Teḛ-Raga 32:14 - Maktub gə́ To gə Kəmee

¹⁴ Njesigənea̰ uba goo takə̰ji ləa ya̰ dɔ né gə́ majel’d gə́ yeḛ pa kédé pana: N’a gə ra gə dəwje lə neḛ neelé.

Teḛ-Raga 32:14 ပူးပေါင်းရင်းမြစ်များ

Gḭ-Néje 6:6

Njesigənea̰ ndiŋga rəa dɔ kunda gə́ yeḛ unda dəw dɔ naŋg neelé ndá ar mée ea̰ tɔ.

2 Samel 24:16

To gə́ kura gə́ dara ula jia ndiŋ gə́ dɔ Jerusalem’d gə mba tujee ne ndá Njesigənea̰ ar goo takə̰ji ləa yɔr dɔ némajel’g neelé ndá yeḛ ula kura gə́ dara gə́ ar koso-dəwje tuji lé pana: As ŋga! Rəm gə jii gə́ rɔi’g ɓasinè. Kura lə Njesigənea̰ gə́ dara lé aar mbɔr loo-kunda-kó’g lə Arabna, dəw gə́ Yebus.

1 Sôrta Gḭka-Israɛlje 21:15

Ala ula kura gə́ dara Jerusalem gə mba tujee, ndá loo gə́ yeḛ aar tujee bèe lé Njesigənea̰ ar goo takə̰ji ləa yɔr dɔ némajel’g neelé tɔɓəi yeḛ ula kura gə́ dara gə́ njetuji dee lé pana: As ŋga! Rəm gə jii gə́ rɔi’g ɓasinè. Kura lə Njesigənea̰ gə́ dara lé aar mbɔr loo-kunda-kó’g lə Ornan, dəw gə́ Yebus tɔ.

Pakɔsje 106:23

Yeḛ pata gə́ wɔji dɔ tuji dee kar dee d’udu ne ya, Nɛ Moyis gə́ to dəw ləa gə́ yeḛ ɔree undá gə kəmee lé Yeḛ aar tar njaŋg nea̰’g Mba karee rəm gə boo-oŋg ləa lé Ɓó gə karee tuji dee ne el.

Pakɔsje 106:45

Yeḛ ar mée olé dɔ manrɔ’g ləa Oo ne kəmtondoo lə dee gə goo bao-meemaji ləa lé ləm,

Teḛ-Raga 33:13

Ɓasinè lé ma m’ra ndoo rɔi’g, ɓó lé m’taa kəmi rəgm tɔgərɔ ndá am m’gər kila rəwje ləi ya, togə́bè ɓa m’a gər ndaai gəd-gəd ləm, m’a taa kəmi rəgm to gə́ tɔgərɔ ləm tɔ. Ar məəi olé dɔ ginkoji dəwje’g neelé gə́ to gə́ dəwje ləi ya.

Jeremi 18:8

Nɛ ɓó lé ginkoji dəwje neelé gə́ ma m’pata m’wɔji ne dɔ dee lé d’ya̰ goo meeyèr lə dee ndá ma tel gə ndum dɔ majel gə́ m’wɔji mba ra sə dee lé tɔ.

Jeremi 26:13

Ɓasinè, maji kar sí gɔlje panjaa sí ləm, gə néra sí ləma, ooje ndu Ala lə sí gə́ Njesigənea̰ gə́ ɓar ləm tɔ, yen ɓa Njesigənea̰ a kya̰ ne goo némajel gə́ yeḛ pa taree wɔji ne dɔ sí lé ɓəi.

Jeremi 26:19

See Ejekias, mbai gə́ Juda gə koso-dəwje lai gə́ Juda tɔlee wa. See Ejekias ɓəl Njesigənea̰ el wa. See yeḛ ra ndòo rɔ Njesigənea̰’g el wa. Bèe ɓa Njesigənea̰ ya̰ ne goo némajel gə́ yeḛ pa taree wɔji ne dɔ dee lé. Ŋga see jeḛ lé j’a ra kaiya gə́ boo bèe kila ne ta dɔ sí’g wa.

Joɛl 2:13

Arje ɓəŋgərə sí ɓa ti dus Ɓó tilje kubuje lə sí ɓa ba el, Ɔsje badm telje gə́ rɔ Njesigənea̰, Ala’g lə sí, Mbata yeḛ to njemeekaw taḭ-taḭ ləm, Gə njemeekɔrjol ləm, Oŋg ḭ səa kalaŋ el ləma, Yeḛ to bao-meemaji ləm tɔ Ndá yeḛ rəm gə ndia dɔ némajelje’d Gə́ yeḛ wɔji mba ra lé.

Amɔs 7:3

Njesigənea̰ tel gə ndia pana: Né neelé a teḛ el ŋga.

Amɔs 7:6

Njesigənea̰ tel gə ndia dɔ néra gə́ togə́bè’g lé. Ndá Njesigənea̰ pana: Né neelé kara a teḛ el ŋga tɔ.

Junas 3:10

Ala oo to gə́ deḛ ra togə́bè ləm, deḛ tel d’ya̰ goo rəw néra gə́ majel lə dee ləm tɔ. Togə́bè ɓa Ala tel ne gə ndia ar goo takə̰ji gə́ wɔji dɔ né gə́ majel gə́ yeḛ wɔji-kwɔji ra sə dee lé yɔr ne ləm, yeḛ ra ne née el ləm tɔ.

Junas 4:2

Yeḛ ra tamaji ta Njesigənea̰’g no̰ ne təa’g pana: Ǝi Njesigənea̰, see ta neelé to ta gə́ ma m’pa loo gə́ ma m’nai ne ɓee-sim’g ɓəi el wa. Gelee gə́ nee ɓa ma m’ḭ ne kalaŋ gə mba kaḭ kaw ne Tarsis gə mbəa. Mbata ma m’gər gao to gə́ i to Ala gə́ njekookəmto̰doo ləm, gə njemeekɔrjol ləm tɔ. I lé oŋg ḭ səi kalaŋ el ləm, i to bao-meemaji ləm tɔ ɓa i ar takə̰ji ləi gə́ wɔji dɔ néraje gə́ majel lé yɔr ne.

Bula lə Israɛlje 14:20

Njesigənea̰ pana: M’ar məəm ti mbidi dɔ dee’g to gə́ i dəjim ne lé ya.

Tel tura Godndu 10:10

Ma m’isi dɔ mbal’g neelé ndɔm rɔ-sɔ dan kàrá gə loondul’g to gə́ kédé lé. Njesigənea̰ oo ndukwɔi ləm ya tɔɓəi, bèe ɓa Njesigənea̰ ndigi tuji sí ne el.

Tel tura Godndu 32:26

M’a m’ula m’pana: M’a gə sané dee gə lel tam ləm, M’a gə kar ri dee udu Mbuna dəwje’g ləm tɔ!

Tel tura Godndu 32:36

Njesigənea̰ a gaŋg rəwta dɔ koso-dəwje’g ləa, Nɛ yeḛ a koo kəmtondoo lə kuraje ləa Loo gə́ yeḛ oo to gə́ siŋga dee godo lé Ar ɓər əsé dəw gə́ to ŋgonkoji kara godo tɔ.

Njéga̰g-Rəwtaje 2:18

Loo gə́ Njesigənea̰ ar dee njegaŋ-rəwta mba̰ ndá Njesigənea̰ nai gə njegaŋ-rəwta neelé tɔɓəi yeḛ ɔr dee ji njéba̰je’g lə dee ɔm dee tar mee ndəa gə́ njegaŋ-rəwta neelé si ne kəmba ɓəi, mbata Njesigənea̰ lé oo ndu no̰ nékəmndoo gə́ ra dee loo gə́ deḛ tuma̰ ne ŋgururu-ŋgururu no̰ deḛ gə́ njéra sə dee majelje’d gə́ d’ula kəm dee ndòo lé.

1 Samel 15:11

Ma m’im rɔm dɔ kunda gə́ m’unda Sawul gə́ mbai lé mbata yeḛ ya̰’m mba kun rəw ləa-yeḛ ləm, yeḛ aa dɔ taje ləm el ləm tɔ. Mee Samel ea̰ aree no̰ rɔ Njesigənea̰’g loondul’g ya saar ar loo àr.