Teḛ-Raga 32:11 - Maktub gə́ To gə Kəmee

¹¹ Moyis ra ndòo rɔ Njesigənea̰ Ala’g ləa pana: Ǝi Njesigənea̰, see ban ɓa oŋg ləi a kḭ səi jugugu dɔ koso-dəwje’g ləi, deḛ gə́ i ar dee d’unda loo mee ɓee gə́ Ejiptə teḛ lé gə goo siŋgamoŋ ləi ləm, gə goo ji siŋgamoŋ ləi gə́ ɓar mèr-mèr ləm tɔ lé wa.

Teḛ-Raga 32:11 ပူးပေါင်းရင်းမြစ်များ

Gḭ-Néje 18:27

Abrakam un ta tɔɓəi pana: Aa oo, m’wa məəm mbidi m’ti mba pata kar Mbaidɔmbaije, ma gə́ m’to asəna gə nduji naŋg gə bu pər ba.

1 Mbaije 8:51

Mbata deḛ to koso-dəwje ləi ləm, gə to né kaḭ-ije ləm tɔ, gə́ i ar dee d’unda loo dan pər gə́ Ejiptə teḛ lé ya.

Nehemi 1:10

Jeḛ lé n’toje kuraje ləi gə koso-dəwje ləi gə́ i uga sí gə goo boo-siŋgamoŋ ləi ləm, gə jii gə́ ɓar mèr-mèr ləm tɔ.

Pakɔsje 106:23

Yeḛ pata gə́ wɔji dɔ tuji dee kar dee d’udu ne ya, Nɛ Moyis gə́ to dəw ləa gə́ yeḛ ɔree undá gə kəmee lé Yeḛ aar tar njaŋg nea̰’g Mba karee rəm gə boo-oŋg ləa lé Ɓó gə karee tuji dee ne el.

Teḛ-Raga 32:7

Ndá Njesigənea̰ ula Moyis pana: Ḭta, risi ur naŋg: mbata koso-dəwje ləi gə́ i ar dee d’unda loo mee ɓee gə́ Ejiptə teḛ lé deḛ tuji rɔ dee mba̰ ya.

Teḛ-Raga 6:6

Gelee gə́ nee ɓa, maji kari ula Israɛlje pana: Ma m’to Njesigənea̰. Kulaje ɓəd-ɓəd gə́ njé gə́ Ejiptə d’ɔm dɔ sí’g lé m’a kɔr dɔ sí’g ləm, m’a kar sí ɔrje dɔ sí kúla ɓər’g lə dee ləm, m’a kaji sí gə goo jim gə́ kula ndiŋ ləma, gə goo rəwta-gaŋgje gə́ boo-boo ləm tɔ.

Teḛ-Raga 8:8

Moyis gə Aaro̰ d’unda loo kəi lə Parao̰ teḛ. Tɔɓəi Moyis no̰ ɓar Njesigənea̰ wɔji ne dɔ kurkuduje gə́ yeḛ unda ne Parao̰ lé.

Esai 63:17

Ǝi Njesigənea̰, see gelee ban ɓa i ya̰ sí Ar sí ndəm rəwje’g ləi ləm, Ar meḛ sí ndər Ar sí j’ɔsje ne ta ɓəli lé rəw ləm tɔ wa. Maji kari tel ree mbata kuraje ləi Gə́ i unda dee dan kəmi’g, Deḛ gə́ to ginkojije Gə́ to gə nédɔjije ləi lé!

Jeremi 15:1

Njesigənea̰ ulam togə́bè pana: Lée Moyis gə Samel ya d’aar no̰ neḛ’g mba ra rəwta lə koso-dəwje neelé kara n’a koo kəmtondoo lə deḛje neelé el. Tuba dəwje neelé no̰m’g ɔm dee əw mba kar dee d’ɔd d’aw.

Nɔ̰-ndôo gə́ wɔji dɔ Jerusalem 2:20

Njesigənea̰, aa loo oo, See na̰ ɓa i ra səa né togə́bè lé wa! See kəm kar denéje d’usɔ ŋgan deeje Gə́ d’ḭ meḛ dee’g Gə́ d’unda dee dan kəm dee’g lé wa. See kəm kar dee tɔl njékinjanéməsje gə njéteggintaje Mee kəi-si Njesigənea̰ gə́ to gə kəmee’g lé wa.

Ejekel 20:9

Nɛ lé togə́bè kara neḛ n’ra né gə mbata lə ri neḛ gə mba kar ndɔl wa dɔ ri neḛ kəm ginkoji dəwje gə raŋg gə́ d’isi mbuna dee’g el ləm, gə kəm ginkoji dəwje gə raŋg gə́ neḛ n’ar dee gər neḛ gə mba kar dee d’unda loo mee ɓee gə́ Ejiptə teḛ lé ləm tɔ.

Loo gə́ killa rea kəm Daniel’g 9:15

Ɓasinè, Mbaidɔmbaije Ala lə sí, i gə́ ar dəwje ləi d’unda loo mee ɓee gə́ Ejiptə teḛ gə ji siŋgamoŋ ləi gə́ ɓar mèr-mèr ləm, i gə́ iŋga ne riɓar saar teḛ ɓogənè ləm tɔ lé jeḛ ɓa jeḛ n’raje kaiya ləm, jeḛ n’raje néraje gə́ kori-kori ləm tɔ.

Joɛl 2:17

Maji kar njékinjanéməsje Gə́ to kuraje lə Njesigənea̰ lé D’aar mbuna loo-nékinjaməs gə gel jala’g lé Ra tamaji no̰ gə mán-no̰ kəm dee’g pana: Ǝi Njesigənea̰, maji kari aji koso-dəwje ləi! Maji kari ya̰ né gə́ to nédɔji ləi aree tel to nérɔkul Gə nékunda-kogo lə ginkoji dəwje gə raŋg el. Maji kari ya̰ loo mba kar gel ɓeeje lə dəwje-dəwje lé D’a pa ne pana: Ala lə dee lé see si ra ɓəi wa bèe el.

Bula lə Israɛlje 11:11

ndá Moyis ula Njesigənea̰ pana: See gelee ban ɓa i ula ne kəm kura ləi ndòo bèe wa, see ma m’taa kəmi el ɓa i ɔm ne koso-dəwje nee lai dɔm’g asəna gə nékodo gə́ wɔi bèe wa.

Bula lə Israɛlje 14:13

Moyis ula Njesigənea̰ pana: Bèe ɓa njé gə́ Ejiptə gə́ i ɔr koso-dəwje neelé mbuna dee’g gə goo siŋgamoŋ ləi lé d’a koo taree ndá

Bula lə Israɛlje 16:22

Moyis gə Aaro̰ d’oso naŋg bəbərə-bəbərə dəb kəm dee naŋg, deḛ pana: Ǝi Ala! i gə́ ar dəwje lai d’isi kəmba lé! Dəw kára ba ɓa ra kaiya ndá ŋga, see oŋg ləi a kḭ səi pu dɔ koso-dəwje’g ləi lai to gə́ ban wa.

Bula lə Israɛlje 21:7

Koso-dəwje lé ree rɔ Moyis’g d’ulá pana: Jeḛ n’raje kaiya mbata jeḛ m’paje ta gə́ yèr j’ɔsje ne Njesigənea̰ rəw ləm, j’ɔsi ne i rəw ləm tɔ. Bèe ndá maji kari ra tamaji ta Njesigənea̰’g mba karee ɔs lije neelé rɔ sí’g rəw gə́ raŋg. Ndá Moyis kara ra tamaji mbata lə dəwje lé ya tɔ.

Bula lə Israɛlje 27:4

See gelee ban ɓa ri bɔ síjeḛ a godo mbuna njénojije’g ləa mbata lə lal gə́ yeḛ lal ŋgon gə́ diŋgam lé wa. Ar síje nénduba lə sí mbuna ŋgako̰ bɔ síje gə́ diŋgam’g.

1 Samel 15:11

Ma m’im rɔm dɔ kunda gə́ m’unda Sawul gə́ mbai lé mbata yeḛ ya̰’m mba kun rəw ləa-yeḛ ləm, yeḛ aa dɔ taje ləm el ləm tɔ. Mee Samel ea̰ aree no̰ rɔ Njesigənea̰’g loondul’g ya saar ar loo àr.