Teḛ-Raga 32:13 - Maktub gə́ To gə Kəmee

¹³ Ar məəi olé dɔ Abrakam’g ləm, gə dɔ Isaak’g ləma, gə dɔ Israɛl’g ləm tɔ, deḛ kuraje ləi, gə́ i nja mán rɔi gə rii-i ar dee pana: M’a kar ŋgaka síje d’a bula kasəna gə kéréméje gə́ dara ləm, m’a kar ŋgaka síje dɔ naŋg neelé gə́ m’un ndum gə mba k’ar dee lé, karee to ka̰ dee-deḛ saar gə no̰.

Teḛ-Raga 32:13 ပူးပေါင်းရင်းမြစ်များ

Gḭ-Néje 12:2

M’a kari tel to ginkoji dəwje gə́ boo yaa̰ ləm, m’a tɔr ndum dɔi’g ləm tɔ. M’a kar rii ɓar ləm, i a tel to gin dɔkaisəgərə ləm tɔ.

Gḭ-Néje 12:7

Njesigənea̰ teḛ dɔ Abram’g ulá pana: Ɓee neelé m’a kar ŋgakaije gə́ ka̰ dee-deḛ. Togə́bè Abram ra loo-nékinjaməs ar Njesigənea̰ gə́ teḛ dəa’g lé.

Gḭ-Néje 15:18

Mee ndəa’g neelé Njesigənea̰ man rəa ar Abram pana: Dɔ naŋg neelé ma m’ar ŋgakaije, un kudee baa gə́ Ejiptə saar teḛ ne dɔ baa-boo gə́ to baa gə́ Epratə ləm,

Gḭ-Néje 15:5

Loo gə́ yeḛ teḛ səa raga ndá yeḛ ulá pana: Un kəmi par gə́ dara, tura kéréméje. See i askəm tura dee ya wa. Tɔɓəi yeḛ ulá pana: Ŋgakaije kara d’a bula togə́bè ya tɔ.

Gḭ-Néje 15:7

Njesigənea̰ ulá tɔɓəi pana: Ma nja m’to Njesigənea̰ gə́ m’ari unda loo mee ɓee gə́ Ur, ɓeeko̰ gə́ Kalde teḛ lé gə mba kari naŋg neelé gə́ kaḭ ya.

Gḭ-Néje 17:8

Ɓee neelé gə́ i si keneŋ asəna gə mbá bèe lé m’a kari gə́ ka̰ ŋgakaije gə́ d’a gə korè gooi, dɔ naŋg gə́ Kana̰ bura a to ka̰ dee-deḛ ya doŋgɔ doi saar-saar gə no̰ ndá m’a to gə́ Ala lə dee lé.

Gḭ-Néje 22:16

Njesigənea̰ pa togə́bè pana: Ma man rɔm gə rim-ma ya, gə mbata ra gə́ i ra né gə́ neelé ləm, gə ŋgoni gə́ to ŋgon gə́ kára ba kiao gə́ i ɔgm el lé ləm tɔ lé

Gḭ-Néje 22:17

ndá m’a tɔr ndum dɔi’g ləm, m’a kar ŋgakaije d’ɔs goo na̰ gə́ kédé-kédé kar dee bula d’asəna gə kéréméje gə́ dara ləm, gə d’asəna gə nagəra gə́ to ta baa-boo-kad’g ləm tɔ. Tɔɓəi ŋgakaije lé d’a taa tarəwkɔg lə njéba̰je lə dee gə́ né ka̰ dee-deḛ ya.

Gḭ-Néje 24:7

Njesigənea̰, Ala gə́ dara, yeḛ gə́ am m’unda loo mee kəi’g lə bɔm gə dɔ naŋg ɓee-kojim’g m’teḛ ləm, yeḛ gə́ ulam ta un ne ndia am ləm tɔ pana n’a kar ŋgakamje dɔ naŋg neelé, yeḛ nja a kula kura ləa gə́ dara nɔḭ’g. Ndá lé gə́ neelé ɓa i a taa dené keneŋ kar ŋgonəm ɓəi.

Gḭ-Néje 48:16

Maji kar kura lə Ala gə́ dara gə́ njekɔrm dan némajelje’g lai lé Tɔr ndia dɔ basaje’g neelé! Maji kar rim to dɔ dee’g, Gə ri bɔmje-je gə́ Abrakam gə Isaak ləm, Maji kar dee tel bula d’ḭ ne dɔ maree’d gə́ kédé-kédé Mbuna njé gə́ naŋg neelé ləm tɔ!

Teḛ-Raga 13:11

Loo gə́ Njesigənea̰ a kar sí teḛje mee ɓee’g lə njé gə́ Kana̰ to gə́ yeḛ Man ne rəa ar sí-seḭ gə ar bɔ síje-je ləm, loo gə́ yeḛ ar sí ɓee neelé ləm tɔ

Teḛ-Raga 13:5

Loo gə́ seḭ a ka̰dje mee ɓee’g lə Kana̰je, gə́ to ɓee lə njé gə́ Het, gə Amɔrje, gə Hebje, gə njé gə́ Yebus lé, ɓee gə́ yeḛ Man rəa ar bɔ síje gə mba kar sí lé, to ɓee gə́ mbà gə ubu tə̰ji to keneŋ yaa̰ lé ndá seḭ a raje naḭ neelé mee naḭ’g neelé ya.

Teḛ-Raga 33:1

Njesigənea̰ ula Moyis pana: Ḭje loo gə́ nee’g, awje, seḭ gə dəwje gə́ i ar dee d’unda loo mee ɓee gə́ Ejiptə teḛ lé, awje par gə́ dɔ naŋg gə́ ma m’un ndum mba kar Abrakam, gə Isaak, gə Jakob lé m’pana: M’a karee to ka̰ ŋgaka deeje lé ya.

Ləbije 26:42

M’a kar məəm olé dɔ manrɔ’g ləm gə́ ma man ne rɔm m’ar Jakob, gə Isaak, gə Abrakam ləma, m’a kar məəm olé dɔ ɓee’g ləm tɔ.

Tel tura Godndu 1:10

Ala lə sí gə́ Njesigənea̰ ar bula lə sí ḭ dɔ maree gə́ kédé-kédé, tɔɓəi aa ooje, ɓogənè seḭ bulaje to gə́ kéréméje gə́ dara bèe.

Tel tura Godndu 7:8

To mbata Njesigənea̰ unda sí dan kəmee’g ləm, yeḛ ndigi kaar njaŋg dɔ manrɔ’g ləa gə́ yeḛ man ne rəa ar bɔ síje-je ləm tɔ, yee ɓa Njesigənea̰ ar sí undaje ne loo teḛje ne gə ji siŋgamoŋ ləa gə́ ɓar mèr-mèr ləm, yeḛ ɔr sí ne mee kəi kula ɓər’g ləm, ji Parao̰, mbai’d gə́ Ejiptə ləm tɔ.

Tel tura Godndu 9:27

Ar məəi olé dɔ Abrakam gə Isaak gə Jakob’g, deḛ gə́ to kuraje ləi lé. Maji kari un kəmi rəw dɔ dɔkədərə’g, gə meeyèr’g, gə kaiya ra koso-dəwje’g neelé

Ǝbrəje 6:13

Loo gə́ Ala un ndia ar Abrakam ndá yeḛ man rəa gə ria-yeḛ nja mbata dəw gə́ njekur dəa’g godo