Teḛ-Raga 27:8 - Maktub gə́ To gə Kəmee

⁸ D’a ra loo-nékinjaməs gə gaji kagje gə́ tɔl dee ndá a kar mée to tag, d’a ra to gə́ tɔji-i ne dɔ mbal’g lé ya.

Teḛ-Raga 27:8 ပူးပေါင်းရင်းမြစ်များ

1 Sôrta Gḭka-Israɛlje 28:11

Dabid tɔji ŋgonee gə́ Salomo̰ loo kunda ne kəi-jala gə kəije ləm, gə ŋgan kəije gə́ wɔji dɔ nébaoje ləm, gə ŋgan kəije gə́ tar ləm, gə ŋgan kəije gə́ mee maree’g ləma, gə ŋgon kəi gə́ wɔji dɔ loo kunda sa̰duk-manrɔ ləm tɔ.

1 Sôrta Gḭka-Israɛlje 28:19

Dabid pana: Néje lai neelé to gə goo ndaŋgee gə́ Njesigənea̰ ndaŋg gə jia ɓa yeḛ am gosonégər gə mbata néje lai neelé gə goo nétɔjije gə́ wɔji dɔ dee dɔ dee.

Teḛ-Raga 25:40

Oo maji ndá ra gə goo lé gə́ tɔjii dɔ mbal’g lé ya.

Teḛ-Raga 25:9

Seḭ a raje kəi-kubu-si-Ala mee ndògo’g gə nékulaje lai gə́ wɔji dəa gə goo lée gə́ m’a gə tɔji ɓəi.

Matiyo 15:9

Deḛ tədkagm gə mḭdé-mḭdé ba Ndoo dee ne ndukunje gə́ to gə́ torndu dəwje ba.

Néra Njékaḭkulaje 7:44

Bɔ síje-je lé loo gə́ deḛ d’aw dɔdilaloo’g ndá kəi-surum gə́ ka̰ kɔr ginta lé to dan dee’g. To yeḛ gə́ Ala lé un ndia ar Moyis ra gə goo lé gə́ yeḛ oo lé.

Ǝbrəje 8:5

Deḛ gə́ ra kula kwa Ala meḛ dee’g lé d’wa néje gə́ naŋg nee tɔji dee ne néje gə́ dara, gə goo né gə́ Ala tɔji Moyis loo gə́ yeḛ a gə la kəi-kubu-kiŋga-na̰ lé pana: Ra lɔr-lɔr to gə́ nékwɔji maree gə́ ma m’tɔjii dɔ mbal’g lé.