Teḛ-Raga 28:2 - Maktub gə́ To gə Kəmee

² I a ra kubuje gə́ to gə kəmee mbata lə ŋgokɔḭ Aaro̰ mba kula ne rɔnduba dəa’g ləm, mba kundá ne gə kəmee ləm tɔ.

Teḛ-Raga 28:2 ပူးပေါင်းရင်းမြစ်များ

Maktub gə́ wɔji dɔ Jɔb 40:10

Maji kari ɗɔi rɔi gə boo-nérɔnduba gə némajije gə́ bə̰dərə bə̰ ləm, Maji kari ula rɔnduba gə riɓar rɔi’g to gə́ kubu bèe ləm tɔ.

Pakɔsje 132:16

N’a kula kaji rɔ njékinjanéməsje’g ləa asəna gə kubu bèe ləm, Majikojije ləa lé d’a ra né wəl-wəl gə rɔlel ya ləm tɔ.

Pakɔsje 132:9

Maji kar njékinjanéməsje ləi lé Dolè rɔ dee gə meekarabasur ləm, Maji kar majikojije ləi lé Ra né wəl gə rɔlel ya ləm tɔ.

Pakɔsje 149:4

Mbata Njesigənea̰ ar rəa lelee dɔ dəwje’g ləa, Njénékəmndooje lé yeḛ aji dee ula ne rɔnduba dɔ dee’g tɔ.

Pakɔsje 96:6

Néje gə́ ndɔḭ mbənənə-mbənənə gə boo-ronduba daa na̰ nea̰’g ləm, Siŋgamoŋ gə rɔnduba taa loo mee kəi’g ləa gə́ to gə kəmee lé pəl-pəl ləm tɔ.

Teḛ-Raga 28:40

D’a ra kubuje gə́ dɔ maree’g mbata ŋgalə Aaro̰ gə́ diŋgam ləm, d’a ra gagəraje ləma, gə jɔgje ləm tɔ, gə mba kula ne rɔnduba dɔ dee’g ləm, kunda dee ne gə kəmee ləm tɔ.

Teḛ-Raga 29:28

Néje neelé d’a to ka̰ Aaro̰ gə ka̰ ŋganeeje gə́ diŋgam gə goo godndu gə́ to gə no̰ gə́ Israɛlje d’a kaa dəa kər-kər mbata to nékar gə́ d’unee gə́ tar ndá mbuna nékinjanéməsje gə́ ka̰ kɔm na̰’d gə́ Israɛlje d’a kinja lé nékar gə́ d’unee gə́ tar lé a to ka̰ Njesigənea̰ ya.

Teḛ-Raga 31:10

gə kubuje gə́ ka̰ kula rɔ dee’g ra ne kula ləm, gə kubuje gə́ to gə kəmee mbata Aaro̰, gə́ to njekinjanéməs lé ləm tɔ,

Teḛ-Raga 40:13

I a kula kubuje gə́ to gə kəmee rɔ Aaro̰’g ləm, i a kwa dəa gə́ ubu ləma, i a kundá gə kəmee mba karee ra kula gə́ wɔji dɔ nékinjaməs kam ləm tɔ.

Esai 4:2

Mee ndəa gən lé barkəm Njesigənea̰ a tel kidi Gə rɔndɔḭ ləm, gə rɔnduba ləm tɔ, Ndá kandə né gə́ mee ɓee’g lé A tel bə̰dərə bə̰ ləm, A tel maji péd-péd ləm tɔ, Mbata lə Israɛlje gə́ teḛ ta yoo’g lé.

Esai 52:1

Teḛje kəm sí, seḭ gə́ síje Sio̰! Teḛje kəm sí, undaje siŋga sí dɔ maree’g, Ulaje kubu-naḭ rɔ sí’g, Seḭ gə́ Jerusalem, ɓee-boo gə́ to gə kəmee! Mbata deḛ gə́ lal kinja tamɔd dee gə njé gə́ mina̰ lé D’a kandə mee ɓee’g lə sí el ŋga.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Esai 61:3

Gə mba gɔl dɔ né Mbata lə njé gə́ Sio̰ gə́ d’wa ndòo yoo lé Gə mba kar dɔgugu taa tor bu-pər ləm, Kar ubu rɔlel taa tor kwa-ndòo-yoo ləm, Kar kubu-rɔlel taa tor rɔkwəi sululu ləma, Gə mba kar dee ɓar dee kag néra gə́ to gə dɔ najee Gə loo-ndɔ lə Njesigənea̰ Gə́ a gə kula rɔnduba dəa’g ləm tɔ.

Esai 64:6

Dəw kára kara gə́ njeɓar rii Yeḛ gə́ ɔs rəa ɓad mba kɔm səi na̰’d lé godo. Gelee gə́ nee ɓa i iya ne sə sí kəmi, I ya̰ sí ne mba kar sí j’uduje Gə goo néra majelje lə sí.

Ləbije 8:30

Moyis un ubu gə́ ka̰ kunda dee gə kəmee ləm, gə məs gə́ to dɔ loo-nékinjaməs’g ləm tɔ ndá yeḛ saga dɔ Aaro̰’g gə dɔ kubuje’g ləa ləm, gə dɔ ŋgalə Aaro̰’g gə dɔ kubuje’g lə dee ləm tɔ, yee ɓa yeḛ unda ne Aaro̰ gə kubuje ləa ləm, gə ŋgalə Aaro̰ gə kubuje lə dee lé gə kəmee səa na̰’d ləm tɔ.

Tagə́maji gə́ Ja̰ ndang 1:14

TA lé tel to darɔ dəw ndá yeḛ ree si mbuna sí’g. Noji gə kankəmta taa rəa pəl-pəl. Jeḛ lé j’oo rɔnduba ləa gə́ ka̰ ŋgon gə́ gəd-gəd gə́ to darɔ Bɔbee lé ya.

Njé gə́ Rɔmə 13:14

Nɛ Mbaidɔmbaije Jeju Kristi ɓa ulaje rɔ sí’g. Tɔsje kəm sí dɔ darɔ sí’g bao-bao mba kar mal néje gə́ ɓəd-ɓəd gə́ ra sí lé ula sí na̰’d el.

Njé gə́ Rɔmə 3:22

Meekarabasur lə Ala lé to ka̰ dee-deḛ gə́ d’ɔm meḛ dee dɔ Jeju Kristi’g. Dəw a kɔr kəm maree el.

Njé gə́ Galati 3:27

Seḭ lai gə́ deḛ ra sí batɛm d’ɔm sí ne gə Jeju Kristi na̰’d lé Kristi ɓa seḭ uneeje debeeje rɔ sí’g ya.

Ǝbrəje 2:9

Nɛ jeḛ j’oo Jeju, yeḛ gə́ Ala undá aree nai lam bèe a kas kuraje gə́ dara. Jeju lé ya̰ rəa ar yoo mba kar mbɔl dɔ noji lə Ala lé ɓa yeḛ wəi ne ila ne ɗigi kaar yoo’g mbata lə dəwje lai. Nɛ ɓasinè d’ula dɔgugu rɔnduba dəa’g ləm, d’ila ne riɓar dəa’g ləm tɔ.

Ǝbrəje 7:26

Tɔgərɔ ya, ŋgɔ-njekinjanéməs to gə́ yeḛ bèe ɓa jeḛ j’aw ndée ya, yeḛ gə́ to gə kəmee ləm, gelee godo ləm, won né kára kara wa mée el ləm, yeḛ ɔm na̰’d sad gə njékaiyaje el ləma, yeḛ ur dɔ dara’g pubug ləm tɔ.

2 Piɛrə 1:17

Mbata Ala Bɔbeeje lé ula mbai dəa’g ləm, gə ula rɔnduba dəa’g ləm tɔ loo gə́ ndu njedo̰gɔr-rɔnduba lé ɓar ne pana: Yeḛ neelé to ŋgonəm gə́ m’undá dan kəm’g, yeḛ taa kəm rəgm ya.

1 Ja̰ 3:2

Seḭ gə́ m’unda sí dan kəm’g lé jeḛ sə síje n’toje ŋgan-Alaje ɓasinè ya. See rɔ sí a tel to gə́ banwa. Yee ɓa to raga pai-pai el ɓəi, nɛ jeḛ n’gər gao loo gə́ yeḛ a teḛ wai ndá j’a to tana səa pai-pai ya mbata j’a kée gə́ dəw gə́ bèe lé ya.

Loo gə́ killa rea kəm Ja̰’g 19:8

D’un ndu dee gə mba karee ula kubu gə́ d’ṵji gə kúla palégal gə́ ndɔḭ ləd-ləd ləm, gə́ ndá kələw-kələw ləm tɔ lé rəa’g. Mbata kubu gə́ d’ṵji gə kúla palégal lé yee ɓa wɔji dɔ néra gə́ gə dɔ najee lə dee gə́ to gə kəmee.

Loo gə́ killa rea kəm Ja̰’g 5:10

I gɔl dee mbo̰ dee na̰’d gin ɓeeko̰ gə́ kára ba ləm, ar dee to ne njékinjanéməsje gə́ ka̰ Ala ləm tɔ ndá d’a ko̰ɓee dɔ naŋg ne.