Teḛ-Raga 3:7 - Maktub gə́ To gə Kəmee

⁷ Njesigənea̰ pana: Ma m’oo kəmtondoo lə koso-dəwje ləm gə́ d’isi Ejiptə, m’oo ndu no̰je lə dee gə́ njékula kəm dee ndooje d’ar dee no̰ ne ləm tɔ, mbata ma m’gər némeekonje lə dee gao ya.

Teḛ-Raga 3:7 ပူးပေါင်းရင်းမြစ်များ

Gḭ-Néje 16:11

Kura lə Njesigənea̰ gə́ dara ulá pana: Aa oo, i lé aw gə kèm ndá i a koji ŋgon gə́ diŋgam ndá i a kunda ria lə Ismael. Mbata Njesigənea̰ oo ndui dan némeeko̰ gə́ rai’g ya.

Gḭ-Néje 18:21

Gelee gə́ nee ɓa m’a gə rəm gə́ naŋg mba koo see néra dee aw gə goo kaa né gə́ ɓar saar teḛ rɔm’g nee ya wa. Ɓó lé to togə́bè el ndá m’a gər gao ya.

Gḭ-Néje 21:17

Ala oo ndu ŋgon lé ndá ndu kura lə Ala ḭ dara ɓar Agar pana: Agar, see ɗi ɓa rai wa. Ɓəl el mbata Ala oo ndu ŋgon loo gə́ yeḛ si keneŋ lé ya.

Gḭ-Néje 29:32

Lea əskèm oji ŋgon gə́ diŋgam ndá yeḛ unda ria lə Rubḛ, mbata yeḛ pana: Njesigənea̰ oo kəm lootondoo’g ndá ɓasinè ŋgabm a kundam dan kəmee’g ŋga.

Gḭ-Néje 31:12

Ndá yeḛ pana: Maji kari un kəmi gə́ tar aa loo oo: Bàl badje lai gə́ d’uba ko̰ badje lé to dee gə́ rɔ dee tḭja yao-yao ləm, gə tila ɓal ləma, gə ndaŋg rɔg-rɔg ləm tɔ. Mbata ma lé m’oo néje lai gə́ Laba̰ ra səi ya.

Gḭ-Néje 31:42

Ɓó lé Ala lə bɔmje, Ala lə Abrakam, yeḛ gə́ Isaak ɓəlee lé nai səm el ndá ɓasinè kara i a tubam gə jim kari kari-kari ya. Ala oo kəm lootondoo’g ləm, gə kula gə́ m’ra gə jim ləm tɔ ndá tagə́nè til’g lé yeḛ nja gaŋg rəbee.

2 Samel 22:28

I lé aji dəwje gə́ d’oso kul, Deḛ gə́ d’unda dɔ dee tar lé I aa dee gərərə ar dee d’ula dɔ dee naŋg.

2 Mbaije 13:4

Nɛ Joakas ra ndòo rɔ Njesigənea̰’g mba kar mee oso naŋg po̰ dɔ dee’g. Ndá Njesigənea̰ ilá keneŋ mbata kula gə́ mbai gə́ Siri ula kəm Israɛlje ndòo lé yeḛ oo gao ya.

2 Mbaije 20:5

Maji kari tel aw ula Ejekias, mbai dɔ koso-dəwje ləm pana: Njesigənea̰, Ala lə bɔbije gə́ Dabid pa togə́bè pana: Ma m’oo tamaji ləi ya ləm, m’oo mán-no̰ gə́ to kəmi’g ya ləm tɔ, aa oo, m’a kari aji ya, ndɔ gə́ njekɔm’g munda ndá i a kaw mee kəi’g lə Njesigənea̰.

Nehemi 9:9

I oo némeeko̰ lə bɔ síje-je gə́ d’isi Ejiptə ləm, I oo ndu no̰ lə dee ta baa-boo-kad gə́ ɓaree Baa-Kas ləm tɔ.

Pakɔsje 106:44

Loo gə́ deḛ ra ndòo rəa’g ndá Yeḛ oo kəmtondoo lə dee ya.

Pakɔsje 12:6

Njesigənea̰ pana: Njénékəmndooje lé d’ula kəm dee ndòo ləm, Njéndooje kara tuma̰ gə no̰ ŋgururu-ŋgururu ya ləm tɔ. Bèe ndá ɓasinè n’a kḭ ra né ya. N’a la gə deḛ gə́ d’oma̰ sə dee D’ar dee d’aw ne jələ-jələ lé.

Pakɔsje 142:3

M’ree gə ta no̰ ləm nea̰’g ləm, M’ɔr sor néurti gə́ ram lé m’aree ləm tɔ.

Pakɔsje 145:19

Deḛ gə́ ɓəlee lé Yeḛ ar néje lai gə́ deḛ ndiŋga lé Aw lée’g béréré ləm, Yeḛ oo ndu no̰ lə dee ndá aji dee ne ya ləm tɔ.

Pakɔsje 22:24

Seḭ gə́ ɓəlje Njesigənea̰ lé Maji kar sí pideeje! Seḭ lai gə́ toje ŋgaka Jakob lé Ulaje rɔnduba dəa’g! Seḭ lai gə́ toje ŋgaka Israɛl lé Ndəbje pəd-pəd nea̰’g tɔ.

Pakɔsje 34:4

Maji kar sí ɔsje səm gaji Njesigənea̰! Maji kar síjeḛ lai j’ilaje riɓar dɔ ria’g to!

Pakɔsje 34:6

Loo gə́ dəw tel kəmee par gə́ rəa’g ndá Kəmee ndɔḭ wər-wər gə rɔlel Ɓó rɔkul wa kəmee el.

Pakɔsje 35:22

Njesigənea̰, i lé oo gao ya! Maji kari si dɔ mundu el! Mbaidɔmbaije, maji kari unda rɔi ɓad rɔm’g el!

Pakɔsje 9:14

Njesigənea̰, maji kari oo kəm lootondoo’g ya kari, Oo némeeko̰ gə́ njéba̰je ləm d’am m’isi danee’g, Maji kari ɔrm tarəwkɔg’d lə yoo,

Teḛ-Raga 1:11

Yen ŋga Ejiptəje d’ɔr njékaa dɔ Israɛlje gə mba kar dee d’unda kulaje gə́ kədərə gə́ wɔi dɔ dee’g. Bèe ɓa d’ar dee ra ne ɓee-booje gə́ Pitɔm ləm gə Ramsɛs ləm mba kar dee to loo-ŋgəm-nékiŋgaje lə Parao̰.

Teḛ-Raga 1:8

Nɛ mbai gə́ sigi ɓa un kudu ko̰ɓee gə́ Ejiptə, to yeḛ gər Jisəb kédé el.

Teḛ-Raga 22:23

Oŋg ləm a kḭ səm jugugu ndá m’a tuji sí gə kiambas, denéje lə sí d’a tel to njékəisiŋgaje ləm, ŋgan síje kara d’a tel to ŋganalje ləm tɔ.

Teḛ-Raga 33:13

Ɓasinè lé ma m’ra ndoo rɔi’g, ɓó lé m’taa kəmi rəgm tɔgərɔ ndá am m’gər kila rəwje ləi ya, togə́bè ɓa m’a gər ndaai gəd-gəd ləm, m’a taa kəmi rəgm to gə́ tɔgərɔ ləm tɔ. Ar məəi olé dɔ ginkoji dəwje’g neelé gə́ to gə́ dəwje ləi ya.

Teḛ-Raga 5:10

Njétə̰kulaje lə dəwje ləm, gə njékaa dɔ deeje ləm tɔ lé ree d’ula dəwje pana: Parao̰ pa bèe pana: N’a kar sí mu el ŋga.

Teḛ-Raga 5:6

Mee ndəa’g neelé ya Parao̰ un ndia ar njétə̰kulaje lə dəwje ləm, gə njékaa dɔ deeje ləm tɔ pana:

Esai 63:9

Dan nékəmndooje’g lə deḛ lai lé D’isi lal njela sə dee el, Kura ləa gə́ dara gə́ aar nea̰’g lé To njekaji dee, Dan meenoji gə kookəmtondoo’g ləa lé Yeḛ nja uga ne dɔ dee. Ta-ta mee ndɔje gə́ ləw lé Yeḛ gəd dee ləm, Yeḛ odo dee ləm tɔ.

Bula lə Israɛlje 20:16

Jeḛ no̰ rɔ Njesigənea̰’g ndá yeḛ oo ndu no̰ lə sí ya. Yeḛ ula kura ləa gə́ dara aree ar sí j’undaje loo mee ɓee gə́ Ejiptə n’teḛje. Aa oo, ɓasinè j’isije Kades, ɓee-boo gə́ to ŋgaŋ dɔ naŋg ɓee’g ləi.

Néra Njékaḭkulaje 7:34

Neḛ n’oo kəmtondoo lə koso-dəwje lə neḛ gə́ d’isi Ejiptə ləm, n’oo ndu no̰je lə dee ləm tɔ ndá neḛ n’ree gə mba kɔm dee tar. Ɓasinè aw n’a gə kulai Ejiptə’g ya.

Ǝbrəje 4:15

Mbata ŋgɔ-njekinjanéməs lə sí lé askəm gər gin rəm lə sí gao ya mbata yeḛ si dan nékərje gə́ gə ria-ria to gə́ ra sí lé nɛ yeḛ tibi ne mbɔr kaiya el.

1 Samel 9:16

Bèlè, kàr gə́ bèe ndá m’a kula dəw gə́ ɓee’g lə Bḛjami karee ree rɔi’g ndá i a kwa dəa gə ubu mba karee to mbai dɔ koso-dəwje ləm gə́ Israɛl. Yeḛ a taa koso-dəwje ləm ji Pilistije’g mbata ma m’aa loo m’oo koso-dəwje ləm ndá ndu no̰ lə dee aw saar teḛ rɔm’g ya.