Teḛ-Raga 32:5 - Maktub gə́ To gə Kəmee

⁵ Loo gə́ Aaro̰ oo togə́bè ndá yeḛ ra loo-nékinjaməs no̰ magə’g neelé tɔɓəi yeḛ pata gə ndia gə́ boi wəl pana: Bèlè lé a to ndɔ ra naḭ gə́ wɔji dɔ Njesigənea̰.

Teḛ-Raga 32:5 ပူးပေါင်းရင်းမြစ်များ

1 Mbaije 21:9

Aa ooje, taje gə́ yeḛ ndaŋg mee maktubje’g ləa lé ɓa nee: Ilaje mbər kɔg-mee-ɓoo ndá undaje Nabot gə́ ŋgaw ta koso-dəwje.

2 Mbaije 10:20

Jehu un ndia pana: Ilaje mbər ra naḭ gə́ boo gə mba kula ne rɔnduba dɔ magə-Baal’g. Bèe ɓa deḛ d’ila mberee ya tɔ.

2 Mbaije 16:11

Uri, njekinjanéməs unda loo-nékinjaməs neelé aree asəna béréré gə goo kwɔjee gə́ mbai Akas ar dee d’ḭ ne Damas lé. Togə́bè Uri, njekinjanéməs ra loo-nékinjaməs kédé ɓa mbai ḭ Damas tel ree ɓée ɓəi.

2 Sôrta Gḭka Israɛlje 30:5

ndá deḛ d’wɔji meḛ dee’g gə mba kila mberee mee ɓee’d gə́ Israɛl lai un kudee Beer-Seba saar teḛ Dan mba kar dee ree Jerusalem ra naḭ Pag d’ula ne rɔnduba dɔ Njesigənea̰, Ala’g lé lə Israɛlje. Mbata koso-dəwje lé kédé lé ra naḭ Pag to gə́ ndaŋg ne taree lé el.

Teḛ-Raga 10:9

Moyis ilá keneŋ pana: J’a kawje gə ŋgan síje ləm, gə ɓugaje lə sí ləm, gə ŋgan síje gə́ diŋgam gə njé gə́ dené ləma, gə badje lə sí gə maŋgje lə sí ləm tɔ, mbata to naḭ gə́ j’a gə ra mba kɔs ne gaji Njesigənea̰.

Teḛ-Raga 12:14

Seḭ a karje meḛ sí olé dɔ ndɔ’g neelé ndá seḭ a raje ne naḭ gə́ wɔji dɔ Njesigənea̰. Seḭ a raje kaareeje to asəna gə godndu gə́ a to saar-saar gə no̰ mbata lə ŋgaka síje ya.

Teḛ-Raga 17:15

Yen ŋga Moyis ra loo-nékinjaməs unda ria lə Njesigənea̰ ɓa to gə́ nékɔr gelm.

Teḛ-Raga 32:4

Yeḛ taa néje neelé ji dee’g ndá ɔm mee ku-bɔrɔ-lèn-né’g aree léḛ ndaji gə́ ŋgon maŋg. Bèe ɓa deḛ pana: Yen Israɛlje! Aa ooje, magə lə sí gə́ ar sí undaje loo mee ɓee gə́ Ejiptə teḛje lé ɓa aa’n.

Teḛ-Raga 32:6

Bèlè loo-karee lé, deḛ d’ḭta gə ndɔ rad ndá deḛ d’inja nékinjaməs gə́ ka̰ roo ləm, gə njé gə́ wɔji dɔ kɔm na̰’d ləm tɔ. Koso-dəwje lé d’isi naŋg gə mba sɔ gə kai ɓa gə mba kuba loo kḭ ndam ɓəi.

Ojee 8:11

Eprayimje d’unda loo-nékinjanéməsje Mba ra ne kaiya gə́ kédé-kédé Nɛ loo-nékinjanéməsje neelé Tel sula dee sɔgɔ dan kaiya’g ɓa.

Ojee 8:14

Israɛlje d’ar meḛ dee wəi dɔ yeḛ gə́ njekunda dee’g Ndá deḛ d’unda kəi-mbaije ləm, Judaje kara d’ar ɓee-booje gə́ gə siŋga dee lé D’ḭ dɔ maree’d gə́ kédé-kédé ləm tɔ. Nɛ m’a kar pər roo ɓee-booje lə dee ləm, A roo kəi-mbaije lə dee ləm tɔ.

Ləbije 23:2

karee ula Israɛlje pana: Ndɔ ra naḭje lə Njesigənea̰ gə́ seḭ a kilaje mberee lé a to loo-mbo̰-dɔ-na̰ gə́ to gə kəmee gə mba kwam ne meḛ sí’g. Ndɔ ra naḭje ləm lé ɓa nee:

Ləbije 23:21

Mee ndəa gən lé ya, seḭ a kilaje mbər naḭ neelé ndá seḭ a mbo̰je dɔ na̰ kwamje meḛ sí’g: seḭ a raje kula gə́ seḭ aw raje ta-ta lé el. Yee ɓa to godndu gə́ to gə no̰ mbata lə ŋgaka síje mee looje lai gə́ seḭ a síje keneŋ lé.

Ləbije 23:37

Naḭje neelé ɓa to ka̰ Njesigənea̰, loo-mbo̰-dɔ-na̰je gə́ to gə kəmee gə mba kwam meḛ sí’d gə́ seḭ a kilaje mberee mba kar dee d’inja nékinjanéməsje gə́ ka̰ roo kar Njesigənea̰ ləm, da nékinjanéməsje gə́ ka̰ roo bura ləm, nékarje gə́ to nduji-kó ləm, da nékinjanéməsje ləma, gə nékarje gə́ ka̰ tər naŋg ləm tɔ, né gə́ rara kara gə goo nduree-nduree, mee ndəa gə́ wɔji dəa-dəa ya.

Ləbije 23:4

Ndɔ ra naḭje lə Njesigənea̰ gə́ raŋg, gə́ to loo-mbo̰-dɔ-na̰je gə́ to gə kəmee mba kwam ne meḛ sí’g, gə́ seḭ a kilaje mberee mee ndɔje gə́ wɔji dɔ dee lé ɓa nee:

1 Njé gə́ Kɔrḭtə 5:8

Bèe ndá ar sí n’raje naḭ lə sí gə muru gə́ ka̰ meenda gə kankəmta ɓó n’ra gə né gə́ ar nduji ti gə ka̰ meeyèr gə meekad lé el.

1 Samel 14:35

Sawul unda loo-nékinjaməs ar Njesigənea̰. Yee ɓa to loo-nékinjaməs gə́ dɔtar gə́ yeḛ unda wɔji ne dɔ Njesigənea̰ ya.