Teḛ-Raga 32:3 - Maktub gə́ To gə Kəmee

³ Deḛ lai neelé tɔr mbai ŋgira larlɔrje gə́ to mbi dee’g ndá deḛ ree ne d’ar Aaro̰ tɔ.

Teḛ-Raga 32:3 ပူးပေါင်းရင်းမြစ်များ

Gḭ-Néje 24:22

Loo gə́ jambalje d’ai mán mba̰ ndá dəw neelé un ŋgama larlɔr gə́ kwɔi ləa as ŋgan nékwɔji kwɔi-lə-né dɔg ləm, odo nḭgá larlɔrje joo gə́ kwɔi lə dee unda ŋgan nékwɔji kwɔi-lə-né tɔl-tɔl ləm tɔ.

Gḭ-Néje 35:4

Deḛ d’odo magəje gə́ dɔ ɓee’g lai gə́ to ji dee’g ləm, gə mbaiŋgiraje gə́ to mbi dee’g ləm tɔ d’ar Jakob. Ndá Jakob iya dee gel kag gə́ ɓaree térébḭtə gə́ to mbɔr Sikem’g dəb.

Teḛ-Raga 32:2

Aaro̰ ula dee pana: Tɔrje mbai ŋgira larlɔrje gə́ to mbi denéje’g lə sí ləm, gə mbi ŋgan síje gə́ diŋgam gə njé gə́ dené’g ləm tɔ lé reeje ne amje.

Teḛ-Raga 32:4

Yeḛ taa néje neelé ji dee’g ndá ɔm mee ku-bɔrɔ-lèn-né’g aree léḛ ndaji gə́ ŋgon maŋg. Bèe ɓa deḛ pana: Yen Israɛlje! Aa ooje, magə lə sí gə́ ar sí undaje loo mee ɓee gə́ Ejiptə teḛje lé ɓa aa’n.

Teḛ-Raga 33:6

Israɛlje lé loo gə́ d’ḭ dɔ mbal gə́ Oreb d’isi d’aw ndá deḛ tɔr néra basaje gə néra ma̰dje gə́ rɔ dee’g ya.

Esai 3:19

Gə mbaiŋgiraje, gə niŋgaje gə́ ji dee’g, Gə kubuje gə́ ka̰ konkəm dee ləm,

Esai 46:6

Deḛ tɔr larlɔr gə́ mee ɓɔlje’g lə dee, Deḛ d’wɔji larnda gə nékwɔjee tɔ. Deḛ d’uga ne dɔ ji njelḛ̀ né Gə mba karee rəa gə́ magə. Deḛ d’unda barmba nea̰’g d’wa meḛ dee’g.

Jeremi 10:9

Deḛ d’ḭ gə larnda gə́ d’unda gə mo̰ Ɓee gə́ Tarsis ləm, Gə larlɔr gə́ Upaj ləm tɔ ɓa ree ne. Njékulaje gə njégər goso kula larje ɓa Ra kula keneŋ gə ji dee, Kubu kula rɔ magəje neelé To kubuje gə́ deḛ ndiri gə́ ndul piro-piro ləm, Gə kas njir-njir ləm tɔ. Néje lai neelé to kula gə́ njégərgoseje Ɓa ra gə ji dee.