Teḛ-Raga 3:20 - Maktub gə́ To gə Kəmee

²⁰ M’a kila tuji dɔ ɓee gə́ Ejiptə ndá m’a kar nédumkooje gə́ gə ria-ria teḛ dan dee’g. Gée gə́ gogo ndá yeḛ a kya̰ loo kar sí awje ya.

Teḛ-Raga 3:20 ပူးပေါင်းရင်းမြစ်များ

Gḭ-Néje 15:14

Nɛ m’a gaŋgta dɔ ɓeeko̰ gə́ njekwa dee gə́ ɓər lé ndá gée gə́ gogo d’a kunda loo teḛ gə nébaoje bula tɔ.

Nehemi 9:10

I ra nékɔbje gə néje gə́ dum koo Koma̰ ne Parao̰ gə kuraje ləa Gə koso-dəwje lai gə́ mee ɓee’g ləa. Mbata i oo némeeyèrje gə́ deḛ ra gə bɔ síje-je lé, Yee ɓa i riba ne dɔ rɔnduba ləi to gə́ i ra bèe lé tɔ.

Pakɔsje 105:27

Mbɔl dɔ siŋgamoŋ ləa ɓa Deḛ ra ne néje gə́ dumkoo mbuna dee’g ləm, Deḛ ra némɔrije mee ɓee gə́ Kam’g lé ləm tɔ.

Pakɔsje 105:38

Njé gə́ Ejiptə lé d’al rɔ dee dɔ kaw’g lə dee Mbata ɓəl-boo gə́ deḛ ɓəl dee lé unda dee badə gaŋg dee.

Pakɔsje 106:22

Gə ra némɔrije mee ɓee gə́ Kam’g ləma, Gə néje gə́ dum kəm ta baa-boo-kad gə́ ria lə Baa-Kas’g lé ləm tɔ.

Teḛ-Raga 11:1

Njesigənea̰ ula Moyis pana: M’a kar tuji-boo gə́ raŋg kára teḛ dɔ Parao̰’g gə dɔ Ejiptə’g ya ɓəi tɔ. Gée gə́ gogo ndá yeḛ a kya̰ sí kar sí ḭje awje ŋga. Loo gə́ yeḛ a gə kya̰ sí kar sí awje tɔgərɔ ya ndá yeḛ a tuba sí loo gə́ nee’g gə́ tuba ya.

Teḛ-Raga 12:39

Nduji gə́ deḛ loḭ Ejiptə gə́ d’ɔm əm-tiné keneŋ nɛ ti el ɓəi lé deḛ d’ila gə́ mbə, mbata deḛ tuba deḛ Ejiptə gə́ tuba ya d’ar dee d’ḭ kalaŋ ndá d’iŋga loo kwa dɔ gɔl nésɔ k’aw rəbə lə dee el.

Teḛ-Raga 13:3

Moyis ula koso-dəwje pana: Arje meḛ sí olé dɔ ndɔ’g neelé gə́ seḭ undaje ne loo mee ɓee-ɓər’g teḛje lé, mbata ji siŋgamoŋ lə Njesigənea̰ gə́ ɓar mèr-mèr lé ɓa Njesigənea̰ ar sí undaje ne loo teḛje ya. Loo gə́ seḭ raje naḭ neelé ndá dəw a ko̰ muru gə́ əm-tiné keneŋ pai godo.

Teḛ-Raga 13:9

Naḭ neelé a to nétɔji gə́ a to ji sí’g ləm, a to nékolé-mee gə́ a to ŋgo no̰ sí’g ləm tɔ gə mba kar godndu Njesigənea̰ to ne tai’g.

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.

Teḛ-Raga 15:6

Ǝi Njesigənea̰, jikɔli tɔji loo-siŋgamoŋ ləi ləm, Ǝi Njesigənea̰, jikɔli ɓa rəd njéba̰je ləi lé naŋg mbə̰ji-mbə̰ji ləm tɔ.

Teḛ-Raga 4:21

Njesigənea̰ ula Moyis pana: Tel gə́ i a gə tel kaw Ejiptə gogo lé aa oo, némɔrije lai gə́ m’ɔm jii’g lé i a ra dee no̰ Parao̰’g ya. Nɛ ma lé m’a kar mée ndər ndá yeḛ a kya̰ loo kar koso-dəwje lé d’aw el.

Teḛ-Raga 6:1

Njesigənea̰ ula Moyis pana: Ɓasinè i a koo né gə́ m’a gə ra gə Parao̰, ji siŋgamoŋ gə́ ɓar mèr-mèr lé ɓa a kɔsee ɓɔḭ-ɓɔḭ gə mba karee ya̰ dee ar dee d’aw ləm, ji siŋgamoŋ gə́ ɓar mèr-mèr lé ɓa a kɔsee karee tuba dee ne mee ɓee’g ləa ləm tɔ.

Teḛ-Raga 6:6

Gelee gə́ nee ɓa, maji kari ula Israɛlje pana: Ma m’to Njesigənea̰. Kulaje ɓəd-ɓəd gə́ njé gə́ Ejiptə d’ɔm dɔ sí’g lé m’a kɔr dɔ sí’g ləm, m’a kar sí ɔrje dɔ sí kúla ɓər’g lə dee ləm, m’a kaji sí gə goo jim gə́ kula ndiŋ ləma, gə goo rəwta-gaŋgje gə́ boo-boo ləm tɔ.

Teḛ-Raga 9:15

Ɓó lé n’ula ji neḛ ndiŋ gə mba tɔli-i gə koso-dəwje ləi gə yoo-koso ndá seḭ a saneje kad dɔ naŋg nee ya.

Esai 19:22

Togə́bè ɓa Njesigənea̰ a kunda Ejiptəje ya, yeḛ a kunda dee ya nɛ a tel kaji dee ɓəi, ndá deḛ d’a tel ree rɔ Njesigənea̰’g yeḛ gə́ a koo ndu dee ləm, a kaji dee ləm tɔ.

Esai 26:11

Njesigənea̰, ji siŋgamoŋ ləi ɓar mèr-mèr ya Nɛ deḛ d’oo bèe el. D’a koo mal koso-dəwje ləi gə́ rai Ndá rɔ dee a kul ne, Pər a roo njéba̰je ləi dula-dula.

Ejekel 20:33

Mbaidɔmbaije gə́ Njesigənea̰ pana: Neḛ n’to njesikəmba! Kag ji neḛ gə́ ɓar mèr-mèr gə́ n’ula ndiŋ lé ɓa n’a ko̰ ne ɓee dɔ sí’g ndá n’a ɓugu ne boo-oŋg lə neḛ dɔ sí’g tɔ.

Misee 7:15

N’a kar sí ooje némɔrije To gə́ mee ndəa gə́ kédé gə́ seḭ undaje ne loo mee ɓee gə́ Ejiptə teḛje lé.

Néra Njékaḭkulaje 7:36

Yeḛ nja ɓa ar dee d’unda loo mee ɓee gə́ Ejiptə teḛ loo gə́ yeḛ ra nédumkooje gə némɔrije mee ɓee gə́ Ejiptə ləm, dan baa-boo-kad gə́ ria lə Baa-Kas ləma, gə dɔdilaloo’g ləm tɔ saar as ləb rɔ-sɔ.

Tel tura Godndu 4:34

See ndɔ kára magə kára saŋg loo gə mba taa ginkoji dəwje mbuna ginkoji dəwje gə́ raŋg’d gə mbata ləa gə goo nénaaje ləm, gə nétɔjije ləm, gə némɔrije ləm, gə rɔ ləm, gə jia gə́ ɓar mèr-mèr gə́ ula ndiŋ ləma, gə néje gə́ to ɓəl kədm-kədm ləm tɔ to gə́ Ala lə sí gə́ Njesigənea̰ ra ɔr sí ne mee ɓee gə́ Ejiptə kəm sí’g nee lé ya to wa.

Tel tura Godndu 6:22

Njesigənea̰ ra némɔrije gə néje gə́ boo-boo gə́ dumkoo ləm gə to ɓəl ləm tɔ kəm sí’g oma̰ ne gə njé gə́ Ejiptə ləm, gə Parao̰ gə njémeekəije ləa lai ləm tɔ.

Njéga̰g-Rəwtaje 6:8

ndá Njesigənea̰ ula njetegginta kára rɔ Israɛlje’g. Yeḛ ula dee pana: Njesigənea̰, Ala lə Israɛlje lé pa togə́bè pana: Neḛ n’ar sí undaje loo mee ɓee gə́ Ejiptə teḛje ləm, neḛ n’ar sí undaje loo mee kəi kula ɓər’g teḛje ləm tɔ.

Njéga̰g-Rəwtaje 8:16

Bèe ɓa yeḛ wa ne ŋgatɔgje gə́ mee ɓee-boo’g neelé ndá yeḛ ula kəm dəwje gə́ Sukot ndòo gə kunje gə́ dɔdilaloo’g ləm, gə kun ŋgarje ləm tɔ.