Teḛ-Raga 3:11 - Maktub gə́ To gə Kəmee

¹¹ Moyis dəji Ala pana: See ma jén m’as ɗi to ɓa m’a kaw rɔ Parao̰’g mba kar Israɛlje d’unda loo mee ɓee gə́ Ejiptə teḛ wa.

Teḛ-Raga 3:11 ပူးပေါင်းရင်းမြစ်များ

2 Samel 7:18

Yen ŋga mbai Dabid lé aw aar no̰ Njesigənea̰’g ulá pana: Mbaidɔmbaije gə́ Njesigənea̰, see ma m’to gə́ na̰ əsé gel-bɔje ləm ɓa gə́ na̰je to ɓa i am m’ree m’isi ne nee wa.

1 Mbaije 3:7

Ɓasinè lé Njesigənea̰ Ala ləm, i ar kura ləi taa tor bɔbeeje gə́ Dabid loo ko̰ɓee’g ləa, nɛ ma m’to basa ɓəi, m’as gər goso kɔr no̰ dəwje el ɓəi tɔ.

1 Mbaije 3:9

Bèe ndá maji kari ula gosonégər mee kura’g ləi gə mba karee gaŋg ne rəwta lə koso-dəwje ləi ləm, gə mba gər kɔr ne kəm né gə́ maji gə né gə́ majel ləm tɔ. Mbata see na̰ ɓa a kaskəm gaŋg rəwta lə koso-dəwje ləi gə́ to dəwje gə́ bula digi-digi neelé gə dɔrea wa.

1 Sôrta Gḭka-Israɛlje 29:14

Nɛ ma jén yḛ̀ see m’unda bḭ ɗi to əsé dəwje ləm tɔ gə́ na̰je to ɓa gə mba kar sí j’a kaskəm kḭ gə meḛ sí kun nékarje gə́ togə́bè kari wa. Néje lai gə́ j’un j’ari lé to né gə́ ḭ meḛ jii-i’g ya.

Teḛ-Raga 6:12

Moyis ila Njesigənea̰’g kəmee’g ya pana: Aa oo, Israɛlje ya ɓəi d’oo ta ləm el, ŋga see Parao̰ yḛ̀ a koo ta ləm loo gə́ ra’g wa. Ma lé m’to njetakwɔi.

Jeremi 1:6

Ma m’tel m’ilá keneŋ m’pana: Wai! Mbaidɔmbaije gə́ Njesigənea̰, ma m’nai ŋgon yaa̰ ɓó m’askəm pata kəm koso-dəwje’g el.

2 Njé gə́ Kɔrḭtə 2:16

Njé gə́ na̰je lé baḭ neelé to baḭ ka̰ yoo gə́ wɔji dɔ yoo dee ya nɛ njé gə́ raŋg lé to baḭ ka̰ kəmə gə́ a kar dee d’isi ne kəmba tɔ. See na̰ ɓa askəm ra kula gə́ togə́bè wa.

2 Njé gə́ Kɔrḭtə 3:5

Jeḛ lé j’askəm kwɔji né kára kara gə dɔrɔ sí el nɛ né gə́ rara gə́ to rɔ sí’g lé ḭ rɔ Ala’g ya.

Njéga̰g-Rəwtaje 6:15

Ǝi mbai ləm see m’a kila Israɛlje tar to gə́ ban wa. Aa oo, njénojije ləm tɔ gə́ njéndooje gə́ kul kwɔji-kwɔji unda mar deeje gə́ mbuna ginkoji Manasə’g tɔɓəi ma kara m’to ŋgon gə́ na̰ mee kəi’g lə bɔmje ləm tɔ.

1 Samel 18:18

Dabid ila Sawul’g pana: See m’unda bḭ ɗi əsé ginkojim to gə́ ɗi əsé njémeekəije lə bɔm d’as ɗi mee ɓee gə́ Israɛl ɓa gə mba kam m’to ne məəm mbaije wa.