Teḛ-Raga 32:4 - Maktub gə́ To gə Kəmee

⁴ Yeḛ taa néje neelé ji dee’g ndá ɔm mee ku-bɔrɔ-lèn-né’g aree léḛ ndaji gə́ ŋgon maŋg. Bèe ɓa deḛ pana: Yen Israɛlje! Aa ooje, magə lə sí gə́ ar sí undaje loo mee ɓee gə́ Ejiptə teḛje lé ɓa aa’n.

Teḛ-Raga 32:4 ပူးပေါင်းရင်းမြစ်များ

1 Mbaije 12:28

Gée’g gogo loo gə́ mbai ə̰ji ta mée’g togə́bè mba̰ ndá yeḛ léḛ larlɔr ar deḛ ndaji ne ŋgan maŋgje joo. Tɔɓəi yeḛ ula koso-dəwje pana: Kaw gə́ seḭ awje Jerusalem lé as bèe ŋga. Seḭ Israɛlje, aa ooje, Ala lə sí gə́ ar sí undaje loo mee ɓee gə́ Ejiptə teḛje lé ɓa to nee ya.

1 Mbaije 12:32

Yeḛ tum gin ra naḭ mee naḭ gə́ njekɔm’g jinaijoo mee ndɔ gə́ njekɔm’g dɔg-giree-mi lə naḭ’g neelé mba karee to asəna gə naḭ gə́ deḛ ra mee ɓee gə́ Juda lé tɔ, tɔɓəi yeḛ inja nékinjanéməsje dɔ loo-nékinjaməs’g. Aa ooje, né gə́ deḛ ra Betel gə mba kar dee d’inja ne nékinjaməs no̰ néndaji ŋgan maŋgje gə́ yeḛ ra dee lé ɓa to nee: Yeḛ unda njékinjanéməsje gə́ wɔji dɔ looje gə́ ndəw gə́ yeḛ unda Betel lé.

2 Mbaije 10:20

Jehu un ndia pana: Ilaje mbər ra naḭ gə́ boo gə mba kula ne rɔnduba dɔ magə-Baal’g. Bèe ɓa deḛ d’ila mberee ya tɔ.

2 Mbaije 10:29

Nɛ yeḛ ya̰ goo kaiyaje lə Jeroboam, ŋgolə Nebat gə́ yeḛ ar Israɛlje ra lé el ləm, larlɔr gə́ léḛ ndaji ne ŋgan maŋgje gə́ d’unda dee Betel gə Dan lé kara yeḛ uba dee ya̰ dee el ləm tɔ.

2 Sôrta Gḭka Israɛlje 11:15

Jeroboam unda njékinjanéməsje mbata lə dɔ looje gə́ ndəw ləm, gə mbata néndaji bàl bya̰je, gə ŋgan maŋgje gə́ yeḛ ra dee lé ləm tɔ.

2 Sôrta Gḭka Israɛlje 13:8

Ndá ɓasinè, seḭ ə̰jije meḛ sí’g gə mba kun baŋga dɔ ɓeeko̰’g lə Njesigənea̰ gə́ to ji ŋgalə Dabid’g, mbata seḭ toje dəwje gə́ bulaje digi-digi ləm, mbata seḭ awje gə néndaji ŋgan maŋgje gə́ to larlɔr gə́ Jeroboam ra gə́ magəje ar sí lé ləm tɔ.

Nehemi 9:18

Loo gə́ deḛ léḛ lar ndaji ne ŋgon maŋg Pa ne pana: To Ala lə neḛje Gə́ ar neḛje n’undaje loo mee ɓee gə́ Ejiptə teḛje lé Deḛ ra néje gə́ yèr d’ila ne boo-rɔkul dɔi’g ya.

Teḛ-Raga 20:2

Ma m’to Njesigənea̰ Ala lə sí gə́ m’ar sí undaje loo mee ɓee gə́ Ejiptə teḛje mee kəi kula ɓər’g lé.

Teḛ-Raga 20:23

Seḭ a raje magəje gə larnda əsé gə larlɔr mba korè deeje dɔm’g joo el, seḭ a raje togə́bè el ya.

Teḛ-Raga 20:4

I a tɔl né ndaji ne magə el, lé néje gə́ tar mee dara’g əsé néje gə́ dɔ naŋg nee əsé néje gə́ dan mán’d gə́ to gel naŋg kara i a ra né ndaji dee ne kára kara bèe el ya.

Teḛ-Raga 28:11

D’a kinja ri Israɛlje gə́ diŋgam dɔ jərje gə́ joo’g lé to gə́ ra ne nétorjije bèe ləm tɔ, d’a ra néməmə dɔ jərje’g lé gə larlɔr gə mba kwa dee ne na̰’d.

Teḛ-Raga 28:9

D’a kodo jər onikis joo ndá d’a kinja ri Israɛlje gə́ diŋgam keneŋ.

Teḛ-Raga 32:1

Loo gə́ Koso-dəwje d’oo to gə́ Moyis ḭ dɔ mbal’g tel ree kalaŋ el ndá deḛ mbo̰ dɔ na̰ rɔ Aaro̰’g d’ulá pana: Ḭta, aw ra magə ar sí mba karee njaa no̰ sí’g mbata Moyis nee gə́ ar sí j’unda loo mee ɓee gə́ Ejiptə n’teḛje lé jeḛ n’gərje né gə́ teḛ dəa’g el.

Teḛ-Raga 32:24

Ma m’ula dee m’pana: Deḛ gə́ né gə́ ra gə larlɔr to rɔ dee’g ndá maji kar dee tɔr d’am! deḛ tɔr d’am ya tɔ, ma m’ɔm pər’d m’aree léḛ ndá teḛ gə́ néndaji ŋgon maŋg lé tɔ.

Teḛ-Raga 32:3

Deḛ lai neelé tɔr mbai ŋgira larlɔrje gə́ to mbi dee’g ndá deḛ ree ne d’ar Aaro̰ tɔ.

Teḛ-Raga 32:35

Njesigənea̰ ar bo̰ néra dəwje neelé ɔs ta dee’g mbata deḛ léḛ néndaji ŋgon maŋg gə́ Aaro̰ ɓa ra ar dee lé.

Teḛ-Raga 32:5

Loo gə́ Aaro̰ oo togə́bè ndá yeḛ ra loo-nékinjaməs no̰ magə’g neelé tɔɓəi yeḛ pata gə ndia gə́ boi wəl pana: Bèlè lé a to ndɔ ra naḭ gə́ wɔji dɔ Njesigənea̰.

Teḛ-Raga 32:7

Ndá Njesigənea̰ ula Moyis pana: Ḭta, risi ur naŋg: mbata koso-dəwje ləi gə́ i ar dee d’unda loo mee ɓee gə́ Ejiptə teḛ lé deḛ tuji rɔ dee mba̰ ya.

Teḛ-Raga 32:8

Deḛ d’ḭ gə tɔg dee d’ya̰ goo rəw gə́ m’wɔji dee lé, tɔɓəi deḛ léḛ né ndaji ne ŋgon maŋg ndá d’unda barmba nea̰’g ləm, deḛ d’inja né gə́ məs d’aree ləm tɔ, deḛ pana: Yen Israɛlje! Aa ooje, Ala lə sí gə́ ar sí undaje loo mee ɓee gə́ Ejiptə teḛje lé ɓa aa’n.

Esai 30:22

Larnda gə́ d’ɔr ne gir magəje lə sí lé Seḭ a kooje gə́ né gə́ mina̰, Larlɔr gə́ d’ula rɔ dee’g lé kara Seḭ a kɔmje kɔrɔ asəna gə né gə́ ndum bèe Paje ne pana: Aar raga!

Esai 46:6

Deḛ tɔr larlɔr gə́ mee ɓɔlje’g lə dee, Deḛ d’wɔji larnda gə nékwɔjee tɔ. Deḛ d’uga ne dɔ ji njelḛ̀ né Gə mba karee rəa gə́ magə. Deḛ d’unda barmba nea̰’g d’wa meḛ dee’g.

Ejekel 23:8

Yeḛ ya̰ goo néra kaiya-dené gə́ yeḛ ḭ ne Ejiptə lé el, mbata deḛ to səa gə ma̰dee ba ləm, deḛ mbudu dɔ kumee ləma, deḛ ndɔree dan néra kaiya-déné’g lé ləm tɔ.

Ojee 10:5

Dəw-mee-ɓeeje gə́ Samari lé Meḛ dee a pélé wəs-wəs dɔ néndaji ŋgan maŋgje-je gə́ léḛ Bet-Aben’g, Koso-dəwje d’a kwa ndòo yoo magəpole lé ləm, Njékinjanéməsje ləa d’a ndəb pəd-pəd gə mbata ləa ləma, Gə mbata lə rɔnduba ləa gə́ a gə sané pa mbuna dee’g lé ləm tɔ.

Ojee 13:2

Ɓasinè lé d’aar njaŋg dɔ kaiya ra dee’g ləm, Deḛ léḛ larnda lə dee gə́ néndajije Ar dee to magəje lə dee gə goo takə̰jije lə dee ləm tɔ. Néje lai neelé to kula ra njégər goso kulaje. Dəwje pata d’wɔji ne dɔ dee pana: Maji kar deḛ gə́ d’inja néməs d’ar dee lé Ton néndaji ŋgan maŋgje gə ndo̰ dee.

Néra Njékaḭkulaje 17:29

Bèe ndá to gə́ jeḛ n’to ŋgan-Alaje lé ndá maji kar sí j’ə̰ji meḛ sí’g m’pana: Ala to asəna gə magə gə́ deḛ ra gə larlɔr əsé gə larnda gə́ deḛ léḛ əsé gə mbal gə́ deḛ tɔl ndaji ne né gə goo takə̰ji əsé goso lə dəwje lé maji kar sí j’ə̰ji bèe el.

Néra Njékaḭkulaje 7:41

Mee ndəa’g neelé deḛ léḛ né ndaji ne ŋgon maŋg ndá d’inja néməs d’ar magə lé ləm, d’al rɔ dee wɔji dɔ né gə́ deḛ ra gə ji dee lé ya ləm tɔ.

1 Njé gə́ Kɔrḭtə 10:7

Maji kar sí toje njépole-magəje to gə́ njé gə́ na̰je gə́ mbuna dee’g lé el. To gə́ deḛ ndaŋg mee maktub’g pana: Koso-dəwje d’isi naŋg gə mba sɔ gə kai ɓa gə mba kuba loo kḭ ndam ɓəi.

Tel tura Godndu 9:16

Ndá ma m’oo to gə́ seḭ raje kaiya ɔsje ne Ala lə sí gə́ Njesigənea̰ rəw, seḭ lḛ̀je larlɔr ndajije ne ŋgon maŋg ndá, seḭ ubaje ne rəw gə́ Njesigənea̰ tɔji sí lé gə́ léegəneeya ya̰je.

Njéga̰g-Rəwtaje 8:24

Gedeo̰ ula dee pana: M’aw gə ta kára mba dəji sí. Maji kar nana kara mbuna sí’g am ŋgama kára-kára gə́ seḭ taaje gə́ nébanrɔ lé. Njéba̰je lə dee lé d’aw gə ŋgamaje gə́ ra gə larlɔr mbata deḛ to Ismaelje tɔ.

Njéga̰g-Rəwtaje 8:27

Néje gə́ ra gə larlɔr neelé Gedeo̰ ra gə́ magə ndá yeḛ unda dan mee ɓee-boo’g ləa gə́ Opra ndá né neelé tel to magəpole lə Israɛlje lai ya, tɔɓəi yee tel to gum mbata Gedeo̰ gə njémeekəije ləa tɔ.