Teḛ-Raga 28:9 - Maktub gə́ To gə Kəmee

⁹ D’a kodo jər onikis joo ndá d’a kinja ri Israɛlje gə́ diŋgam keneŋ.

Teḛ-Raga 28:9 ပူးပေါင်းရင်းမြစ်များ

Gḭ-Néje 2:12

Larlɔr gə́ mee ɓee’g neelé to yee gə́ àr ŋgad-ŋgad ya. Jərje gə́ ɓar dee delium gə onikis kara to keneŋ ləm tɔ.

1 Sôrta Gḭka-Israɛlje 29:2

Ma m’ula rɔm ndubu m’wa dɔ gɔl néra kəi Ala ləm, né gə́ kəm ra gə larlɔr ndá a to gə́ larlɔr ya ləm, né gə́ kəm ra gə larnda ndá a to gə́ larnda ləm, né gə́ kəm ra gə larkas ndá a to gə́ larkas ləm, né gə́ kəm ra gə larndul ndá a to gə́ larndul ya ləma, né gə́ kəm ra gə kag ndá a to gə́ kag ya ləm tɔ, tɔɓəi m’wa dɔ gɔl jərje gə́ ɓar dee onikis gə jərje gə́ ka̰ tula néməmə deeje’g ləm, gə jərje gə́ ndɔḭ wər-wər ləm, gə jərje gə́ ndaji dee to ɓəd-ɓəd ləma, gə jərje ɓəd-ɓəd gə́ gad dee to yaa̰ ləm tɔ, mbalje gə́ ndá lé kara bula yaa̰ tɔ.

2 Sôrta Gḭka Israɛlje 2:7

Maji kari ula gə kag-sɛdrəje gə kag-siprɛsje gə kag-sa̰dalje gə́ Liba̰ am, mbata ma m’oo to gə́ kuraje ləi gər tuga kagje gə́ Liba̰. Aa oo, kuraje ləm-ma lé d’a kaw gə kaḭje na̰’d ya.

Maktub gə́ wɔji dɔ Jɔb 28:16

Dəw askəm kwɔjee gə larlɔr gə́ Opir el ləm, Esé gə jər gə́ ɓaree Onikis gə́ gadee to yaa̰ el ləma, əsé gə jər sapir el ləm tɔ.

Teḛ-Raga 25:7

gə jər onikis, gə jərje gə́ raŋg mba tɔs dɔ épod’g gə ɓɔl kubu gə́ tɔ kaar dee’g ləm tɔ.

Teḛ-Raga 28:10

Ri dee-deḛ gə́ misa̰ lé a kinja dɔ jər gə́ kára’g ləm, ri deḛ gə́ misa̰ gə́ raŋg lé a kinja dɔ jər gə́ njekɔm’g joo’g ləm tɔ gə goo koji dee gə́ d’orè ne goo na̰ bèe ya.

Teḛ-Raga 28:20

rəbee gə́ njekɔm’g sɔ a to krijɔlitə, gə onikis, gə jaspə. Jərje neelé d’a kwa dee gə néməmə deeje gə́ ra gə larlɔr lé.

Teḛ-Raga 28:36

D’a léḛ larlɔr gə́ àr ŋgad-ŋgad ndá d’a tḭja né keneŋ to gə́ tḭja ne nétorjije bèe pana: TO GƎ KƎMEE KAR NJESIGƎNEA̰.

Teḛ-Raga 28:8

Gagəra lé d’a ra asəna gə épod bèe ləm, d’a tɔ dɔ’g ləm tɔ, d’a ra gə kúla larlɔr ləm, gə kúla gə́ ndul piro-piro gə kas gəḭ gə kas njir-njir ləma, gə kúla palégal gə́ sorè ləm tɔ.

Teḛ-Raga 31:5

ma m’aree gər tɔl jərje gə́ ka̰ ra lar məmə ne gir dee ləm, gə tɔl kagje ləma, gə ra kulaje gə́ raŋg ɓəd-ɓəd ləm tɔ.

Teḛ-Raga 39:13

rəbee gə́ njekɔm’g sɔ to Krisolitə, gə onikis, gə jaspə tɔ. Jərje neelé deḛ d’wa dee gə néməmə deeje gə́ ra gə larlɔr.

Teḛ-Raga 39:6

Deḛ ra néməmə-dɔ-jərje gə larlɔr mba kwa ne jər onikisje, to jərje gə́ deḛ tḭja ri Israɛlje gə́ diŋgam keneŋ to gə́ tḭja ne nétorjije bèe.

Pa gə́ ur dɔ paje 8:6

Maji kari wam kaari’g sud To gə́ nétorji bèe, To gə́ nétorji gə́ to kag jii’g, Mbata ndigi na̰ lé Siŋga yaa̰ to gə́ ka̰ yoo bèe ləm, Ra nḭ-na̰ lé kədərə To gə́ loo-si njé gə́ d’wəi bèe ləm tɔ. Ra mal-na̰ gə́ ra dee lé O̰ meḛ dee lèm-lèm to gə́ pər To gə́ ndo̰ pər lə Njesigənea̰ bèe.

Esai 49:16

Aa ooje, Ma m’ndaŋg ri sí dabla jim’g, Kəm to dɔ sí’g pèrèrè.

Ejekel 28:13

Kédé i to asəna gə loo-ndɔ lə Ala mee loo gə́ Edḛ, jərje gə́ gad dee ur kugu gə́ ri dee lə sarduanə, gə topajə, gə diama̰, gə krijolitə, gə onikis, gə jaspə, gə sapir, gə eskarbuklə, gə emerodə, gə larlɔr taa rɔi pəl-pəl, dalèje gə buulaje to gə́ néra kulaje ləi gə́ deḛ gɔl dee d’unda dee pèrèrè d’wɔji ne ndɔ tum gini’g.

Jakari 9:16

Njesigənea̰, Ala lə dee a kaji dee mee ndəa’g neelé To gə́ koso-nékulje lə koso-dəwje ləa bèe, Mbata deḛ to d’asəna gə jərje gə́ ndɔḭ mee dɔgugu’d Gə́ d’a ndogó mee ɓee’g ləa bèe.