Teḛ-Raga 32:17 - Maktub gə́ To gə Kəmee

¹⁷ Juje oo ndu no̰ lə dəwje gə́ ɓar wəl ndá yeḛ ula Moyis pana: Lul rɔ ɓa ɓar loo-si sí’g.

Teḛ-Raga 32:17 ပူးပေါင်းရင်းမြစ်များ

1 Sôrta Gḭka-Israɛlje 7:27

Elisama oji Nun, Nun oji Juje.

Maktub gə́ wɔji dɔ Jɔb 39:25

Loo gə́ ndu to̰to̰ ɓar ndá yee pana: J’awje kəm sí kédé, Loo gə́ rɔ nai əw ɓəi kara yee taa baḭyee pir-pir ləm, Yee oo ɓé-njérɔje gə baŋga njérɔje gə́ ɓar yi-i-i ləm tɔ.

Pakɔsje 47:1

Pa lə Koréje gə́ d’ar bao-pa karee ɔs sə dee lé

Teḛ-Raga 17:9

Togə́bè ɓa Moyis ula Juje pana: Mbər diŋgamje gə́ d’askəm taa dɔ sí kar dee d’aw rɔ gə Amalekje, bèlè ndá m’a kaar dɔ sém mbal gə́ tar tɔɓəi kag-tɔs gə́ ka̰ Ala a to jim’g tɔ.

Teḛ-Raga 24:13

Moyis ḭta, deḛ gə Juje gə́ nje la səa dɔ kula’g lé, ndá Moyis al aw dɔ mbal’g lə Ala.

Teḛ-Raga 32:16

Bəgərə mbalje neelé to kula ra Ala ya ndá ta gə́ ndaŋg keneŋ lé Ala nja gə́ njḛda̰gee tɔ.

Teḛ-Raga 32:18

Moyis ilá keneŋ pana: To ndu njékṵgaŋgaje el ləm, to ndu njé gə́ mar deeje dum dɔ dee el ləm tɔ nɛ né gə́ m’oo lé to ndu njékɔs pa-rɔlelje ɓa.

Teḛ-Raga 32:6

Bèlè loo-karee lé, deḛ d’ḭta gə ndɔ rad ndá deḛ d’inja nékinjaməs gə́ ka̰ roo ləm, gə njé gə́ wɔji dɔ kɔm na̰’d ləm tɔ. Koso-dəwje lé d’isi naŋg gə mba sɔ gə kai ɓa gə mba kuba loo kḭ ndam ɓəi.

Jeremi 51:14

Njesigənea̰ gə́ njeboo-néje Maa̰ rəa gə rəa-yeḛ nja pana: Tɔgərɔ, m’a kar dəwje Taa rɔ sí pəl-pəl to gə́ beedéje bèe Ndá deḛ d’a kur kó-rɔ wəl-wəl dɔ sí’g.

Amɔs 1:14

Mee kàree gə́ lul njérɔje ɓar loo-rɔ’g ləm, Dan lel-mal gə́ ḭ mee ndəa gən ɓir lé bèe ləm tɔ lé N’a kula gə pər dɔ ndògo-bɔrɔ’d gə́ Raba Karee roo kəi-mbaije dula-dula.

Amɔs 2:2

N’a kula gə pər mee ɓee gə́ Moab Karee roo kəi-mbaije gə́ to Kerijot, Moabje lé d’a kwəi loo gə́ d’a kaw dɔ na̰’d pum-pum ləm, Gə dan lul’g lə njérɔje ləma, Gə dan ndu to̰to̰je gə́ ɓar lé ləm tɔ.

Jujé 6:10

Juje un ndia kédé togə́bè ar koso-dəwje neelé pana: Seḭ a lulje el ləm, seḭ a karje ndu sí ɓar kar dəw oo el ləma, seḭ a karje ta kára kara teḛ ta sí’g el ləm tɔ, saar ndəa gə́ m’a kula sí pana: Lulje ɓa. Bèe ɓa seḭ a kɔmje lul ɓəi.

Jujé 6:16

Njekɔm’g gɔl siri lə dee lé loo gə́ njékinjanéməsje d’im to̰to̰ ndá Juje ula koso-dəwje neelé pana: Ɔmje lul mbata Njesigənea̰ ya̰ ɓee-boo neelé ji sí’g mba̰ ya.

Jujé 6:20

Yen ŋga koso-dəwje lé d’ɔm lul rɔ u-u-u ləm, njékinjanéməsje kara d’im to̰to̰ ləm tɔ. Loo gə́ koso-dəwje d’oo ndu to̰to̰ gə́ ɓar ndá deḛ d’ɔm lul rɔ u-u-u gə ndu dee gə́ boi ndá ndògo-bɔrɔ lé təd unda naŋg rib, koso-dəwje lé nana kara andə aw mee ɓee’g dəa gə́ kédé njoroŋ. Deḛ taa ɓee-boo neelé tɔ.

Jujé 6:5

Tɔɓəi loo gə́ d’a kim to̰to̰ gaji badə karee ɓar ləm, loo gə́ seḭ a kooje ndu to̰to̰ gə́ ɓar lé ləm tɔ ndá koso-dəwje lai d’a kɔr ndu dee gə́ tar kɔm lul rɔ u-u-u. Togə́bè ɓa ndògo-bɔrɔ gə́ gugu gir ɓee neelé a kunda naŋg rib ndá koso-dəwje lé nana kara a kandə mee ɓee’g dəa gə́ kédé njoroŋ.

Njéga̰g-Rəwtaje 15:14

Loo gə́ yeḛ teḛ Léi mba̰ ndá Pilistije d’unda bula u-u-u tila ne kəmee. Bèe ɓa Ndil Njesigənea̰ dəb dəa’g ar kulaje gə́ tɔ ne jia lé tel to asəna gə kúla palégal gə́ pər o̰ bèe.

1 Samel 17:20

Dabid ḭta gə ndɔ rad. Yeḛ ya̰ badje ar njeŋgəm dee ɓa odo nékodo ləa ɔd aw to gə́ Isai ulá ne lé. Loo gə́ yeḛ teḛ kəi-si dee’g ndá njérɔje d’isi tɔs rɔ dee gə goo na̰ goo na̰ mba kaw rɔ tɔɓəi kò-rɔ ɓar ta dee’g wəl-wəl tɔ.

1 Samel 17:52

Njérɔje gə́ Israɛl gə Juda d’uru koo njiriri, tuba Pilistije saar teḛ ne mee wəl-loo’g ləm, saar teḛ ne tarəwje’g lə ɓee gə́ Ekro̰ ləm tɔ. Pilistije gə́ d’iŋga doo as yoo dee toso ne naŋg dan rəw’d gə́ aw gə́ Saarayim saar teḛ Gat ləm, gə teḛ Ekro̰ ləm tɔ.