Teḛ-Raga 3:12 - Maktub gə́ To gə Kəmee

¹² Ala pana: Ma nja m’a korè səi rəw na̰’d més, tɔɓəi né gə́ a kari gər gao to gə́ to ma nja m’ulai ɓa to nee: Loo gə́ i ar koso-dəwje d’unda loo mee ɓee gə́ Ejiptə teḛ mba̰ ndá seḭ a kwaje kila Ala dɔ mbal’g neelé ya.

Teḛ-Raga 3:12 ပူးပေါင်းရင်းမြစ်များ

Gḭ-Néje 15:1

Loo gə́ ta néje neelé dəs mba̰ ndá né gə́ mḭdi ɓa Njesigənea̰ teḛ ne dɔ Abram’g un ta ulá ne pana: Abram, ɓəl el. Ma m’to dər-rɔ ləi ndá nédɔji ləi a kal dɔ loo.

Gḭ-Néje 15:8

Abram ilá keneŋ pana: Mbai gə́ Njesigənea̰, see ɗi ɓa a karm m’gər ne to gə́ né neelé a to kama wa.

Gḭ-Néje 26:3

I a si mee ɓee’g neelé waga ndá m’a nai səi ləm, m’a tɔr ndum dɔi’g ləm tɔ. Mbata dɔ naŋg ɓeeje neelé lai lé m’a kari-i gə ŋgakaije ya. M’a ra né gə́ ma man ne rɔm m’ar bɔbije gə́ Abrakam lé karee ɔr rɔd ya.

Gḭ-Néje 31:3

Yen ŋga Njesigənea̰ ula Jakob pana: Tel aw dɔ naŋg ɓee’g lə kaijeje, loo gə́ d’ojii keneŋ ndá m’a nai səi keneŋ ya.

2 Mbaije 19:29

Maji kar né neelé to gə́ nétɔji: D’a sɔ kandə kó gə́ uba gə́ karee ba mee ləb gə́ nee, tɔɓəi kal gə́ njekorè gée gə́ raŋg ndá d’a sɔ da-kó ya ɓəi, nɛ ləb gə́ njekɔm’g munda ndá seḭ a dubuje kó ɓa seḭ a kinjaje ləm, seḭ a ndɔje nduúje ɓa a sɔje kandə dee ləm tɔ.

1 Sôrta Gḭka-Israɛlje 9:20

tɔɓəi kédé lé Pines, ŋgolə Eləajar ɓa to gə́ mbai dɔ dee ndá Njesigənea̰ nai səa.

Pakɔsje 86:17

Maji kari am m’oo nétɔji gə́ wɔji dɔ meemaji gə́ i a gə ra səm lé Maji kar njéba̰je ləm d’oo ləm, Ar kəm sɔḭ wa kəm dee ləm tɔ. Ǝi Njesigənea̰, i lé to njela səm gə njegɔl məəm ya.

Teḛ-Raga 18:5

Jetro gə́ məəm Moyisje lé ree gə ŋgalə Moyis gə dené ləa lé, ree sə dee dɔdilaloo’g loo gə́ yeḛ si mbɔr mbal’g lə Ala waga.

Teḛ-Raga 3:1

Moyis aw ul nékulje lə məmeeje gə́ ria lə Jetro gə́ to njekinjanéməs gə́ Madian, yeḛ aw gə nékulje neelé dɔdilaloo’g teḛ sə dee dɔ mbal’g lə Ala gə́ ria lə Oreb.

Teḛ-Raga 3:13

Moyis ulá pana: M’a kaw rɔ Israɛlje’g ŋga, m’a kula dee pana: Ala lə bɔ síje-je ɓa ulam rɔ sí’g. Nɛ ɓó lé deḛ dəjim pana: See ria lə na̰ wa ndá ŋga, see ta ɗi ɓa m’a kila dee keneŋ wa.

Teḛ-Raga 33:14

Njesigənea̰ ilá keneŋ pana: Ma nja m’a korè səi rəw na̰’d més ləm, m’a kari iŋga loo-kwa-rɔ ləi ləm tɔ.

Teḛ-Raga 4:12

Aw ya, m’a nai gə tai ya, tɔɓəi m’a ndooi ta gə́ kəm kari pa ya ləm tɔ.

Teḛ-Raga 4:15

I a kulá ta ləm, i a kɔm tareeje lai təa’g ləm tɔ, nɛ ma nja m’a nai gə tai ləm, m’a nai gə təa-yeḛ ləm tɔ, tɔɓəi ma nja m’a ndoo sí né gə́ kəm kar sí raje lé ya tɔ.

Teḛ-Raga 8:27

Njesigənea̰ ra né gə́ Moyis dəjee lé ya, ndá ar kəm mbàje lé d’ɔr rɔ dee pam rɔ Parao̰’g ləm, gə rɔ kuraje’g ləa ləma, gə rɔ dəwje’g ləa ləm tɔ. Yee gə́ kára kara nai lée’g neelé el ŋga.

Esai 37:30

Maji kari oo né nee gə́ a tɔjii lé: Dəw sɔ kandə kó gə́ oso naŋg mee ləb gə́ kára tɔɓəi kal gə́ raŋg ndá yeḛ sɔ da-kó gə́ uba gə karee ba tɔ. Nɛ ləb gə́ njekɔm’g munda ndá seḭ a dubuje kó ndá seḭ a kinjaje ləm, seḭ a ma̰aje nduúje ndá seḭ a sɔje kandə dee ləm tɔ.

Esai 41:10

Ɓəlje el Mbata ma m’nai sə sí, Maji kar sí aaje loo gə kəm ɓəl el Mbata ma m’to Ala lə sí, M’a kar siŋga sí ḭ dɔ maree’g ləm, M’a ree la sə sí ləma, M’a gəd sí gə jikɔlm gə́ ɓar mèr-mèr ləm tɔ.

Esai 43:2

Ɓó lé seḭ aw gaŋgje mán ndá M’a nai sə sí Ndá baa-booje d’a tur dɔ sí el, Ɓó lé seḭ njaaje dan pər’g ndá A roo sí el ləm, Ndo̰ pər a kunda sí bilim el ləm tɔ.

Esai 7:14

Gelee gə́ nee ɓa Mbaidɔmbaije ya a kar sí nétɔji. Aa ooje, ŋgoma̰də a taa kèm ndá a koji ŋgon gə́ diŋgam. Tɔɓəi yeḛ a kunda ria lə Emanuɛl (kɔr gelee pana: Ala nai sə síjeḛ).

Jeremi 1:8

I a ɓəl kəm dee el, Mbata m’a nai səi gə mba kajii. Njesigənea̰ ɓa pa bèe.

Bula lə Israɛlje 16:28

Moyis pana: Né neelé ɓa, seḭ a gərje ne to gə́ Njesigənea̰ nja ulam mba kam m’ra néje neelé lai ɓó to ma ɓa m’ra gə dɔrɔm el.

Bula lə Israɛlje 23:21

Yeḛ oo néra kori-kori rɔ Jakob’g el ləm, Yeḛ oo néra gə́ lal najee rɔ Israɛlje’g el ləm tɔ. Njesigənea̰, Ala ləa nai səa ləm, Yeḛ to mbai ləa ləma, gə gin rɔkal ləa ləm tɔ.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Mark 16:20

Deḛ d’ḭ d’aw gə loo lai d’ila mber tagə́maji lé ya. Mbaidɔmbaije orè dee més loo kula ra dee’g ya ndá yeḛ ar dee ra némɔrije d’orè ne kaar ta ləa gə́ deḛ d’ɔr lé aree to gə́ kankəmta ya.

Néra Njékaḭkulaje 11:21

Ji Mbaidɔmbaije nai dɔ dee’g ar dəwje bula d’ɔm meḛ dee dɔ ta’g lə dee ləm, d’un meḛ dee d’ar Mbaidɔmbaije ləm tɔ.

Néra Njékaḭkulaje 7:7

Nɛ ginkoji dəwje gə́ d’a gə ra dee ɓər lé Ala pana: Neḛ nja n’a gaŋgta dɔ dee’g. Gée gə́ gogo d’a kunda loo teḛ raga ndá d’a kwa neḛ meḛ dee’g lée gə́ neelé ya.

Njé gə́ Rɔmə 8:31

See j’a pa ban dɔ ta’g neelé ɓəi wa. Ɓó lé Ala nai sə sí ndá see na̰ ɓa a koma̰ sə sí gə dɔrea wa.

Tel tura Godndu 31:23

Njesigənea̰ un ndukunje ləa ar Juje, ŋgolə Nun. Yeḛ pana: Wa rɔi kɔgərɔ ləm, wa diŋgam məəi’g ləm tɔ mbata to i ɓa a gə kar Israɛlje d’andə mee ɓee gə́ ma man rɔm gə mba kar dee lé, ndá ma nja m’a nai səi tɔ.

Ǝbrəje 13:5

Lar gə́ seḭ ndigije lé raje ɓəree el, arje meḛ sí oso lemsé dɔ né gə́ to ji sí’g mbata Ala nja pana: M’a kuba sí kya̰ sí nda̰ el ləm, m’a kya̰ goo sí yɔgɔ el ləm tɔ.

Jujé 1:5

Gə mee ləbje lai gə́ i a si ne kəmba lé dəw kára kara a kaskəm kaar gəs nɔḭ’g el. M’a gə nai səi to gə́ m’nai ne gə Moyis bèe ya. M’a kɔr kya̰’i el ləm, m’a kubai kya̰’i el ləm tɔ.

Njéga̰g-Rəwtaje 6:12

Kura lə Njesigənea̰ gə́ dara teḛ dəa’g wai ndá ulá pana: Njesigənea̰ nai səi, i gə́ to bao-rɔ lé.

Njéga̰g-Rəwtaje 6:16

Njesigənea̰ ulá pana: Nɛ m’a nai səi ndá i a dum dɔ Madianje gə́ bula neelé to gə́ dəw gə́ kára ba bèe.

Njéga̰g-Rəwtaje 6:17

Gedeo̰ tel ilá keneŋ pana: Ɓó lé m’taa kəmi ndá maji kari ra né kára mba tɔjim ne to gə́ i ɓa ulam ta nee ya.

Njéga̰g-Rəwtaje 6:21

Yen ŋga kura lə Njesigənea̰ gə́ dara ɔrɔ rɔ da gə muru gə́ əm-tiné godo keneŋ gə dɔtel kag gə́ to jia’g. Léegəneeya pər ḭ dɔ biri mbal’g roo da gə muru gə́ lal əm-tiné lé rɔg-rɔg. Ndá kura lə Njesigənea̰ gə́ dara lé sané pá kəmee’g.

Njéga̰g-Rəwtaje 7:11

I a koo taje lai gə́ d’a gə pa ndá gée gə́ gogo jii a ɓar mèr-mèr, bèe ndá aw loo-si dee’g lé ya. Yeḛ aw gə Pura, kura ləa lé na̰’d saar teḛ ŋgaŋ loo-si dee’g raga tɔ.

1 Samel 14:10

Nɛ ɓó lé d’ula sí pana: N’reeje rɔ neḛje’g wa tɔ ndá j’a tugaje loo kaw ya to mbata Njesigənea̰ ya̰ dee ji sí’g. Yee ɓa a to nétɔji kar sí ya.