛ-Raga 35:27

Mbaije lə koso-dəwje lé d’odo jər onikis, gə jərje gə́ raŋg mba tula dɔ épod’g gə ɓɔl kubu gə́ tɔ kaar dee’g tɔ,

Teḛ-Raga 35:29

Israɛlje lai, diŋgamje gə denéje kara deḛ gə́ meḛ dee ɔs dee ɓɔḭ-ɓɔḭ mba kar dee ra né mbata lə kula gə́ Njesigənea̰ un ne ndia ar dee gə ndu Moyis ya ndá deḛ ree gə nékarnojije lə dee gə́ d’ḭ ne gə meḛ dee d’ar Njesigənea̰ lé tɔ.

Teḛ-Raga 36:2

Moyis ɓar Besalel gə Oholiab gə diŋgamje lai gə́ to njégosokulaje lé deḛ gə́ Njesigənea̰ ar gosonégər to meḛ dee’g ləm, deḛ lai gə́ d’ḭ gə meḛ dee gə mba ra kula neelé ləm tɔ.

Teḛ-Raga 36:4

Togə́bè ɓa diŋgamje lai gə́ to njégosokulaje gə́ ra kulaje ɓəd-ɓəd gə́ wɔji dɔ kəi-kubu-si-Ala d’ya̰ kulaje ɓəd-ɓəd gə́ d’isi ra lé

Gosota-Kəmkàrje 8:15

Mbɔl dɔm-ma ɓa mbaije d’o̰ ne ɓee ləm, Njéko̰ɓeeje d’un ne ndu dee gə dɔ najee ləm tɔ.

Esai 50:4

Mbaidɔmbaije gə́ Njesigənea̰ ulam ta Gə́ kəm karm m’pa Gə mba kam m’gər loo pata M’gəd ne yeḛ gə́ unda ndolè. Teḛ gə ndɔ gə ndɔje kára-kára lai lé Yeḛ ndelm, Yeḛ ar mbim to tag gə mba koo ne ta Gə mba kam m’oo ta To gə́ njékwakiláje d’oo bèe.

Jeremi 21:12

Seḭ gel-bɔje lə Dabid! Njesigənea̰ pa togə́bè pana: Un kudee gə ndɔ rad saar lé Maji kar sí gaŋgje rəwta gə́ gə goo rəbee ləm, Taaje dɔ deḛ gə́ d’ula kəm dee ndòo Ji njekula kəm loo ndòo’g ləm tɔ. Nà oŋg-boo lə neḛ a mbudu ko̰ To gə́ pər bèe Kar dəw gə́ njetɔl pəree godo Mbata néra meeyèrje lə sí lé.

Amɔs 4:5

Ḭjaje nékinjanéməsje lə sí gə́ ka̰ ra oiyo Gə́ əm-tiné to keneŋ ləm, Ilaje mbər nékinjanéməsje gə́ seḭ ḭje ne gə meḛ sí Raje arje ndiil ɓar dɔ’g lé ləm tɔ Mbata yee ɓa gə́ né gə́ seḭ ndigije ya, Seḭ gə́ Israɛlje lé, Mbaidɔmbaije gə́ Njesigənea̰ ɓa pa bèe.