Teḛ-Raga 3:8 - Maktub gə́ To gə Kəmee

⁸ Bèe ɓa ma m’ree mba kɔr dee ji Ejiptəje’g ləm, gə mba kɔr no̰ dee teḛ sə dee mee ɓee gə́ maji gə́ tad yaa̰ ləm tɔ, to ɓee gə́ mbà to keneŋ yaa̰ ləm, ubu tə̰ji kara to keneŋ yaa̰ ləm tɔ, to loo-si Kana̰je ləm, gə Hetje ləm, gə Amɔrje ləm, gə Peresje ləm, gə Hebje ləma, gə Yebusje ləm tɔ.

Teḛ-Raga 3:8 ပူးပေါင်းရင်းမြစ်များ

Gḭ-Néje 11:5

Njesigənea̰ risi uru naŋg gə mba koo ɓee neelé ləm, gə kəi gə́ duu dɔ loo gə́ ŋgan dəwje gə́ diŋgam d’unda lé ləm tɔ.

Gḭ-Néje 11:7

Ar sí j’uruje naŋg mba tel gwɔs dee gə mba kar dee gər takɔji lə naa̰ el.

Gḭ-Néje 15:13

Njesigənea̰ ula Abram pana: Maji kari gər gao, ŋgakaije lé d’a to mbáje mee ɓee gə́ a to ka̰ dee-deḛ el. D’a kwa dee gə́ ɓər ləm, d’a kula kəm dee ndòo as ləb dee tɔl-sɔ (400) ləm tɔ.

Gḭ-Néje 15:14

Nɛ m’a gaŋgta dɔ ɓeeko̰ gə́ njekwa dee gə́ ɓər lé ndá gée gə́ gogo d’a kunda loo teḛ gə nébaoje bula tɔ.

Gḭ-Néje 18:21

Gelee gə́ nee ɓa m’a gə rəm gə́ naŋg mba koo see néra dee aw gə goo kaa né gə́ ɓar saar teḛ rɔm’g nee ya wa. Ɓó lé to togə́bè el ndá m’a gər gao ya.

Gḭ-Néje 43:11

Bɔ deeje gə́ Israɛl lé ula dee pana: Ɓó lé to togə́bè ndá né gə́ kəm ra ɓa to nee: Odoje némajije gə́ d’ur dɔ mareeje’g mee ɓee’g lə sí ɔm deeje mee ɓɔlje’g lə sí awje ne arje dəw neelé gə́ né-lapia ya: Odoje no̰ kag lam ləm, ubu tə̰ji lam ləm, kuma̰ gə́ ə̰də sululu ləm, ubu timbá ləm, pistasje ləma, gə ama̰dəje ləm tɔ.

Gḭ-Néje 46:4

Ma nja m’a kaw səi na̰’d ɓee gə́ Ejiptə, tɔɓəi ma nja m’a tel səi gogo ya tɔ. Ndá Jisəb ɓa a tɔi kəmi gə jia ya.

Gḭ-Néje 50:24

Jisəb ula ŋgakea̰je pana: M’a gə kwəi ŋga! Nɛ tɔgərɔ Ala a tɔs kəmee dɔ sí’g bao-bao ləm, yeḛ a kar sí ḭje mee ɓee’g neelé mba kawje mee ɓee gə́ yeḛ un ndia gə mba kar Abrakam, gə Isaak, gə Jakob kédé lé ya.

1 Sôrta Gḭka-Israɛlje 1:15

gə Hebje ləm, gə Arkije ləm, gə Sinije ləm,

Nehemi 9:8

I oo to gə́ mee to danasur nɔḭ’g, Yee ɓa i man ne rɔi aree ləm, I un ne ndui mba kar ŋgakeaje taa ɓee lə Kana̰je Gə Hetje gə Amɔrje gə Peresje Gə Yebusje gə Girgasije gə́ né ka̰ dee-deḛ. Ndá ta gə́ i pa lé i ra née ya Mbata i to njera né gə́ danasur tɔ.

Pakɔsje 12:5

To deḛ gə́ pana: Tapa neḛje ar neḛ n’toje njésiŋgamoŋje ləm, Ta neḛje to ka̰ neḛje ya ləm tɔ, Ŋga see na̰ ɓa a to dəw dɔ neḛje ɓəi wa.

Pakɔsje 12:6

Njesigənea̰ pana: Njénékəmndooje lé d’ula kəm dee ndòo ləm, Njéndooje kara tuma̰ gə no̰ ŋgururu-ŋgururu ya ləm tɔ. Bèe ndá ɓasinè n’a kḭ ra né ya. N’a la gə deḛ gə́ d’oma̰ sə dee D’ar dee d’aw ne jələ-jələ lé.

Pakɔsje 34:8

Kura lə Njesigənea̰ gə́ dara ula ŋgalaŋ gugu ne dɔ deḛ gə́ ɓəlee, Yeḛ ɔr dee ne dan tuji’g.

Pakɔsje 91:15

Yeḛ a ɓar rim ndá m’a kilá keneŋ ləm, M’a nai səa dan néurti’g ləm, M’a karee ɔr dəa kúla’g ləma, M’a kula rɔnduba dəa’g ləm tɔ.

Teḛ-Raga 12:41

Mee ndəa gə́ rudu ləb dee gə́ tɔl sɔ dəa rɔ-munda (430) lé un ɗiao mba̰ ndá mee ndəa gən ya koso-dəwje lə Njesigənea̰ d’unda loo mee ɓee gə́ Ejiptə teḛ tɔ.

Teḛ-Raga 12:51

Mee ndəa’g neelé ya Njesigənea̰ ar Israɛlje d’unda loo mee ɓee gə́ Ejiptə teḛ gə goo njérɔje lə dee lə dee.

Teḛ-Raga 13:5

Loo gə́ seḭ a ka̰dje mee ɓee’g lə Kana̰je, gə́ to ɓee lə njé gə́ Het, gə Amɔrje, gə Hebje, gə njé gə́ Yebus lé, ɓee gə́ yeḛ Man rəa ar bɔ síje gə mba kar sí lé, to ɓee gə́ mbà gə ubu tə̰ji to keneŋ yaa̰ lé ndá seḭ a raje naḭ neelé mee naḭ’g neelé ya.

Teḛ-Raga 3:17

tɔɓəi neḛ pana: N’a kɔr sí dan nékəmndoo’d gə́ mee ɓee gə́ Ejiptə mba teḛ sə sí kaw sə sí ɓee lə Kana̰je ləm, gə Hetje ləm, gə Amɔrje ləm, gə Peresje ləm, gə Hebje ləma, gə Yebusje ləm tɔ, to ɓee gə́ mbà to keneŋ yaa̰ ləm, ubu tə̰ji kara to keneŋ yaa̰ ləm tɔ.

Teḛ-Raga 34:11

Unda kəmkàr dɔ rɔi’g dɔ né gə́ m’un ne ndum ɓogənè m’ari mba kari ra lé. Aa oo, m’a tuba Amɔrje, gə Kana̰je, gə Hetje, gə Peresje, gə Hebje, gə Yebusje nɔḭ’g ya.

Teḛ-Raga 5:23

Un kudee mee ndəa gə́ ma m’aw rɔ Parao̰’g mba pata gə rii lé ndá yeḛ ra gə dəwje neelé majel ya nɛ i ɔm dəwje ləi tar el ɓəi tɔ.

Esai 36:17

saar kar neḛ n’ree n’odo sí n’aw sə sí mee ɓee gə́ to asəna gə ɓee lə sí-seḭ ləm, to ɓee gə́ kó gə mán-nduú to keneŋ ləma, to ɓee gə́ muru gə ndɔ-nduúje to keneŋ ləm tɔ.

Esai 64:1

To gə́ pər gə́ mbudu o̰ kag gə́ tudu bèe ləm, To gə́ kṵji mán gə́ olé teḛ bèe ləm tɔ lé, Njéba̰je ləi d’a koo rii ləm, Ginkoji dəwje gə raŋg d’a kunda bala nɔḭ’g ləm tɔ.

Jeremi 11:5

Tɔɓəi n’a kar manrɔ gə́ neḛ man n’ar bɔ síje-je gə mba kar dee ne ɓee gə́ mbà gə ubu tə̰ji to keneŋ yaa̰ lé aw ne lée’g béréré ɓəi, to gə́ seḭ ooje ne ɓogənè lé tɔ. Ndá m’ila keneŋ m’pana: Maji karee to bèe ya, Njesigənea̰!

Jeremi 2:7

Ma m’ar sí reeje mee ɓee’d Gə́ to asəna gə loo-ma̰a-kag-sɔ Gə mba kar sí sɔje ka̰deeje Gə néje gə́ maji dum gə́ teḛkɔr keneŋ. Nɛ loo gə́ seḭ reeje keneŋ ndá Seḭ arje ɓee ləm tel mina̰ ləm, Seḭ arje nédɔji ləm lé Tel to né gə́ mina̰ ləm tɔ.

Jeremi 32:22

I ar dee ɓee neelé gə́ i man rɔi ar bɔ deeje-je gə mba kar dee, to ɓee gə́ mbà gə ubu tə̰ji to keneŋ yaa̰ ya.

Ejekel 20:6

Mee ndəa’g neelé neḛ manrɔ neḛ n’ula ne ji neḛ ndiŋ gə́ dɔ dee’g mba kar dee d’unda ne loo mee ɓee gə́ Ejiptə teḛ d’aw mee ɓee gə́ neḛ n’saŋg gə mbata lə dee lé, to ɓee gə́ mbà gə ubu tə̰ji to keneŋ ləm, to ɓee gə́ maji unda ɓeeje lai ləm tɔ.

Ləbije 20:24

Ma m’ula sí m’pana: Seḭ nja ɓa dɔ naŋg lə dee a to ka̰ sí ya, M’a kar sí gə́ ka̰ sí ya: To ɓee gə́ mbà gə ubu tə̰ji d’aḭ keneŋ tɔ. Ma m’to Njesigənea̰, Ala lə sí gə́ m’kɔdə sí m’ɔr sí dan ginkoji dəwje gə raŋg’g.

Amɔs 2:10

Nɛ neḛ lé kédé neḛ n’ar sí undaje loo mee ɓee gə́ Ejiptə teḛje ləm, N’ɔr no̰ sí dɔdilaloo’g as ləb rɔ-sɔ Gə mba kar sí taaje dɔ naŋg ɓee lə Amɔrje gə́ né ka̰ sí-seḭ ləm tɔ.

Bula lə Israɛlje 13:18

Bèe ɓa seḭ a kooje see ɓee neelé to to gə́ ban wa, see dəwje gə́ d’isi keneŋ lé, siŋga dee to yaa̰ əsé to njérəmje wa, see deḛ bula lam ba əsé bula yaa̰ wa.

Bula lə Israɛlje 13:19

Dɔ naŋg gə́ d’isi keneŋ lé see maji əsé majel wa, ɓee-booje gə́ d’isi keneŋ lé see to kari ba əsé d’ila ndògo gugu ne dɔ dee d’ar njéŋgəmlooje d’isi keneŋ wa,

Bula lə Israɛlje 13:27

Aa ooje, ta gə́ deḛ ndaji d’ar Moyis ɓa nee: Jeḛ j’aw mee ɓee gə́ i ula sí keneŋ lé. Tɔgərɔ ya, ɓee neelé mbà gə ubu tə̰ji to keneŋ yaa̰, aa ooje, kandə néje lé ɓa to nee ya.

Tagə́maji gə́ Ja̰ ndang 3:13

Dəw kára ḭ naŋg nee aw dara el ɓəi, nɛ yeḛ gə́ ḭ dara ree dɔ naŋg neelé to Ŋgon-dəw gə́ si dara ya.

Tagə́maji gə́ Ja̰ ndang 6:38

Mbata ma m’ḭ dara m’ree naŋg nee gə mba ra né gə́ njekulam ɓa wɔji mée’g ɓó né gə́ məəm-ma ɓa wɔji el.

Tel tura Godndu 1:25

Deḛ d’odo kandə néje gə́ mee ɓee’g lé ji dee’g ree ne tɔji sí, deḛ d’ɔr goo taree pana: To ɓee gə́ maji gə́ Ala lə sí gə́ Njesigənea̰ ar sí ya.

Tel tura Godndu 1:7

Maji kar sí telje awje, a kawje dɔ mbal’g lə Amɔrje gə looje lai gə́ gugu dəa sub ləm, gə ndag-loo’g ləm, gə dɔ mbalje’g ləm, gə mee wəl-loo’g ləm, gə par gə́ dɔkɔl ləm, gə ta baa-boo-kad’g ləm, gə ɓee lə Kana̰je, gə ɓee gə́ Liba̰ ləma, saar teḛ ne baa-boo gə́ to baa gə́ Epratə ləm tɔ.

Tel tura Godndu 27:3

Seḭ a ndaŋgje taje lai gə́ to mee godndu’g neelé dɔ mbalje’g neelé loo gə́ seḭ gaŋgje baa gə́ Jurdɛ̰ mba̰ gə mba kandə ne mee ɓee gə́ Ala lə sí gə́ Njesigənea̰ ar sí lé, to ɓee gə́ mbà gə ubu tə̰ji to keneŋ yaa̰, to gə́ Njesigənea̰ Ala lə bɔ síje-je ula sí ne lé tɔ.

Tel tura Godndu 28:11

Njesigənea̰ a daa sí gə némajije kar ŋgan meḛ síje, gə ŋgan meḛ nékulje lə sí, gə kandə néje gə́ dɔ naŋg’d lə sí d’ḭ dɔ maree’d gə́ kédé-kédé mee ɓee gə́ Njesigənea̰ man rəa ar bɔ síje-je gə mba kar sí lé.

Tel tura Godndu 6:3

Yen Israɛl, oo taje lé ndá tɔs kəmi dɔ’g bao-bao gə mba ra née, gə mba kari sí ne dan rɔlel’g ləm, bula lə sí kara a kḭ ne dɔ maree’d gə́ kédé-kédé ləm tɔ gə́ Njesigənea̰ Ala lə bɔ síje-je un ne ndia ar sí ne ɓee gə́ mbà gə ubu tə̰ji to keneŋ yaa̰ lé.

Tel tura Godndu 7:1

Loo gə́ Ala lə sí gə́ Njesigənea̰ a kar sí a̰dje mee ɓee gə́ seḭ a gə kaw taaje gə́ ne ka̰ sí gə goo tuba gə́ yeḛ a tuba ginkoji dəwje gə raŋg no̰ sí’g lé, deḛ gə́ to Hetje ləm, gə Girgasije ləm, gə Amɔrje ləm, gə́ Kana̰je ləm, gə Peresje ləm, gə Hebje ləma, gə Yebusje ləm tɔ, ginkojije gə́ siri neelé deḛ bula yaa̰ d’unda sí ləm, siŋga dee to yaa̰ ur dɔ ka̰ sí-seḭ’g ləm tɔ,

Jujé 5:6

Mbata Israɛlje njaa dɔdilaloo’g as ləb dee rɔ-sɔ, saar mba kar ginkoji dəwje gə́ to njérɔje lai gə́ d’unda loo mee ɓee gə́ Ejiptə teḛ lé d’udu guduru mbata deḛ d’ila ŋgonkoji dɔ torndu Njesigənea̰’g el. Gelee gə́ nee ɓa Njesigənea̰ lé man ne rəa gə mba kar ɓee gə́ yeḛ man rəa ar bɔ deeje gə mba kar síjeḛ lé d’a koo el, to ɓee gə́ mbà gə ubu tə̰ji to keneŋ yaa̰.

Jujé 9:1

Loo gə́ d’oo sor néje neelé ndá mbaije lai gə́ d’isi kel tura-baa gə́ Jurdɛ̰ gə́ nee, deḛ gə́ d’isi dɔ mbalje’g əsé wəl-looje’g əsé kaar koŋgo baa-boo-kad gə́ boi njal teḛ mbɔr ɓee gə́ Liba̰ lé gə́ to Hetje ləm, gə Amɔrje ləm, gə Kana̰je ləm, gə Peresje ləm, gə Hebje ləma, gə Yebusje ləm tɔ lé

Jujé 9:7

Njé gə́ Israɛl d’ila Hebje neelé keneŋ pana: Banelə seḭ síje mbuna sí’g nee, ŋga see jeḛ j’a kɔm sə sí na̰’d to gə́ ban wa.