Teḛ-Raga 32:16 - Maktub gə́ To gə Kəmee

¹⁶ Bəgərə mbalje neelé to kula ra Ala ya ndá ta gə́ ndaŋg keneŋ lé Ala nja gə́ njḛda̰gee tɔ.

Teḛ-Raga 32:16 ပူးပေါင်းရင်းမြစ်များ

Maktub gə́ wɔji dɔ Jɔb 19:24

Ma m’ndiŋga rɔm kar dee ndaŋg taree gə siga gə́ ra gə larndul ləm, Gə yee gə́ léḛ rɔmo̰ keneŋ ləm tɔ Gə mba kar dee tḭja kaar mbal’g gə no̰.

Teḛ-Raga 31:18

Loo gə́ Njesigənea̰ tɔl ta ta gə́ yeḛ ula Moyis dɔ mbal’g gə́ Sinai lé bém ndá yeḛ aree bəgərə mbalje gə́ joo gə́ to ka̰ kɔrgoota lé, to bəgərə mbalje gə́ Ala ndaŋg ta keneŋ gə ŋgaw jia-yeḛ nja.

Teḛ-Raga 32:15

Moyis lé ḭ dɔ mbal’g risi ur naŋg ndá bəgərə mbalje gə́ ka̰ manrɔ joo to jia’g: bəgərə mbalje neelé ndaŋg ta keneŋ loo joo ya, ndaŋg mée’g ləm, gə giree’g ləm tɔ.

Teḛ-Raga 32:17

Juje oo ndu no̰ lə dəwje gə́ ɓar wəl ndá yeḛ ula Moyis pana: Lul rɔ ɓa ɓar loo-si sí’g.

Teḛ-Raga 34:1

Njesigənea̰ ula Moyis pana: I nja gə́ tɔl bəgərə mbalje joo asəna gə njé gə́ kédé lé ndá ta gə́ to bəgərə mbalje gə́ i təd njigi-njigi kédé lé m’a tel ndaŋg gogo ɓəi.

Teḛ-Raga 34:4

Moyis tɔl bəgərə mbalje joo to gə́ kédé lé ndá yeḛ ḭta gə ndɔ rad ɓa al aw dɔ mbal gə́ Sinai gə goo ndukun gə́ Njesigənea̰ un ne ndia aree tɔɓəi yeḛ odo bəgərə mbalje gə́ joo neelé jia’g tɔ.

2 Njé gə́ Kɔrḭtə 3:3

Tɔgərɔ ya, seḭ toje asəna gə maktub kɔrginrɔ sí gə́ ḭ rɔ Kristi’g gə goo kula gə́ jeḛ n’ra mbuna sí’g. Ta gə́ ndaŋg keneŋ lé jeḛ ndaŋg gə manee kari ba el nɛ Ndil Ala gə́ njesikəmba lé yeḛ nja ɓa gə́ njḛda̰gee ləm, to ta gə́ ndaŋg bəgərə mbal’g el, nɛ seḭ dəwje lé dɔɓəŋgərə sí ɓa gə́ loo ndaŋgee ya ləm tɔ.

2 Njé gə́ Kɔrḭtə 3:7

Ɓó lé kula gə́ ka̰ yoo gə́ Ala ndaŋg dɔ bəgərə mbalje’g lé teḛ dan rɔnduba’g ar Israɛlje d’askəm kun kəm dee kila dɔ Moyis’g el mbata rɔnduba gə́ ar dɔ kəmee ndogó wər-wər lé nɛ rɔnduba neelé tel sané pa ɓəi

Tel tura Godndu 10:1

Mee ndəa’g neelé Njesigənea̰ ulam pana: Tɔl bəgərə mbalje joo asəna gə njé gə́ kédé ndá ree ne rɔm’g ləm, gə́ ra sa̰duk-kag ləm tɔ.

Tel tura Godndu 9:15

M’ḭ dɔ mbal’d gə́ pər o̰ keneŋ bilim-bilim gə bəgərəjə gə́ ka̰ manrɔ joo gə́ to jimje’g joo tɔ lé m’ur ne naŋg.

Ǝbrəje 8:10

Aa ooje, man gə́ m’a man rɔm kar gel-bɔje lə Israɛlje Loo gə́ ndɔje neelé dəs mba̰ ɓa nee: M’a kula godndumje meḛ dee’g ləm, M’a ndaŋg dee dɔɓəŋgərə dee’g ləm tɔ. Mbaidɔmbaije ɓa pa bèe. N’a to Ala lə dee ləm, Deḛ kara d’a to koso-dəwje neḛ ləm tɔ.