Teḛ-Raga 32:7 - Maktub gə́ To gə Kəmee

⁷ Ndá Njesigənea̰ ula Moyis pana: Ḭta, risi ur naŋg: mbata koso-dəwje ləi gə́ i ar dee d’unda loo mee ɓee gə́ Ejiptə teḛ lé deḛ tuji rɔ dee mba̰ ya.

Teḛ-Raga 32:7 ပူးပေါင်းရင်းမြစ်များ

2 Sôrta Gḭka Israɛlje 27:2

Yeḛ ra né gə́ danasur kəm Njesigənea̰’g aree aw na̰’d béréré gə né gə́ bɔbeeje Ojias ra ya tɔ. Nɛ né kára ba lé yeḛ ila gɔlee kəi’g lə Njesigənea̰ el. Lée togə́bè kara dəwje nai dan néraje gə́ yèr’g gə́ kédé-kédé ya ɓəi.

Pakɔsje 78:36

Nɛ deḛ su kəmee gə ta dee ləm, Deḛ d’ulá taŋgɔm ya ləm tɔ.

Teḛ-Raga 19:24

Njesigənea̰ ulá pana: Risi ur naŋg ya, gée gə́ gogo seḭ gə Aaro̰ a kubaje dɔ mbal lé na̰’d, nɛ njékinjanéməsje gə koso-dəwje lé maji kar dee nar na̰ loo ɓa gə mba teḛ rɔ Njesigənea̰’g el nà banelə yeḛ a tɔl dee ya.

Teḛ-Raga 32:1

Loo gə́ Koso-dəwje d’oo to gə́ Moyis ḭ dɔ mbal’g tel ree kalaŋ el ndá deḛ mbo̰ dɔ na̰ rɔ Aaro̰’g d’ulá pana: Ḭta, aw ra magə ar sí mba karee njaa no̰ sí’g mbata Moyis nee gə́ ar sí j’unda loo mee ɓee gə́ Ejiptə n’teḛje lé jeḛ n’gərje né gə́ teḛ dəa’g el.

Teḛ-Raga 32:11

Moyis ra ndòo rɔ Njesigənea̰ Ala’g ləa pana: Ǝi Njesigənea̰, see ban ɓa oŋg ləi a kḭ səi jugugu dɔ koso-dəwje’g ləi, deḛ gə́ i ar dee d’unda loo mee ɓee gə́ Ejiptə teḛ lé gə goo siŋgamoŋ ləi ləm, gə goo ji siŋgamoŋ ləi gə́ ɓar mèr-mèr ləm tɔ lé wa.

Teḛ-Raga 32:4

Yeḛ taa néje neelé ji dee’g ndá ɔm mee ku-bɔrɔ-lèn-né’g aree léḛ ndaji gə́ ŋgon maŋg. Bèe ɓa deḛ pana: Yen Israɛlje! Aa ooje, magə lə sí gə́ ar sí undaje loo mee ɓee gə́ Ejiptə teḛje lé ɓa aa’n.

Teḛ-Raga 33:1

Njesigənea̰ ula Moyis pana: Ḭje loo gə́ nee’g, awje, seḭ gə dəwje gə́ i ar dee d’unda loo mee ɓee gə́ Ejiptə teḛ lé, awje par gə́ dɔ naŋg gə́ ma m’un ndum mba kar Abrakam, gə Isaak, gə Jakob lé m’pana: M’a karee to ka̰ ŋgaka deeje lé ya.

Esai 1:4

Meeko̰ a koso dɔ sí-seḭ Ginkoji dəwje gə́ njékaiyaje, Seḭ gə́ toje koso-dəwje Gə́ njéra né kori-korije ləm, Gə́ ŋgaka njémeeyèrje ləma, Gə́ ŋganje gə́ njéra némajelje ləm tɔ! Seḭ ubaje Njesigənea̰ yá̰je ləm, Seḭ ə̰jije Njemeenda lə Israɛlje bəḭ-bəḭ ləma, Seḭ telje gir sí ilaje areeje ləm tɔ.

Loo gə́ killa rea kəm Daniel’g 9:24

Deḛ d’wɔji mee ndəaje gə́ siri-siri Gɔl rɔ-siri dɔ koso-dəwje’g ləm, Gə dɔ ɓee-boo’g ləm gə́ to gə kəmee ləm tɔ Mba kar dee d’əw rɔ dee kalta ta godndu’g Gə kunda ŋgaŋ kaiya ra dee ləm, Gə mba ra né kɔr ne ta dɔ néra kori-kori’g Kar néra gə́ gə dɔ najee gə́ to gə no̰ lé ree ləm, Gə mba kar némḭdi gə ndərta d’aw ne lée’g béréré ləma, Gə mba tər ubu dɔ Njemeenda lə njémeendaje’g lé ləm tɔ.

Ojee 9:9

Deḛ d’ur dan néra gə́ majel’g mbidi To gə́ deḛ ra ne mee ndəa gə́ mee ɓee gə́ Gibea’g bèe. Njesigənea̰ a kar mée olé dɔ néra kori-korije’g lə dee ləm, Yeḛ a kar bo̰ néra kaiyaje lə dee ɔs ta dee’g ləm tɔ.

Tel tura Godndu 31:29

Mbata ma m’gər gao loo gə́ m’wəi mba̰ ndá seḭ a gə kosoje dan kaiyaje’g ləm, seḭ a gə kya̰je goo rəw gə́ ma m’wɔji sí lé ləm tɔ, ŋga némajelje d’a teḛ dɔ sí’g loo gə́ seḭ a raje né gə́ majel kəm Njesigənea̰’g saar mba kar mée ea̰ ne dɔ kula’d gə́ seḭ raje lé.

Tel tura Godndu 32:5

Ɓó lé deḛ d’oso dan kaiya’g ndá To ta ləa-yeḛ el Rɔkul neelé to ka̰ ŋganeeje Deḛ to gə́ ginkoji dəwje Gə́ njékaw kori-korije Gə njéndɔji pɔdɔdɔje.

Tel tura Godndu 4:16

nà banelə seḭ a tujije ne rɔ sí bura gə mbata lə néndaji gə́ seḭ a tɔleeje kṵdáje gə́ magə kaareeje to tana gə diŋgam əsé gə dené ləm,

Tel tura Godndu 9:12

Njesigənea̰ ulam togə́bè pana: Ḭta risi kalaŋ ur naŋg, mbata koso-dəwje ləi gə́ i ar dee d’unda loo Ejiptə teḛ lé ra né gə́ mina̰. Deḛ d’ḭ kalaŋ d’uba rəw gə́ ma m’tɔji dee lé d’ya̰ ndá, deḛ léḛ larlɔr ndaji ne magə.

Tel tura Godndu 9:8

Kaar mbal gə́ Orɛb’g lé seḭ ɔsje kudu oŋg lə Njesigənea̰ keneŋ, oŋg ḭ gə Njesigənea̰ pu aree ə̰ji mée’g gə mba tuji sí ne.

Njéga̰g-Rəwtaje 2:19

Nɛ goo kwəi’g lə njegaŋ-rəwta lé deḛ tel d’ar rɔ dee mina̰ gɔl kára ya tɔɓəi d’aree ur dɔ ka̰ bɔ deeje-je gə́ d’aw ne goo magəje’g mba pole dee ləm, d’unda ne barmba no̰ dee’g ləm tɔ, tɔɓəi deḛ d’aar njaŋg dɔ panjaa dee’g ləm, gə dɔ meendər’g lə dee ləm tɔ.