Teḛ-Raga 32:22 - Maktub gə́ To gə Kəmee

²² Aaro̰ ilá keneŋ pana: Maji kar oŋg lə mbai ləm ḭ səa jugugu el! I nja kara i gər gao, dəwje neelé néra gə́ majel ɓa gə́ né gə́ wa meḛ dee ta-ta ya.

Teḛ-Raga 32:22 ပူးပေါင်းရင်းမြစ်များ

Gḭ-Néje 44:18

Yen ŋga Juda rəm pər gə́ rɔ Jisəb’g ulá pana: Ǝi Mbai ləm, m’ra ndòo rɔi’g mba kari ya̰ loo ar kura ləi pata ari oo ɓó ar oŋg ləi ḭ dɔ kura’g ləi el! Mbata i lé to asəna gə Parao̰ ya.

Pakɔsje 36:4

Taje gə́ teḛ təa’g to taŋgɔm ləm, gə ta sukəmloo ləm tɔ, Yeḛ mbad ra né gə kəmkàr ləm, gə néra gə́ maji lé ləm tɔ.

Teḛ-Raga 14:11

Deḛ d’ula Moyis pana: See loo-dubu-dəwje godo mee ɓee gə́ Ejiptə ɓa i ree sə sí mba kar sí j’wəije dɔdilaloo’g nee wa. See gə mba ɗi ɓa i ra sə sí né togə́bè ar sí j’undaje ne loo mee ɓee gə́ Ejiptə n’teḛje wa.

Teḛ-Raga 15:24

Dəwje lé jém ta d’im ne rɔ dee dɔ Moyis’g pana: See mán ɗi ɓa j’a kai wa.

Teḛ-Raga 16:20

Nɛ deḛ d’udu mbi dee dɔ ta’g lə Moyis, dəwje gə́ na̰je mbuna dee’g d’ya̰ d’unda kul d’ar loo àr dɔ’g ya, nɛ kɔrèje ɔm keneŋ aree ndum oso lud. Ar mee Moyis ḭ səa pu dɔ deḛje’g neelé.

Teḛ-Raga 16:28

Bèe ɓa Njesigənea̰ ula Moyis pana: Mbad gə́ seḭ mbad kaaje dɔ torndum gə godndumje kər-kər lé see ndɔ gə́ ra ɓa a kundaje ŋgaŋgee wa.

Teḛ-Raga 32:1

Loo gə́ Koso-dəwje d’oo to gə́ Moyis ḭ dɔ mbal’g tel ree kalaŋ el ndá deḛ mbo̰ dɔ na̰ rɔ Aaro̰’g d’ulá pana: Ḭta, aw ra magə ar sí mba karee njaa no̰ sí’g mbata Moyis nee gə́ ar sí j’unda loo mee ɓee gə́ Ejiptə n’teḛje lé jeḛ n’gərje né gə́ teḛ dəa’g el.

Teḛ-Raga 32:21

Moyis ula Aaro̰ pana: See ɗi ɓa dəwje neelé ra səi ɓa i ɔr dee ɔm dee ne dan kaiya gə́ boi gə́ bèe wa.

Gosota-Kəmkàrje 4:16

Mbata deḛ toɓi el ya saar njen Ra né gə́ majel ya ɓa, Ɓi oso kəm dee’g el ya saar njen D’ar dəw kára oso ya ɓa tɔ,

Tel tura Godndu 31:27

Mbata ma m’gər sí gə́ njékaltaje gə njégwɔbkelkwɔije gao ya. Ɓó lé seḭ alje ta ɔsje ne Njesigənea̰ rəw loo gə́ m’isi ne kəmba mbuna sí’g ya ɓəi, ŋga ɓəd ɓa loo gə́ m’wəi mba̰ ndá seḭ a raje kaareeje ur dɔ yee gə́ nee el ɓəi wa.

Tel tura Godndu 9:24

Seḭ toje njékɔsta lə Njesigənea̰ rəwje un kudee mee ndəa gə́ ma m’gər sí ne lé ya.

Tel tura Godndu 9:7

Arje meḛ sí olé dɔ né gə́ seḭ raje ɔsje ne oŋg lə Ala lə sí gə́ Njesigənea̰ ilaje dɔ sí’g dɔdilaloo’g lé arje meḛ sí wəi dɔ’g el. Un kudee mee ndəa gə́ seḭ undaje ne loo mee ɓee gə́ Ejiptə teḛje ne loo gə́ nee’g lé seḭ toje njékaltaje ɔsje ne Njesigənea̰ rəw ya.

1 Samel 15:15

Sawul ilá keneŋ pana: Deḛ d’ḭ sə dee ɓee lə Amalekje ɓa ree sə dee mbata njérɔje lé d’ya̰ badje gə́ maji-maji, gə maŋgje gə́ maji-maji gə mba kinja dee gə́ nékinjaməs kar Ala ləi gə́ Njesigənea̰. Nɛ ges dee gə́ nai ɓa jeḛ n’tɔl deeje ya.

1 Samel 15:21

Nɛ njérɔje ɓa d’ɔr badje gə maŋgje mbuna nébanrɔje’g asəna gə ta néje gə́ doŋgɔr mba kinja dee gə́ nékinjaməs kar Njesigənea̰, Ala ləi mee ɓee gə́ Gilgal.

1 Samel 15:24

Yen ŋga Sawul ula Samel pana: Ma m’ra kaiya mbata m’al ta ta godndu Njesigənea̰’g ləm, m’ila koji dɔ taje’g ləi el ləm tɔ. Ma m’ɓəl njérɔje ndá ma m’oo taje lə dee-deḛ ɓa.