Teḛ-Raga 32:26 - Maktub gə́ To gə Kəmee

²⁶ Togə́bè ɓa Moyis ḭ aw aar gə́ ta loo-si dee’g pana: seḭ gə́ toje ka̰ Njesigənea̰ ya gəd-gəd tɔgərɔ ndá teḛje gə́ rɔm’g nee! Ndá deḛ gə́ to Ləbije lai lé deḛ mbo̰ na̰ rəa’g tɔ.

Teḛ-Raga 32:26 ပူးပေါင်းရင်းမြစ်များ

2 Samel 20:11

Dəw kára mbuna njérɔje’g lə Joab gə́ nai mbɔr Amasa’g dəb lé pana: See na̰ ɓa ndigi Joab wa. See na̰ ɓa to ka̰ Dabid wa. Maji karee aw goo Joab’g!

2 Mbaije 9:32

Jehu un kəmee gə́ tar aa loo gə́ kəmbolè’g ndá dəjee pana: See na̰ ɓa a kɔm səm na̰’d wa. See to nawa. Njékaa dɔ kəije joo əsé munda jén bèe ree d’aa loo kəmbolè’g d’ée.

Pakɔsje 94:16

See na̰ ɓa a kuba naŋg kḭ mbata ləm Mba koma̰ gə njémeeyèrje lé wa, Esé see na̰ ɓa a korè dɔm Koma̰ ne gə njéra némajelje lé ɓəi wa.

Teḛ-Raga 32:25

Moyis oo to gə́ dəwje neelé d’aw kori-kori ləm, oo to gə́ Aaro̰ ndɔr dee dan néraje gə́ kori-kori’g ar dee tel to gə́ nérɔkul kəm njéba̰je’g lə dee ləm tɔ.

Teḛ-Raga 32:27

Yeḛ ula dee pana: Njesigənea̰, Ala lə Israɛlje pa bèe pana: Seḭje lé maji kar nana kara un kiambas ləa tɔ rḛgee’g, ndá uruje mee ɓee’g loo-si sí’g mba ta̰d mbuna looje’g pḛ́-pḛ́ un kudee dɔ rəw gə́ ta loo-si sí’d gə́ kára saar teḛ ne yee gə́ raŋg’d ndá nana kara maji karee tɔl ŋgokea̰ əsé baokura ləa, əsé njeboatakəi ləa tɔ.

Matiyo 12:30

Yeḛ gə́ nai səm el ndá yeḛ to njetɔlm. Dəw gə́ mbo̰ dee səm dɔ na̰’d el ndá yeḛ to njejané dee.

Tel tura Godndu 33:9

Ləbije pata lə bɔ deeje gə ko̰ deeje pana: Jeḛ j’oo deeje el! Deḛ d’ɔr kəm ŋgako̰ deeje ləm, Deḛ gər ŋgan deeje el ləm tɔ, Mbata deḛ lé d’aa dɔ taje ləi ləm, D’aa dɔ manrɔ ləi kər-kər ləm tɔ.

Jujé 5:13

Loo gə́ Juje teḛ mbɔr Jeriko’g dəb ndá yeḛ un kəmee gə́ tar oo ne diŋgam kára gə́ aar nea̰’g gə kiambas gə́ yeḛ ɔr sɔlee’g jia’g. Yeḛ aw rəa’g dəjee pana: See i lé to gə́ ka̰ síjeḛ əsé ka̰ njéba̰je lə sí wa.