Teḛ-Raga 3:21 - Maktub gə́ To gə Kəmee

²¹ M’a ra né kar koso-dəwje neelé taa ne kəm njé gə́ Ejiptə rəgm, bèe ɓa loo gə́ seḭ a gə teḛ kawje ndá seḭ a kawje gə ji sí kari ba el.

Teḛ-Raga 3:21 ပူးပေါင်းရင်းမြစ်များ

Gḭ-Néje 15:14

Nɛ m’a gaŋgta dɔ ɓeeko̰ gə́ njekwa dee gə́ ɓər lé ndá gée gə́ gogo d’a kunda loo teḛ gə nébaoje bula tɔ.

Gḭ-Néje 39:21

Njesigənea̰ nai gə Jisəb ləm ra səa meemaji ləm tɔ. Yeḛ aree taa kəm mbai gə́ njeŋgəm kəi-daŋgai lé rəgm.

1 Mbaije 8:50

ar məəi oso lemsé dɔ kaiya ra koso-dəwje’g ləi gə dɔ kaltaje’g lə dee gə́ d’al d’ɔsi ne rəw lé, maji kari ɔs deḛ gə́ njékwa dee gə́ ɓərje kaw sə dee lé ɓɔḭ-ɓɔḭ mba kar dee nja kara d’oo kəmtondoo lə dee tɔ.

Nehemi 1:11

Ai, Mbaidɔmbaije, maji kari ur mbii gèŋ oo ne tamaji lə kura ləi ləm, gə tamaji lə kuraje ləi gə́ ndigi ɓəl rii ləm tɔ. Ɓogənè lé, ar kura ləi teḛkɔr ləm, aree taa kəm dəw neelé rəgm ləm tɔ! Mee ndəaje’g neelé ma m’to gə́ njekar mbai nékai ya.

Pakɔsje 105:37

Yeḛ ar koso-dəwje ləa d’unda loo teḛ Gə larnda gə larlɔr ji dee’g kel-kel Ar dəw kára gə́ mbuna ginkoji’g lə dee lé unda ndolè el.

Pakɔsje 106:46

Yeḛ ɔs njékwa dee gə́ ɓərje lé Ar meḛ dee aw taḭ-taḭ dɔ dee’g ləm tɔ.

Teḛ-Raga 11:2

Maji kari ula dəwje mba kar diŋgam gə́ rara kara a kwɔi njeboatakəi ləa gə́ diŋgam ləm, dené ndá a kwɔi njeboatakəi ləa gə́ dené ləm tɔ, néra-ma̰dje gə néra-basaje gə́ ra gə larnda əsé gə larlɔr tɔ.

Teḛ-Raga 11:3

Njesigənea̰ ar koso-dəwje lé taa kəm njé gə́ Ejiptə rəgm. Moyis kara to dəw gə́ boo mee ɓee gə́ Ejiptə kəm kuraje’g lə Parao̰ ləm, gə kəm koso-dəwje’g ləm tɔ.

Teḛ-Raga 12:35

Israɛlje lé ra né gə́ Moyis ula dee kédé lé, bèe ɓa deḛ kwɔi njé gə́ Ejiptə néndamje gə́ ra gə larnda əsé gə larlɔr ləm, gə kubuje ləm tɔ.

Teḛ-Raga 12:36

Njesigənea̰ ra né ar dəwje neelé taa kəm njé gə́ Ejiptə rəgm ndá deḛ d’ar dee néje gə́ deḛ kwɔi dee lé ya. Bèe ɓa deḛ taa ne nébaoje lə njé gə́ Ejiptə ya.

Gosota-Kəmkàrje 16:7

Loo gə́ rəw-kaw dəw taa kəm Njesigənea̰ rəgm ndá Njesigənea̰ ar njéba̰je ləa kara d’ɔm səa na̰’d tɔ.

Néra Njékaḭkulaje 7:10

Nɛ Ala nai səa ɔree ne dan némeekonje’g ləa lai. Yeḛ ar kəmee àr ləm, ar néreaje lai taa kəm Parao̰, mbai gə́ Ejiptə’g ləm tɔ ndá Parao̰ lé undá gə́ njeguburuɓee gə́ Ejiptə’g ləm, gə njekaa dɔ kəi’g ləa ləm tɔ.

Tel tura Godndu 15:13

Nɛ loo gə́ seḭ a gə kyá̰je kaareeje ḭ kəi lə sí aw lé ndá seḭ a kaareeje aw jia kari ba el,