Teḛ-Raga 32:32 - Maktub gə́ To gə Kəmee

³² Ɓasinè ar məəi oso lemsé dɔ kaiya’g lə dee kɔgərɔ kari ya! Ɓó lé togə́bè el ndá ma m’ra ndòo rɔi’g mba kari tuji rim mee maktub’g ləi gə́ i nja ndaŋg lé.

Teḛ-Raga 32:32 ပူးပေါင်းရင်းမြစ်များ

Pakɔsje 139:16

Loo gə́ m’nai dan məskèm’g ɓəi ndá Kəmi oom ya, Ndɔ simje lai lé i tura ɗém-ɗém Ndaŋ dee ne mee maktub’g ləi mba̰ ɓa Ma m’isi ne kəmba ɓəi.

Pakɔsje 56:8

Deḛ d’ə̰ji ta meḛ dee’g pana: Mbɔl dɔ néra gə́ kori-korije lə neḛje ɓa N’a teḛje ne ta yoo’g: Ǝi Ala, maji kari jura koso-dəwje neelé naŋg gə goo oŋg ləi.

Pakɔsje 69:28

Maji kari ila néra gə́ kori-kori dɔ maree’g lə dee ar dee Ɓó gə mba kar dee d’iŋga dəb loo meekɔrjol ləi el.

Teḛ-Raga 32:10

Ɓasinè ya̰’m, oŋg ləm a kḭ səm dɔ dee’g jugugu ndá m’a tuji dee mbad ya, nɛ i lé m’a teli kari to gə́ ginkoji dəwje gə́ boo ya.

Esai 4:3

Bèe ɓa ges njé gə́ Sio̰ gə ges njé gə́ Jerusalem Gə́ nai d’a ɓar dee njémeendaje, To nana ɓa gə́ Njesigənea̰ ndaŋg ria Mbuna deḛ gə́ d’isi kəmba Jerusalem lé.

Ejekel 13:9

N’a rɔ gə njéteggintaje gə ji neḛ, deḛ gə́ némḭdije lə dee to néje gə́ gə mḭdé-mḭdé ba ləm, ginta tegje lə dee to taŋgɔmje ləm tɔ, d’a godo loo-mbo̰-dɔ-na̰’g lə koso-dəwje lə neḛ ləm, d’a ndaŋg ri dee mee maktub’g lə gel-bɔje lə Israɛl el ləma, d’a kandə mee ɓee gə́ Israɛl el ləm tɔ. Yee ɓa seḭ a gərje ne to gə́ neḛ n’to Mbaidɔmbaije gə́ Njesigənea̰ lé.

Loo gə́ killa rea kəm Daniel’g 12:1

Mee ndəa’g neelé Mikaɛl, mbai gə́ boi gə́ to njetaa dɔ dəwje ləi a kḭ tar. A to ndɔ néɓəŋgərəti ya. Un kudee mee ndɔ tum ginkoji dəwje gə raŋg’g saar ndəa’g neelé dəw oo gar néɓəŋgərəti gə́ togə́bè lé el. Mee ndəa’g neelé dəwje ləi gə́ ndaŋg ri dee mee maktub’g ɓa d’a kaji ya.

Amɔs 7:2

Loo gə́ deḛ d’o̰ muje gə́ dɔ naŋg’d nee lai-lai lé ma m’pa pana: Mbaidɔmbaije gə́ Njesigənea̰, m’ra ndòo rɔi’g, ar məəi oso lemsé ɓòo ŋgaka Jakobje d’a si kəmba to gə́ ban wa. Mbata siŋga dee as el.

Malasi 3:16

Gelee gə́ ne ɓa deḛ gə́ ɓəl Njesigənea̰ lé d’ula na̰ ta gə́ yo gə́ nee. Njesigənea̰ lé tuga mbia oo ne ta lə dee ndá deḛ ndaŋg maktub gə́ ka̰ kolé mee Njesigənea̰ nea̰’g mbata lə deḛ gə́ ɓəl Njesigənea̰ ləm, d’ila riɓar dɔ ria’g ləm tɔ.

Malasi 3:17

Njesigənea̰ gə́ njeboo-néje lé pana: D’a to koso-dəwje gə́ to ka̰ ma ya mee ndəa gə́ m’wa dɔ gɔlee’g lé. M’a koo kəmtondoo lə dee to gə́ dəw oo ne kəmtondoo lə ŋgonee gə́ ra né aree bèe.

Bula lə Israɛlje 11:15

Ɓó lé pia ɓa kən ndá ma m’ra ndòo rɔi’g, ɓó lé ma m’taa kəmi ndá maji kari tɔlm gə́ tɔl ya ɓó am m’oo némeeko̰ gə́ togə́bè lé el.

Bula lə Israɛlje 11:25

Njesigənea̰ teḛ dan mum’g wɔji ta gə Moyis. Yeḛ kai ndil gə́ to dəa’g lé ɔm dɔ ŋgatɔgje gə́ rɔ-siri’g lé. Loo gə́ ndil ree aar dɔ dee’g ndá léegəneeya d’ḭ tegginta, nɛ teg ɓa deḛ tegginta gə́ kédé-kédé el.

Bula lə Israɛlje 14:19

Ar məəi ti mbidi dɔ néra kori-kori’g lə dəwje neelé gə goo boo-meekɔrjol ləi, to gə́ i ar məəi ti ne mbidi dɔ koso-dəwje’g neelé un kudee ɓee gə́ Ejiptə saar teḛ ne loo gə́ nee’g ya.

Lugu 10:20

Lé bèe kara raje rɔlel gə mba ndilje gə́ yèr gə́ d’oso kul no̰ sí’g lé el, nɛ raje rɔlel mbata ri sí gə́ deḛ ndaŋg mee ɓee gə́ dara lé ɓa.

Lugu 23:34

Jeju pana: Bɔm, ar məəi oso lemsé dɔ dee’g mbata né gə́ deḛ ra lé deḛ gər rəbee el. Tɔɓəi deḛ kai na̰ kubuje ləa d’ɔs ne mbarè.

Njé gə́ Rɔmə 9:3

Ma m’ndigi kar dɔm udu ləm, ma m’ndigi kar Kristi ya̰’m gə no̰ ləm tɔ gə mba ŋgakɔmje gə njénojije ləm gə́ gin darɔ’g,

Tel tura Godndu 25:19

Loo gə́ Ala lə sí gə́ Njesigənea̰ a kɔr sí ji njéba̰je’g lə sí gə́ gugu dɔ sí sub ɓa ar sí waje rɔ sí mee ɓee gə́ Ala lə sí gə́ Njesigənea̰ ar sí gə́ nédɔji lə sí gə́ to né ka̰ sí ndá seḭ a tujije riɓar lə Amalekje dɔ naŋg nee pugudu ya, arje meḛ sí wəi dɔ’g el.

Tel tura Godndu 29:20

Njesigənea̰ a kɔr kəmee kundá ɓəd mbuna ginkoji Israɛlje’g lai kar némeeko̰ teḛ dəa’g gə goo ta ndɔlje lai gə́ ka̰ manrɔ gə́ ndaŋg taree mee maktub godndu’g lé ya.

Tel tura Godndu 9:14

Ya̰’m am m’tuji dee ləm, gə am m’ɔr ri dee dɔ naŋg nee ləm tɔ, ndá ma kari to ginkoji dəwje gə́ siŋga dee a to yaa̰ ləm gə d’a bula kunda dee-deḛ ləm tɔ.

Njé gə́ Pilibə 4:3

I majikoji gə́ to gə́ njeboakula ləm lé kara ma m’ra ndòo rɔi’g mba kari la gə denéje neelé dɔ né gə́ ndée ra dee, mbata loo-rɔ gə́ ma m’rɔ mba kar Tagə́maji aw ne gə́ kédé-kédé lé deḛ nja d’orəm-ma gə Klema̰ gə njéboakulaje ləm gə́ raŋg gə́ ri dee to mee maktub gə́ ka̰ sí gə kəmə lé més ya.

Loo gə́ killa rea kəm Ja̰’g 17:8

Da gə́ m’ée kédé lé ɓasinè yeḛ godo mba̰. Yeḛ a gə kḭ bwa gə́ suna godo ndá a kaw gə́ loo gə́ tuji pugudu’g. Dəwje gə́ dɔ naŋg nee gə́ ndaŋg ri dee mee maktub kəmə’g un kudee mee ndəa gə́ tum ne gin naŋg saar lé el ndá kaar dee a kwa dee paḭ loo gə́ deḛ d’oo da lé mbata yeḛ si gən nɛ yeḛ sané pa tɔɓəi nai dəb ndá a tel ree ɓəi.

Loo gə́ killa rea kəm Ja̰’g 21:27

Né gə́ rara gə́ to né gə́ mina̰ əsé ram-dəw gə́ ula rəa dan néndɔlje’g əsé dan néŋgɔmje’g lé d’a kandə mee ɓee’g neelé el. Deḛ gə́ ri dee to mee maktub kəmə’g lə Ŋgonbad lé ɓa d’a kandə keneŋ ya.

Loo gə́ killa rea kəm Ja̰’g 22:19

Ɓó lé nana ɓa tuji ta gə́ a gə teḛ gə goo ta gə́ to mee maktub’g neelé ndá Ala a kɔgee dɔ kandə kag kəmə’g neelé gə́ wɔji dəa ləm, a kɔgee loo-siée mee ɓee gə́ to gə kəmee gə́ d’ɔr goo taree mee maktub’g neelé ya ləm tɔ.

Loo gə́ killa rea kəm Ja̰’g 3:5

Yeḛ gə́ a kun baŋga ndá m’a kula kubu gə́ nda rəa’g. M’a tuji ria mee maktub kəmə’g lé nda̰ el ləm, m’a teḛ gə ria gə́ raga no̰ Bɔm’g gə no̰ kuraje ləa gə́ dara ləm tɔ.