Teḛ-Raga 30:1 - Maktub gə́ To gə Kəmee

¹ D’a ra loo-tuu-né lé gə kag-akasia mba tuu ne né gə́ ə̰də sululu dɔ’g ndá,

Teḛ-Raga 30:1 ပူးပေါင်းရင်းမြစ်များ

1 Mbaije 6:20

Loo gə́ to gə kəmee doi lé ŋgalee as kəmkil dəw rɔ-joo ləm, tadee as kəmkil dəw rɔ-joo ləma, dəree gə́ ḭ gə́ tar as kəmkil dəw rɔ-joo ləm tɔ. Salomo̰ ar dee d’ɔr giree gə larlɔr gə́ àr ŋgad-ŋgad. No̰ loo gə́ to gə kəmee’g lé deḛ ra loo-nékinjaməs keneŋ gə kag-sɛdrəje ndá d’ɔr giree gə larlɔr.

1 Mbaije 6:22

Kəi gə́ to gə kəmee lé deḛ d’ɔr mée gə larlɔr togə́bè ya bura, tɔɓəi deḛ d’ɔr gir loo-nékinjaməs gə́ to loo gə́ to gə́ kəmee’g lé gə larlɔr ya bura tɔ.

1 Mbaije 7:48

Salomo̰ ra nékulaje gə́ raŋg lai ya tɔɓəi mbata kəi lə Njesigənea̰: Loo-nékinjaməs gə́ ra gə larlɔr, Tablə gə́ ra gə larlɔr mba kunda muru gə́ to gə kəmee dɔ’g,

1 Sôrta Gḭka-Israɛlje 28:18

Tɔɓəi yeḛ tɔjee loo ra loo-tuu-né gə́ ə̰də sululu gə́ ra gə larlɔr gə́ àr ŋgad-ŋgad gə kwɔi ləa. Yeḛ tɔjee loo ra pusu ləm, gə néndaji Nékundaje gə́ dara gə́ ra dee gə larlɔr d’ar dee naji bag dee dɔ sa̰duk-manrɔ’g lə Njesigənea̰ ləm tɔ.

1 Sôrta Gḭka-Israɛlje 6:49

Israɛlje d’ar Ləbije ɓee-booje lə dee gə looje gə́ gugu dɔ dee.

2 Sôrta Gḭka Israɛlje 26:16

Nɛ loo gə́ yeḛ tel to njesiŋgamoŋ ndá mée ɔsee ɓɔḭ-ɓɔḭ gə mba karee tuji ne. Yeḛ ra kaiya ɔs ne ta lə Njesigənea̰ Ala ləa rəw. Yeḛ ḭ gə dɔrea ya andə mee kəi’g lə Njesigənea̰ tuu néje gə́ ə̰də sululu dɔ loo-nékinjaməs’d gə́ to loo-tuu-néje gə́ ə̰də sululu lé.

Teḛ-Raga 30:10

Gɔl kára mee ləb kára-kára lé Aaro̰ a kɔm məs nékinjaməs gə́ wɔji dɔ kaiya dɔ gaji loo-tuu-né’g, məs da gə́ d’inja mba kuga né dɔ kaiya lé ɓa yeḛ aar né togə́bè gɔl kára mee ləb kára-kára mbuna ŋgaka síje’g ya. Yee ɓa a to né gə́ to gə kəmee doi no̰ Njesigənea̰’g tɔ.

Teḛ-Raga 30:2

Loo neelé ŋgalee a kas kəmkil dəw kára ləm, tadee a kas kəmkil dəw kára ləm tɔ, yee a to dɔmbul ndá dəree gə́ tar a kas kəmkil dəw joo tɔ. D’a ra néndajije sɔ asəna gə gaji da gə́ dɔ kum loo-tuu-né’g neelé kar dɔ dee teḛ tar.

Teḛ-Raga 31:8

tabul gə nékulaje lai gə́ wɔji dəa ləm, gə kag pərndɔ gə́ ra gə larlɔr gə́ àr ŋgad-ŋgad gə nékulaje lai gə́ wɔji dəa ləma, gə loo-tuu-né gə́ ə̰də sululu ləm tɔ,

Teḛ-Raga 35:15

gə loo-tuu-néje gə́ ə̰də sululu gə kunda kagje gə́ wɔji dəa ləm, gə ubu gə́ ka̰ tər dɔ dəw’g kundá ne gə kəmee lé gə néje gə́ ə̰də sululu gə́ ka̰ tuu lé ləma, gə pal-kubu kila takəi’d gə́ ka̰ kandə kaw mee kəi-kubu-si-Ala’g lé ləm tɔ,

Teḛ-Raga 39:38

Gə loo-tuu-né gə́ ra gə larlɔr ləm, gə ubu gə́ ka̰ tər dɔ dəw’g kundá ne gə kəmee ləm, gə kuma̰ gə́ ə̰də sululu ləm, Gə pal-kubu mbata lə tarəw kəi-kubu ləm,

Teḛ-Raga 40:5

D’a kunda loo-tuu-né gə́ ə̰də sululu gə́ ra gə larlɔr no̰ sa̰duk ka̰ kɔrgoota’g lé ləm, d’a kila pal-kubu tarəw kəi-kubu-si-Ala’g ləm tɔ.

Ejekel 41:22

Loo-nékinjaməs lé deḛ ra gə kag ndá dəree gə́ tar as kəmkil dəw munda ləm, ŋgalee as kəmkil dəw joo ləm tɔ. Kileje, gə gɔleeje, gə debeeje lé ra gə kag. Dəw neelé ulam pana: Né neelé to tabul gə́ to no̰ Njesigənea̰’g.

Ləbije 4:18

Yeḛ a rad məs dɔ kum loo-nékinjanéməsje gə́ ḭta gə́ to no̰ Njesigənea̰’g mee kəi-kubu-kiŋga-na̰’g, ndá a kɔm ges məs bɔ maŋg lé naŋg no̰ loo-nékinjaməs gə́ ka̰ roo né keneŋ gə́ to tarəw kəi-kubu-kiŋga-na̰’g lé tɔ.

Ləbije 4:7

Ŋgɔ-njekinjanéməs neelé a rad məs lé dɔ kum loo-tuu-néje gə́ ə̰də sululu gə́ ḭta gə́ to no̰ Njesigənea̰’g mee kəi-kubu-kiŋga-na̰’g lé, ndá yeḛ a kɔm ges məs bɔ maŋg lé gel loo-nékinjaməs gə́ ka̰ roo né keneŋ gə́ to tarəw kəi-kubu-kiŋga-na̰’g lé tɔ.

Bula lə Israɛlje 3:31

Néje gə́ d’ɔm ji dee’g ɓa nee: Sa̰duk ləm, tabul ləm, kag pərndɔje ləm, loo-nékinjaməs gə loo-tuu-né gə́ ə̰də sululu ləm, nékulaje gə́ wɔji dɔ kəi gə́ to gə kəmee mba kar dee ra ne kula keneŋ ləma, gə kubu gaŋg mee kəi gə néje gə́ wɔji dəa ləm tɔ.

Bula lə Israɛlje 4:11

D’a kila kubu gə́ ndul piro-piro dɔ loo-tuu-né gə́ ə̰də sululu gə́ ra gə larlɔr tɔɓəi d’a ndèm gə nékɔn dəa gə́ ra gə ndar da gə́ ɓaree dopḭ lé, tɔɓəi d’a tula kunda kagje gə́ ka̰ kodo loo-tuu-né’d gə́ ə̰də sululu keneŋ.

Ǝbrəje 9:4

ndá loo-tuu-né gə́ ra gə larlɔr mba tuu ne néje gə́ ə̰də sululu dɔ’g to keneŋ ləm, sa̰duk-manrɔ gə́ d’ɔr giree lai gə larlɔr to keneŋ ləm tɔ. Jo gə́ léḛ gə larlɔr gə́ d’ɔm muru gə́ ḭ dara mée’g lé to mee sa̰duk’g ləm, kag-tɔs lə Aaro̰ gə́ idi to keneŋ ləma, bəgərə mbalje gə́ ndaŋg ta manrɔ dɔ’g to keneŋ ləm tɔ.

Loo gə́ killa rea kəm Ja̰’g 8:3

Kura gə́ dara gə́ raŋg ree aar no̰ loo-nékinjaməs’g gə bai-larlɔr jia’g. Deḛ d’aree néje gə́ ə̰də sululu ɓəd-ɓəd gə mba karee tuu dee ne na̰’d gə tamajije lə dəwje lai gə́ to gə kəmee loo-tuu-né gə́ ra gə larlɔr gə́ to no̰ kalimbai’g.