Teḛ-Raga 28:1 - Maktub gə́ To gə Kəmee

¹ Maji kari ar ŋgokɔḭ Aaro̰ gə ŋganeeje gə́ diŋgam rəm pər gə́ rɔi’g ndá ɔr dee mbuna Israɛlje’g mba kunda dee gə kəmee gə mba karee ra kula gə́ wɔji dɔ nékinjaməs kam. Aaro̰ gə ŋganeeje gə́ diŋgam gə́ Nadab, gə Abihu, gə Eləajar, gə Itamar tɔ.

Teḛ-Raga 28:1 ပူးပေါင်းရင်းမြစ်များ

1 Sôrta Gḭka-Israɛlje 23:13

Ŋgalə Amram ɓa ri dee to nee: Aaro̰ gə Moyis. Aaro̰ lé d’ɔree d’unda gə kəmee doi, yeḛ gə ŋganeeje saar-saar gə no̰, mba roo ne néje gə́ ə̰də sululu no̰ Njesigənea̰’g ləm, gə mba ra ne kula karee ləma, gə mba tɔr ne ndu dee dɔ dəwje’g gə ri Njesigənea̰ saar-saar gə no̰ ləm tɔ.

1 Sôrta Gḭka-Israɛlje 6:10

Ŋgalə Elkana ɓa ri dee to nee: Amasai gə Ahimot,

1 Sôrta Gḭka-Israɛlje 6:34

Aaro̰ gə ŋgakeaje lé deḛ d’inja nékinjanéməsje dɔ loo-nékinjaməs’d gə́ to ka̰ roo ləm, deḛ tuu né gə́ ə̰də sululu dɔ loo-nékinjaməs’g ləm tɔ, deḛ ra kulaje lai neelé mee loo gə́ to gə kəmee doi’g d’uga ne dɔ kaiyaje lə Israɛlje gə goo taje lai gə́ Moyis, kura lə Ala un ndia dɔ’g ar dee lé tɔ.

2 Sôrta Gḭka Israɛlje 11:14

mbata Ləbije d’uba ŋgaŋ looje lə dee gə dɔ naŋgje lə dee d’ya̰ d’aw Juda ləm, gə Jerusalem ləm tɔ mbata Jeroboam deḛ gə ŋganeeje d’ɔg dee loo ra kula lə dee gə́ wɔji dɔ njékinjanéməsje lə Njesigənea̰ lé.

Pakɔsje 115:10

Seḭ gel-bɔje lə Aaro̰ lé, Maji kar sí ɔmje meḛ sí dɔ Njesigənea̰’g. Yeḛ lé to gə́ njela sə dee ləm, gə dər-rɔ lə dee ləm tɔ.

Pakɔsje 99:6

Moyis gə Aaro̰ mbuna njékinjanéməsje’g ləa ləm, Samel kara mbuna deḛ gə́ no̰ ɓar ria’g lé ləm tɔ Deḛ neelé no̰ ɓar ri Njesigənea̰ ndá Yeḛ ar dee né gə́ deḛ dəjee lé ya.

Teḛ-Raga 24:1

Ala ula Moyis pana: Al ree rɔ Njesigənea̰’g i seḭ gə Aaro̰, gə Nadab, gə Abihu, gə ŋgatɔgje lə Israɛlje rɔ-siri ndá seḭ a kundaje barmba gə kuree ɗegəse.

Teḛ-Raga 24:9

Moyis deḛ gə Aaro̰, gə Nadab, gə Abihu, gə ŋgatɔgje lə Israɛlje gə́ rɔ-siri lé d’al d’aw dɔ mbal’g tar.

Teḛ-Raga 28:41

I Moyis a kula kubuje neelé rɔ ŋgokɔḭ Aaro̰’d gə rɔ ŋganeeje gə́ diŋgam’g səa na̰’d. D’a kwa dɔ dee gə ubu ləm, i a kɔr dee kunda dee ɓəd mbata lə Ala ləma, i a kunda dee gə kəmee doi ləm tɔ ndá d’a si gə mba ra kula gə́ wɔji dɔ nékinjaməs lé kam ya.

Teḛ-Raga 29:1

Aa oo, né gə́ i a ra mba kunda dee ne gə kəmee mba kar dee ra ne kula gə́ wɔji dɔ nékinjaməs kam lé ɓa nee: I a kwa bɔ maŋg kára gə bàl badje joo gə́ rɔ dee mina̰ el.

Teḛ-Raga 29:44

Kəi-kubu-kiŋga-na̰ gə́ to gə kəmee ləm, gə loo-nékinjaməs ləm tɔ lé m’a kunda dee gə kəmee doi, m’a kunda Aaro̰ gə ŋganeeje gə́ diŋgam gə kəmee mba kar dee ra kula gə́ wɔji dɔ loo-nékinjaməs kam tɔ.

Teḛ-Raga 29:9

I a tɔ gagəra reŋ Aaro̰’g gə reŋ ŋganeeje gə́ diŋgam’g ləm, a tula jɔgje dɔ ŋgalə Aaro̰’g ləm tɔ. Kula nékinjaməs neelé a to ka̰ dee-deḛ gə goo godndu gə́ to gə no̰. Togə́bè ɓa i a kɔr ne Aaro̰ gə ŋganeeje gə́ diŋgam kunda dee ne gə kəmee ya.

Teḛ-Raga 30:30

I a tər ubu dɔ Aaro̰ gə ŋganeeje gə́ diŋgam’g neelé ləm, i a kɔr dee kunda dee gə kəmee mba kar dee ra kula gə́ wɔji dɔ nékinjaməs lé ləm tɔ.

Teḛ-Raga 31:10

gə kubuje gə́ ka̰ kula rɔ dee’g ra ne kula ləm, gə kubuje gə́ to gə kəmee mbata Aaro̰, gə́ to njekinjanéməs lé ləm tɔ,

Teḛ-Raga 35:19

gə kubuje gə́ to gə kəmee mbata lə Aaro̰ gə́ to njekinjanéməs ləm, gə kubuje lə ŋganeeje gə́ diŋgam gə́ wɔji dɔ kula gə́ loo-nékinjaməs’g ləm tɔ.

Teḛ-Raga 6:23

Aaro̰ taa dené gə́ ria lə Eliseba, ŋgolə Aminadab gə́ dené gə́ to ko̰ na̰ Nasonje, yeḛ oji səa Nadab, Abihu, Eləajar gə Itamar.

Ləbije 10:1

Nadab gə Abihu, deḛ gə́ to ŋgalə Aaro̰ lé nana kara un bai-su-né ləa-ləa ɓa d’ɔm pər keneŋ tɔɓəi d’ɔm né gə́ ə̰də sululu dɔ’g tɔ, ndá d’aw d’aar ne no̰ Njesigənea̰’g gə pər gə́ gə goo rəbee el, mbata yeḛ un ndia dɔ’g ar dee el.

Ləbije 10:12

Moyis ula Aaro̰ gə Eləajar gə Itamar, ŋgalə Aaro̰ gə́ joo gə́ nai lé pana: Unje ges nékar gə́ to nduji gə́ nai mbuna nékinjanéməsje gə́ ka̰ roo dee no̰ Njesigənea̰’g lé aw sɔje lal əm-tiné mbɔr loo-nékinjaməs’g, mbata to né gə́ to gə kəmee doi ya.

Ləbije 7:35

Gə goo kwa gə́ d’wa dɔ Aaro̰ gə ŋganeeje gə ubu lé yee ɓa to né gə́ ka̰ kar dee d’iŋga ne nékinjanéməsje gə́ ka̰ roo no̰ Njesigənea̰’g un kudee mee ndəa gə́ d’unda dee ne gə kəmee no̰ dəwje’g mba kar dee ra kula ləm gə́ wɔji dɔ nékinjaməs lé tɔ.

Ləbije 8:1

Njesigənea̰ ula Moyis pana:

Ləbije 8:2

Maji kar Aaro̰ gə ŋganeeje d’aw səi na̰’d ndá odo kubuje ləm, gə ubu gə́ ka̰ tər dɔ dee’g ləm tɔ, wa bɔ maŋg gə́ ka̰ kuga dɔ kaiya ləm, gə bàl badje joo ləma, un karè gə́ muru gə́ lal əm-tiné to keneŋ ləm tɔ aw ne,

Bula lə Israɛlje 18:7

I seḭ gə ŋganije na̰’d lé a tɔsje kəm sí bao-bao dɔ kula ra sí gə́ wɔji dɔ nékinjaməs ləm, mbata lə néje lai gə́ wɔji dɔ loo-nékinjaməs ləma, gə mbata lə né gə́ to mee kubu-gaŋg-mee-kəi’g ləm tɔ: yee ɓa to kula ra sí gə́ seḭ a raje. Kula gə́ wɔji dɔ nékinjaməs lé to nojimeenda gə́ ma m’wa sə sí. Dəw-dɔ-ɓee gə́ tibi mbɔree ndá d’a tɔlee gə́ tɔl ya.

Bula lə Israɛlje 2:4

gə kudu njérɔje ləa gə́ d’as dəwje tɔl-dɔg-loo rɔ-siri giree-sɔ gə dɔ dee tɔl-misa̰ (74.600), gə goo tura gə́ deḛ tura bula lə dee lé ya.

Bula lə Israɛlje 26:61

Nadab gə Abihu d’wəi loo gə́ deḛ d’un pər gə́ raŋg ree ne no̰ Njesigənea̰’g lé.

Lugu 1:8

Ndɔ kára bèe Jakari si ra kula nékinjaməs no̰ Ala’g lé, ra ne né gə́ wɔji dɔ kudu-dəwje’g ləa keneŋ.

Tel tura Godndu 10:6

Israɛlje d’ḭ Beerot-Bene-Jakan d’aw Mosera. Lée gə́ neelé ɓa Aaro̰ wəi ar dee dubee keneŋ ndá ŋgonee gə́ Eləajar ɓa taa toree loo kula kḭjanémes’g.

Tel tura Godndu 18:5

mbata to yeḛ nja ɓa Ala lə sí gə́ Njesigənea̰ mbəree mbuna ginkojije’g lai, gə mba karee ra kula gə ri Njesigənea̰, yeḛ ləm, gə ŋganeeje ləm tɔ, saar-saar gə no̰.

1 Samel 2:28

To ma nja m’ɔree mbuna ginkoji’g lə Israɛlje lai mba karee to njekinjanéməs ləm ləm, mba karee aw loo-nékinjaməs’g ləm ləm, mba karee roo né gə́ ə̰də sululu ləma, mba karee ula kubu épod kaar ne no̰m’g ləm tɔ. Tɔɓəi ma nja m’ar ŋgaka bɔbije lé nékinjanéməsje lai gə́ ka̰ roo gə́ Israɛlje d’un d’ar lé tɔ.